ಸಂಜೆಯಾದ್ದರಿಂದ ಲಕ್ಷ್ಮೀ, ಸ್ನೇಹಿತೆ ಗೀತಾಳನ್ನು ನಮ್ಮ ಮನೆಯಲ್ಲೇ ಉಳಿದು ಬೆಳಗ್ಗೆ ನಿಮ್ಮ ಮನೆಗೆ ತೆರಳುವಂತೆ ಹೇಳಿದ್ದರು. ಅದರಂತೆ ಆರೋಪಿ ಗೀತಾ, ಲಕ್ಷ್ಮೀ ಅವರ ಮನೆಯಲ್ಲಿ ಉಳಿದುಕೊಂಡಿದ್ದಳು. ಅಂದು ರಾತ್ರಿ ಆಭರಣಗಳ ಡಿಸೈನ್ ನೋಡುವುದಾಗಿ ಲಕ್ಷ್ಮೀ ಅವರ ಚಿನ್ನಾಭರಣ ಪಡೆದಿದ್ದ ಗೀತಾ, ಕೆಲ ಹೊತ್ತಿನ ಬಳಿಕ ಚಿನ್ನಾಭರಣ ವಾಪಸ್ ನೀಡಿದ್ದಳು. ಆ ಚಿನ್ನಾಭರಣಗಳನ್ನು ಲಕ್ಷ್ಮೀ ಒಂದು ಬಾಕ್ಸ್ನಲ್ಲಿ ಹಾಕಿ ರೂಮ್ನಲ್ಲಿ ಇರಿಸಿದ್ದರು. ಮಾರನೇ ದಿನ ಆರೋಪಿ ಗೀತಾ ಬೆಳಗ್ಗೆ ಎದ್ದು ತಮ್ಮ ಮನೆಗೆ ತೆರಳಿದ್ದಳು. ಒಂದೆರೆಡು ದಿನ ಬಿಟ್ಟು ಬಾಕ್ಸ್ ನೋಡಿದಾಗ ಚಿನ್ನಾಭರಣ ಇರಲಿಲ್ಲ. ಈ ವೇಳೆ ಆತಂಕಗೊಂಡ ಲಕ್ಷ್ಮೀ ಮನೆಯ ಸದಸ್ಯರು ಹಾಗೂ ಮನೆಗೆಲಸದವರನ್ನು ವಿಚಾರಿಸಿದ್ದರು. ಯಾವುದೇ ಪ್ರಯೋಜನವಾಗದ ಹಿನ್ನೆಲೆಯಲ್ಲಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಈ ದೂರು ಆಧರಿಸಿ ತನಿಖೆ ನಡೆಸಿ ಆರೋಪಿ ಗೀತಾಳನ್ನು ಬಂಧಿಸಲಾಗಿದೆ ಎಂದು ತಿಳಿಸಿದ್ದಾರೆ.
