ಡೆಹ್ರಾಡೂನ್: ಭಾರತ-ಚೀನಾ ಗಡಿಯ ಬಳಿ ಇರುವ ಬೈಲಿ ಸೇತುವೆ ಕುಸಿದು ಬಿದ್ದಿದ್ದೆ. ಟ್ರಕ್ವೊಂದು ಜೆಸಿಬಿ ಮಶಿನ್ನ್ನು ಹೊತ್ತು ಸಾಗುತ್ತಿದ್ದ ಸಂದರ್ಭದಲ್ಲೇ ಸೇತುವೆ ಕುಸಿದಿದ್ದು, ಟ್ರಕ್ ನೀರಿರುವ ಕಂದಕಕ್ಕೆ ಉರುಳಿಬಿದ್ದಿದೆ. ಈ ಭಯಾನಕ ದೃಶ್ಯದ ವಿಡಿಯೋ ಎಲ್ಲೆಡೆ ವೈರಲ್ ಆಗುತ್ತಿದೆ.
ಉತ್ತರಾಖಂಡ ಜಿಲ್ಲೆಯ ಪಿಥೋರ್ಗಡ್ನಲ್ಲಿ ಘಟನೆ ನಡೆದಿದೆ. ಉರುಳಿಬಿದ್ದ ಟ್ರಕ್ನ ಚಾಲಕ ಮತ್ತು ಜೆಸಿಬಿ ಚಾಲಕ ಇಬ್ಬರೂ ಗಾಯಗೊಂಡಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಈ ಸೇತುವೆ 40 ಅಡಿ ಉದ್ದವಿದ್ದು, 2009ರಲ್ಲಿ ಕಟ್ಟಲಾಗಿತ್ತು. ಇದರ ಭಾರ ಹೊರುವ ಸಾಮರ್ಥ್ಯ 18 ಟನ್. ಆದರೆ ಜೆಸಿಬಿ ಮಶಿನ್ ಹೊತ್ತ ಟ್ರಕ್ ತೂಕ 26 ಟನ್ಗಳಷ್ಟಾಗಿತ್ತು. ಅತ್ಯಂತ ಭಾರ ಹೊತ್ತ ಟ್ರಕ್ ಸಾಗಿದ್ದರಿಂದಲೇ ಸೇತುವೆ ಕುಸಿದುಬಿದ್ದಿದೆ ಎಂದು ಸ್ಥಳೀಯ ಅಧಿಕಾರಿಗಳು ತಿಳಿಸಿದ್ದಾರೆ.
ಸೇತುವೆ ಸಂಪೂರ್ಣವಾಗಿ ನಾಶವಾಗಿದ್ದರಿಂದ ಜೋಹಾರ್ ಕಣಿವೆಯ ಸಮೀಪ ಗಡಿಯಲ್ಲಿರುವ 15 ಹಳ್ಳಿಗಳ ಸಂಪರ್ಕ ಕಡಿತಗೊಂಡಿದೆ. ಟ್ರಕ್ ಚಾಲಕನ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ಹೇಳಿದ್ದಾರೆ. ಅಲ್ಲೀಗ ಮತ್ತೊಂದು ಸೇತುವೆ ನಿರ್ಮಾಣ ಮಾಡಲು 15 ದಿನಗಳಾದರೂ ಬೇಕು ಎಂದು ಮಾಹಿತಿ ನೀಡಿದ್ದಾರೆ. (ಏಜೆನ್ಸೀಸ್)