ಹವಳ ಸಂರಕ್ಷಿಸಲು ಬಂದವರು ದ್ವೀಪದಲ್ಲಿಯೇ ಬಂಧಿಗಳಾದರು...

ಮಯನ್ಮಾರ್​: ಗ್ರಾಮೀಣ ಭಾಗದಲ್ಲಿ ತಮ್ಮೂರುಗಳಿಗೆ ತೆರಳುವ ಜನರಿಗೆ ಕೊನೆಯ ಬಸ್​ ಮಿಸ್​ ಆದರೆ ಹರೋಹರ. ಅಷ್ಟಕ್ಕೂ ಇರೋದು ಒಂದೋ, ಎರಡೋ ಬಸ್​ ಎನ್ನಿ..! ಇನ್ನು ಬೆಳಗಾಗೋವರೆಗೆ ಊರು ಮುಟ್ಟಲು ಬೇರೆ ಸಾರಿಗೆ ವ್ಯವಸ್ಥೆ ಇರೋದಿಲ್ಲ. ಒಂದು ದಿನ ಅಥವಾ ರಾತ್ರಿಯಾದರೆ ಹೇಗೋ ಕಳೆಯಬಹುದು... ತಿಂಗಳುಗಟ್ಟಲೇ ಕಳೆಯುವಂತಾದರೆ....

ಮಯನ್ಮಾರ್​ನ ಕ್ಯೂನ್​ ಪಿಲಾ ಎಂಬ ದ್ವೀಪದಲ್ಲಿ ಕಳೆದ ಎರಡು ತಿಂಗಳಿನಿಂದ ಕೊನೆಯ ದೋಣಿಗಾಗಿ ಕಾಯುತ್ತಲೇ ಇದೆ ಐವರ ತಂಡ..!

ಬ್ರಿಟಿಷ್​ ಮಹಿಳೆಯೊಬ್ಬಳು ಸೇರಿ ಐವರು ದ್ವೀಪದಲ್ಲಿರುವ ಹವಳ ದ್ವೀಪಗಳ ಅಧ್ಯಯನ ಹಾಗೂ ಸಂರಕ್ಷಣೆ ಕಾರ್ಯಕ್ಕಾಗಿ ಮಾರ್ಚ್​ 19ರಂದು ಆಗಮಿಸಿದ್ದರು. ಅಲ್ಲಿ ಕೆಲದಿನಗಳವರೆಗೆ ಉಳಿಯುವ ಉದ್ದೇಶದಿಂದಲೇ ಬಂದಿದ್ದರಿಂದ ಊಟ ಹಾಗೂ ವಸತಿಗಾಗಿ ವ್ಯವಸ್ಥೆ ಮಾಡಿಕೊಂಡಿತ್ತು. ಆದರೆ, ಮೇ 5 ರಂದು ಅವರನ್ನು ಕರೆದೊಯ್ಯಬೇಕಿದ್ದ ದೋಣಿ ದ್ವೀಪಕ್ಕೆ ಬರಲೇಯಿಲ್ಲ. ಏಕೆಂದರೆ, ಕರೊನಾ ವೈರಸ್​ ಸಂಕಷ್ಟದಿಂದಾಗಿ ದೋಣಿ ಸಂಚಾರವೇ ಬಂದ್​ ಆಗಿದೆ. ಮುಂದೇನೂ ಎಂಬುದು ತಿಳಿಯದೇ ಈ ತಂಡವೂ ಕಂಗಾಲಾಗಿದೆ.

ಇದನ್ನೂ ಓದಿ; ಅತ್ತು ಕರೆದು ಪಡೆದ ಕರೊನಾ ಹಣ ಸೇನೆಗೆ ಬಳಸುತ್ತಿರುವ ಪಾಕಿಸ್ತಾನ

ಇದಲ್ಲದೇ, ವಿಮಾನ ಟಿಕೆಟ್​ ಇಲ್ಲದೇ ದ್ವೀಪದಿಂದ ಕರೆದೊಯ್ಯಲಾಗದು ಎಂದು ಅಧಿಕಾರಿಗಳು ಹೇಳುತ್ತಿದ್ದಾರೆ. ಟಿಕೆಟ್​ ಖರೀದಿಸಬೇಕೆಂದರೆ ಆರು ತಾಸು ದೋಣಿಯಲ್ಲಿ ಪ್ರಯಾಣಿಸಬೇಕಿದೆ. ಜತೆಗೆ, ವಿದೇಶಗಳಿಗೆ ವಿಮಾನ ಸಂಚಾರವಿನ್ನೂ ಪೂರ್ಣ ಪ್ರಮಾಣದಲ್ಲಿ ಆರಂಭವಾಗಿಲ್ಲ. ಪರಿಹಾರ ವಿಮಾನಗಳು ಬಂದು ಹೋಗುವುದು ಗೊತ್ತಾಗುತ್ತಿಲ್ಲ ಎಂಬುದು ನಟಾಲಿ ಪೂಲೆ ಅಳಲು ತೋಡಿಕೊಂಡಿದ್ದಾಳೆ.

ಇದನ್ನೂ ಓದಿ; ಮೆಟ್ರೋ ರೈಲು ಪ್ರಯಾಣಕ್ಕೆ ಕ್ಯೂಆರ್​ ಕೋಡ್​ ಟಿಕೆಟ್​, ಕಡ್ಡಾಯವಾಗಲಿದೆ ಆರೋಗ್ಯ ಸೇತು ಆ್ಯಪ್​

ಕೆಲ ದಿನಗಳ ಮಟ್ಟಿಗೆ ದ್ವೀಪದಲ್ಲಿ ಇರಬಹುದಾದರೂ ಹವಾಮಾನ ಬಿಗಡಾಯಿಸಿದರೆ, ಇಲ್ಲಿಮದ ಹೊರ ಹೋಗುವುದು ಕಷ್ಟಸಾಧ್ಯವಾಗಲಿದೆ ಎಂಬುದು ಅಲ್ಲಿನವರು ಭೀತಿ ವ್ಯಕ್ತಪಡಿಸಿದ್ದಾರೆ.

https://www.vijayavani.net/oxford-universitys-covid-19-vaccine-proves-effective-in-monkeys/