ಕಾರ್ಪೋರೇಟ್​​​ ಉದ್ಯೋಗ ಬಿಟ್ಟು ಕ್ಯಾಬ್ ಓಡಿಸುತ್ತಿರುವ ಈ ಇಂಜಿನಿಯರ್​ಗೆ ಅಲ್ಲಿಗಿಂತ ಇಲ್ಲೇ ಜಾಸ್ತಿ ಸಂಪಾದನೆ!

ಬೆಂಗಳೂರು: ಕಾರ್ಪೋರೇಟ್ ಕಂಪನಿಗಳ​ ಉದ್ಯೋಗ ಎಂದರೆ ಕೈತುಂಬಾ ಸಂಬಳ, ಹೈ-ಫೈ ಜೀವನ ಎಂಬುದು ಬಹುತೇಕ ಎಲ್ಲರಿಗೂ ಗೊತ್ತಿರುವಂಥದ್ದೇ. ಆದರೆ ಇಲ್ಲೊಬ್ಬ ಇಂಜಿನಿಯರ್​ ಅಲ್ಲಿನ ಕೆಲಸ ಬಿಟ್ಟು ಕ್ಯಾಬ್​ ಚಾಲನೆಗಿಳಿದಿದ್ದಾರೆ. ಮಾತ್ರವಲ್ಲ, ಅಲ್ಲಿಗಿಂತ ಕ್ಯಾಬ್​ನಲ್ಲೇ ಜಾಸ್ತಿ ಸಂಪಾದನೆ ಆಗುತ್ತಿದೆಯಂತೆ!

ಹಾಗಂತ ಕ್ಯಾಬ್​ ಓಡಿಸುತ್ತಿರುವ ಇಂಜಿನಿಯರ್​ ಖುದ್ದಾಗಿ ಹೇಳಿಕೊಂಡಿದ್ದಾರೆ. ಶ್ವೇತಾ ಕುಕ್ರೇಜಾ ಎಂಬ ಎಕ್ಸ್​(ಟ್ವಿಟರ್)​ ಬಳಕೆದಾರರೊಬ್ಬರು ಈ ಕುರಿತು ಮಾಹಿತಿ ಹಂಚಿಕೊಂಡಿದ್ದಾರೆ. ನಾನು ನಿನ್ನೆ ಕ್ಯಾಬ್​ವೊಂದರಲ್ಲಿದ್ದೆ, ಅದನ್ನು ಚಲಾಯಿಸುತ್ತಿದ್ದವರು ಇಂಜಿನಿಯರ್​. ಕ್ವಾಲ್​ಕಾಮ್​ ಎಂಬ ಕಾರ್ಪೋರೇಟ್​ ಕಂಪನಿಯಲ್ಲಿ ಸಿಗುತ್ತಿದ್ದ ಸಂಬಳಕ್ಕಿಂತ ಜಾಸ್ತಿ ಕ್ಯಾಬ್​ ಡ್ರೈವಿಂಗ್​ನಲ್ಲಿ ಸಂಪಾದಿಸುತ್ತಿರುವುದಾಗಿ ಆ ವ್ಯಕ್ತಿ ಹೇಳಿಕೊಂಡಿದ್ದಾರೆ ಎಂದು ಈಕೆ ಪೋಸ್ಟ್ ಮಾಡಿದ್ದಾರೆ.

ಇದನ್ನೂ ಓದಿ: ಸ್ಪಂದನಾ ಪಾರ್ಥಿವ ಶರೀರದ ಪೋಸ್ಟ್​ ಮಾರ್ಟಂ ಮುಕ್ತಾಯ; ಇಲ್ಲಿದೆ ಲೇಟೆಸ್ಟ್ ಅಪ್​ಡೇಟ್ಸ್​

ಕ್ಯಾಬ್​ ಡ್ರೈವರ್​ ಆಗಿರುವುದಕ್ಕಿಂತಲೂ ಇಂಜಿನಿಯರ್​ ಆಗಿರುವುದು ಯಾಕೆ ಹೆಚ್ಚು ಗೌರವಯುತ ಎಂದು ನನಗೆ ಅರ್ಥವಾಗುತ್ತಿಲ್ಲ. ಯಾವುದೇ ಉದ್ಯೋಗವೂ ಕೀಳಲ್ಲ, ಅಷ್ಟಕ್ಕೂ ಆತ ಕ್ಯಾಬ್​ ಡ್ರೈವರ್ ಆಗಿ ಹೆಚ್ಚು ಸಂಪಾದನೆ ಮಾಡುತ್ತಿದ್ದರೆ ಅದರ ಬಗ್ಗೆ ಹೆಮ್ಮೆ ಪಡಬೇಕು ಎಂದೂ ಈಕೆ ಹೇಳಿಕೊಂಡಿದ್ದಾರೆ.

ಈಕೆಯ ಎಕ್ಸ್ ಪೋಸ್ಟ್​ಗೆ ಪ್ರತಿಕ್ರಿಯೆ ನೀಡಿರುವ ಒಬ್ಬರು ನಮ್ಮ ಸೊಸೈಟಿ ಬಳಿಯ ಪಾನಿಪುರಿ ಅಂಗಡಿಯ ವ್ಯಕ್ತಿ 6ನೇ ತರಗತಿಯವರೆಗಷ್ಟೇ ವಿದ್ಯಾಭ್ಯಾಸ ಮಾಡಿದ್ದು, ತಿಂಗಳಿಗೆ 3-4 ಲಕ್ಷ ರೂ. ಸಂಪಾದನೆ ಮಾಡುತ್ತಿದ್ದಾನೆ ಮತ್ತು ಇನ್ನೊಂದು ಅಂಗಡಿ ತೆರೆಯುವುದರಲ್ಲಿದ್ದಾನೆ ಎಂದಿದ್ದಾರೆ.

https://www.vijayavani.net/man-builds-temple-in-wifes-memory-worships-her-statue-daily

https://www.vijayavani.net/why-rajgirs-crows-disappear-mysteriously-during-july-aug-malmas