ಏನಾಗುತ್ತೆ ವಾಟ್ಸ್​ಆ್ಯಪ್​, ಫೇಸ್​ಬುಕ್, ಟ್ವಿಟರ್ ಭವಿಷ್ಯ?; ಕೇಂದ್ರ ಸರ್ಕಾರದಿಂದ ಹೊರಬಿತ್ತು ಮತ್ತೊಂದು ಸೂಚನೆ..

ನವದೆಹಲಿ: ಟ್ವಿಟರ್, ಫೇಸ್​ಬುಕ್​, ವಾಟ್ಸ್​ಆ್ಯಪ್​ ಸೇರಿ ಹಲವು ಸೋಷಿಯಲ್ ಮೀಡಿಯಾ ಹಾಗೂ ಮೆಸೇಜಿಂಗ್ ಆ್ಯಪ್​ಗಳ ಭವಿಷ್ಯ ಭಾರತದ ಮಟ್ಟಿಗೆ ಸದ್ಯ ಆತಂಕದಲ್ಲಿದ್ದು, ಇವು ನಿಷೇಧಗೊಳ್ಳಲಿದೆಯೇ ಎಂಬ ಕುತೂಹಲ ಎರಡು ದಿನಗಳಿಂದ ವ್ಯಾಪಕವಾಗಿ ಚರ್ಚೆ ಆಗುತ್ತಿದೆ. ಈ ನಡುವೆ ಇವೆಲ್ಲವುಗಳಿಗೆ ಸರ್ಕಾರ ಮತ್ತೊಂದು ಸೂಚನೆ ಕೊಟ್ಟಿದ್ದು, ಇವತ್ತೇ ತಮ್ಮ ಅಭಿಪ್ರಾಯ ತಿಳಿಸಬೇಕು ಎಂದು ಸರ್ಕಾರ ಸೂಚಿಸಿದೆ.

ಕೇಂದ್ರ ಸರ್ಕಾರ ತಂದಿರುವ ಹೊಸ ಇನ್​ಫಾರ್ಮೇಷನ್​ ಟೆಕ್ನಾಲಜಿ ರೂಲ್ಸ್​ಗೆ ಸಂಬಂಧಿಸಿದಂತೆ ಸೋಷಿಯಲ್ ಮೀಡಿಯಾ ಇಂಟರ್​ಮೀಡಿಯರಿ ಕಂಪನಿಗಳಿಗೆ ಅರ್ಥಾತ್​ ಫೇಸ್​ಬುಕ್​, ಟ್ವಿಟರ್ ಮುಂತಾದ ಕಂಪನಿಗಳಿಗೆ ಫೆಬ್ರವರಿಯಲ್ಲೇ ಸೂಚನೆ ನೀಡಿ ಮೂರು ತಿಂಗಳ ಕಾಲಾವಕಾಶ ನೀಡಿತ್ತು. ಆ ಗಡುವು ನಿನ್ನೆಗೇ ಮುಗಿದಿದೆ.

ಇದನ್ನೂ ಓದಿ: ವಾಟ್ಸ್​ಆ್ಯಪ್​, ಫೇಸ್​ಬುಕ್​, ಟ್ವಿಟರ್​ ನಾಳೆಯಿಂದ ಭಾರತದಲ್ಲಿ ನಿಷೇಧ?; ಸೋಷಿಯಲ್ ಮೀಡಿಯಾದಲ್ಲಿ ಗರಿಗೆದರಿದ ಕುತೂಹಲ!

ಈ ಹಿನ್ನೆಲೆಯಲ್ಲಿ ಸೋಷಿಯಲ್ ಮೀಡಿಯಾ ಇಂಟರ್​​ಮೀಡಿಯರಿ ಕಂಪನಿಗಳಿಂದ ಸರಿಯಾದ ಸ್ಪಷ್ಟನೆಗಳು ಸಿಗದ ಕಾರಣ ಸರ್ಕಾರ ಇಂದು ಮತ್ತೊಂದು ಸೂಚನೆ ಹೊರಡಿಸಿದೆ. ಕಾನೂನುಪಾಲನೆ ಕುರಿತು ಸಂಸ್ಥೆಗಳ ನಿಲುವು, ಕಂಪನಿಗಳ ವಿವರ, ಸಂಪರ್ಕಿಸಬೇಕಾದ ಅಧಿಕಾರಿಗಳ ಮಾಹಿತಿ ಎಲ್ಲವನ್ನೂ ಒದಗಿಸುವಂತೆ ಮಿನಿಸ್ಟ್ರಿ ಆಫ್ ಎಲೆಕ್ಟ್ರಾನಿಕ್ಸ್​ ಆ್ಯಂಡ್ ಇನ್​ಫಾರ್ಮೇಷನ್​ ಟೆಕ್ನಾಲಜಿ ನೋಟಿಸ್ ರವಾನಿಸಿದೆ. ಮಾತ್ರವಲ್ಲ ಈ ಬಗ್ಗೆ ಆದಷ್ಟು ಬೇಗ, ಅದರಲ್ಲೂ ಇಂದೇ ಮಾಹಿತಿ ನೀಡಲು ಆದ್ಯತೆ ನೀಡುವಂತೆ ಆಗ್ರಹಿಸಿ ಸೂಚನೆ ನೀಡಿದೆ.

https://www.vijayavani.net/dont-expose-your-vaccination-certificate-on-social-media/

https://www.vijayavani.net/whatsapp-says-new-digital-rules-mean-end-to-user-privacy/

https://www.vijayavani.net/real-star-upendra-got-1m-followers-on-twitter/