ನಾನ್ವೆಜ್ ಅಂದರೆ ಅನೇಕರಿಗೆ ಪಂಚಪ್ರಾಣ. ಒಂದು ತುಂಡು ಮಾಂಸ ಸೇವಿಸದಿದ್ದರೂ ಆ ದಿನ ಕಂಪ್ಲೀಟ್ ಆಗುವುದಿಲ್ಲ ಅನ್ನೋ ಭಾವನೆ ಅನೇಕರಲ್ಲಿದೆ. ನಾನ್ವೆಜ್ನಲ್ಲಿ ವೆರೈಟಿಗಳಿವೆ. ಅವುಗಳಲ್ಲಿ ಬಿರಿಯಾನಿ ಎಲ್ಲರ ನೆಚ್ಚಿನ ಆಹಾರವಾಗಿದೆ. ಈ ಪೋಸ್ಟ್‌ನಲ್ಲಿ ದಕ್ಷಿಣ ಭಾರತದಲ್ಲಿ ಯಾವೆಲ್ಲ ಬಿರಿಯಾನಿ ಹೆಚ್ಚು ಜನಪ್ರಿಯವಾಗಿದೆ ಎಂಬುದನ್ನು ತಿಳಿದುಕೊಳ್ಳೋಣ.

ಬಿರಿಯಾನಿ ಹೆಸರು ಕೇಳಿದರೆ ಮಾಂಸಾಹಾರಿಗಳಿಗೆ ಬಾಯಲ್ಲಿ ನೀರು ಸುರಿಯುತ್ತದೆ. ಅಷ್ಟು ರುಚಿಕರವಾಗಿರುತ್ತದೆ ಈ ಖಾದ್ಯ. ಈ ಬಿರಿಯಾನಿಯಲ್ಲಿ ವೆಜ್ ಬಿರಿಯಾನಿ, ಮೊಟ್ಟೆ ಬಿರಿಯಾನಿ, ಫಿಶ್ ಬಿರಿಯಾನಿ, ಚಿಕನ್, ಮಟನ್, ಪ್ರಾನ್ ಹೀಗೆ ಹಲವು ವೆರೈಟಿಗಳಿವೆ. ಅಂದಹಾಗೆ ಬಿರಿಯಾನಿಯನ್ನು ಮೊದಲು ಇರಾನ್‌ನಲ್ಲಿ ಕಂಡುಹಿಡಿಯಲಾಯಿತು. ಬಳಿಕ ಇದನ್ನು ಮೊಘಲ್ ಆಳ್ವಿಕೆ ಕಾಲದಲ್ಲಿ ಭಾರತಕ್ಕೆ ಪರಿಚಯಿಸಲಾಯಿತು.

ನಾವೀಗ ದಕ್ಷಿಣ ಭಾರತದಲ್ಲಿ ಪ್ರಸ್ತುತ ಯಾವ ಬಿರಿಯಾನಿ ಜನಪ್ರಿಯವಾಗಿದೆ ಎಂಬುದನ್ನು ತಿಳಿಯೋಣ.

ಹೈದರಾಬಾದಿ ಬಿರಿಯಾನಿ: ಈ ಬಿರಿಯಾನಿ ಹೈದರಾಬಾದ್‌ಗೆ ಹೆಮ್ಮೆ ತಂದಿದೆ. ಇದನ್ನು ಬಾಸುಮತಿ ಅಕ್ಕಿ ಮತ್ತು ಬಿರಿಯಾನಿ ಮಸಾಲೆಗಳೊಂದಿಗೆ ತಯಾರಿಸಲಾಗುತ್ತದೆ. ಇದರ ಸುವಾಸನೆ ಮತ್ತು ರುಚಿ ಮತ್ತೊಂದು ಹಂತದಲ್ಲಿದೆ ಎಂದು ಹೇಳಬಹುದು. ದಕ್ಷಿಣ ಭಾರತಲ್ಲಿ ಈ ಬಿರಿಯಾನಿ ಸಿಕ್ಕಾಪಟ್ಟೆ ಬೇಡಿಕೆ ಇದೆ. ನಾನ್ವೆಜ್ ಪ್ರಿಯರ ಮೊದಲ ಆಯ್ಕೆ ಇದೇ ಎಂದು ಹೇಳಬಹುದಾಗಿದೆ.

ತಲ್ಲಸ್ಸೆರಿ ಬಿರಿಯಾನಿ: ಇದು ಕೇರಳದ ಅತ್ಯಂತ ಜನಪ್ರಿಯ ಬಿರಿಯಾನಿಗಳಲ್ಲಿ ಒಂದಾಗಿದೆ. ಇದನ್ನು ಬಾಸುಮತಿ ಅಕ್ಕಿಯ ಬದಲಿಗೆ ಜೀರಾ ಅಕ್ಕಿಯಿಂದ ತಯಾರಿಸಲಾಗುತ್ತದೆ. ಈ ಅಕ್ಕಿ ದಕ್ಷಿಣ ಭಾರತದಲ್ಲಿ ಬಹಳ ಜನಪ್ರಿಯವಾಗಿದೆ.

ಮಲಬಾರ್ ಬಿರಿಯಾನಿ: ಈ ಬಿರಿಯಾನಿಯನ್ನು ಕೇರಳದ ಮಲಬಾರ್ ಪ್ರದೇಶದಲ್ಲಿ ಜೀರಿಗೆ ಅಕ್ಕಿ, ಬಿರಿಯಾನಿ ಮಸಾಲಾ ಮತ್ತು ತೆಂಗಿನ ಎಣ್ಣೆಯಿಂದ ತಯಾರಿಸಲಾಗುತ್ತದೆ. ಇದು ಕೂಡ ಬಹಳ ರುಚಿಯನ್ನು ಹೊಂದಿದೆ.

ಕೋಯಿಕ್ಕೋಡ್ ಬಿರಿಯಾನಿ: ಕೇರಳದ ಕೋಯಿಕ್ಕೋಡ್ ಜಿಲ್ಲೆಯಲ್ಲಿ ಈ ಬಿರಿಯಾನಿ ಬಹಳ ಜನಪ್ರಿಯವಾಗಿದೆ. ಈ ಬಿರಿಯಾನಿಯನ್ನು ಬಾಸುಮತಿ ಅಕ್ಕಿ ಮತ್ತು ಇತರ ಮಸಾಲೆಗಳ ಮಿಶ್ರಣದಿಂದ ಬೇಯಿಸಲಾಗುತ್ತದೆ.

ಅಂಬೂರ್ ಬಿರಿಯಾನಿ: ತಮಿಳುನಾಡಿನ ವೆಲ್ಲೂರು ಜಿಲ್ಲೆಯ ಅಂಬೂರದಲ್ಲಿ ಈ ಬಿರಿಯಾನಿ ಬಹಳ ಜನಪ್ರಿಯವಾಗಿದೆ. ಇದನ್ನು ಜೀರಿಗೆ ಸಾಂಬಾ ಅನ್ನ ಮತ್ತು ಬಿರಿಯಾನಿ ಮಸಾಲೆಗಳೊಂದಿಗೆ ತಯಾರಿಸಲಾಗುತ್ತದೆ. ಕರ್ನಾಟಕದಲ್ಲೂ ಈ ಅಂಬೂರ್ ಬಿರಿಯಾನಿ ಫೇಮಸ್ ಆಗಿದೆ. ಇದಕ್ಕೆ ಸಂಬಂಧಿಸಿದ ಅನೇಕ ಹೋಟೆಲ್ಗಳನ್ನು ನೀವು ಸಾಮಾನ್ಯವಾಗಿ ನೋಡಬಹುದಾಗಿದೆ.

ಚೆಟ್ಟಿನಾಡ್ ಬಿರಿಯಾನಿ: ಕಾರೈಕುಡಿ, ಚೆಟ್ಟಿನಾಡ್ ಬಿರಿಯಾನಿಗೆ ಹೆಸರುವಾಸಿಯಾಗಿದೆ. ರುಚಿಯಲ್ಲಿ ಖಾರವಾಗಿರುವ ಈ ಬಿರಿಯಾನಿಯನ್ನು ಸಾಂಬಾ ಅಕ್ಕಿ ಮತ್ತು ಬಿರಿಯಾನಿ ಮಸಾಲೆಗಳೊಂದಿಗೆ ತಯಾರಿಸಲಾಗುತ್ತದೆ.

ದಿಂಡಿಗಲ್ ಬಿರಿಯಾನಿ: ಗುಣಮಟ್ಟದ ಬಿರಿಯಾನಿ ಎಂದರೆ ಅದು ದಿಂಡಿಗಲ್ ಬಿರಿಯಾನಿ. ಇದರ ರುಚಿ ಮತ್ತು ಪರಿಮಳ ಅಗಾಧವಾಗಿದ್ದು, ಇದನ್ನು ಜೀರಿಗೆ ಸಾಂಬಾ ಅನ್ನದೊಂದಿಗೆ ತಯಾರಿಸಲಾಗುತ್ತದೆ. (ಏಜೆನ್ಸೀಸ್)