ಫಿಲಿಪೈನ್ಸ್ನ ಸೆಬು ನಗರದಲ್ಲಿ ಇನ್ನೂ ಶಾಲಾ ಶಿಕ್ಷಣ ಪಡೆಯುತ್ತಿರುವ ಬಾಲಕಿಯೊಬ್ಬಳು ಆನ್ಲೈನ್ನಲ್ಲಿ ಫುಡ್ ಆರ್ಡರ್ ಮಾಡಿದ್ದಾಳೆ. ಅಜ್ಜಿ ಜತೆಗಿದ್ದ ಆಕೆ ಇಬ್ಬರಿಗೂ ಆಗುವುಷ್ಟು ಊಟವನ್ನು ಆರ್ಡರ್ ಮಾಡಿ, ಡೆಲಿವರಿ ಬಾಯ್ ಬರುವುದನ್ನು ಕಾಯುತ್ತಾ ಕುಳಿತಿದ್ದಾಳೆ. ಆದರೆ ಕೆಲ ನಿಮಿಷಗಳಲ್ಲಿ ಆಕೆಯ ಮನೆಯ ರಸ್ತೆಗೆ ಸಾಲಾಗಿ ಒಬ್ಬರ ನಂತರ ಒಬ್ಬರು ಡೆಲಿವರಿ ಬಾಯ್ಗಳು ಬರಲಾರಂಭಿಸಿದ್ದಾರೆ. ಸಮವಸ್ತ್ರ ತೊಟ್ಟಿದ್ದ ಡೆಲಿವರಿ ಬಾಯ್ಗಳು ಈ ರೀತಿ ಬರುತ್ತಿದ್ದನ್ನು ಕಂಡು ಇಡೀ ಏರಿಯಾ ಬೆರಗಾಗಿದೆ. ಕೆಲವೊಂದಿಷ್ಟು ಜನರು ಅದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡಿದ್ದಾರೆ. 10ರಿಂದ 15 ನಿಮಿಷದಲ್ಲಿ ಆ ಬೀದಿಗೆ ಬರೋಬ್ಬರಿ 42 ಡೆಲಿವರಿ ಬಾಯ್ಗಳು ಬಂದಿದ್ದಾರೆ.
