ಗೆಳೆಯನನ್ನು ಕೊಂದು ಸಂಪ್​ನೊಳಗೆ ಹಾಕಿದ ಪಾಪಿ! ಕೊಲೆ ಮಾಡಿ ಅಸ್ಸಾಂಗೆ ಪರಾರಿ

ಬೆಂಗಳೂರು: ವ್ಯಕ್ತಿಯೊಬ್ಬ ತನ್ನ ಗೆಳೆಯನನ್ನೇ ಕೊಂದು ಸಂಪ್​ನಲ್ಲಿ ಬಿಸಾಕಿ ಪರಾರಿಯಾಗಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ಕ್ಷುಲ್ಲಕ ಕಾರಣಕ್ಕೆ ಕೊಲೆ ನಡೆದಿರುವುದಾಗಿ ತಿಳಿಸಲಾಗಿದೆ.

ಇದನ್ನೂ ಓದಿ: ಮರುಕಳಿಸಿದೆ ನಿರ್ಭಯಾ ಕೇಸ್​: ಕಬ್ಬಿಣದ ರಾಡ್​ ನೂಕಿಸಿ ಅತ್ಯಾಚಾರ ಎಸಗಿ ಕೊಲೆ!

ಮಿಸ್ಬಾ ಹುಸೇನ್ ಲಷ್ಕರ್ (20) ಕೊಲೆಯಾದ ವ್ಯಕ್ತಿ. ಈತ ವಿಠಲ್‌ಮಲ್ಯ ರಸ್ತೆಯ ಅದರ್ಶ ಡೆವಲಪರ್ಸ್ ನಲ್ಲಿ ಸೆಕ್ಯೂರಿಟಿ ಗಾರ್ಡ್ ಆಗಿ ಕೆಲಸ ಮಾಡುತ್ತಿದ್ದ. ಹೊಸ ವರ್ಷದ ಹಿಂದಿನ‌ ದಿನ ಕೆಲಸಕ್ಕೆ ಹೋಗಿದ್ದ ಮಿಸ್ಬಾ ಅಂದಿನಿಂದ ನಾಪತ್ತೆಯಾಗಿದ್ದ. ಈ ಬಗ್ಗೆ ಕಬ್ಬನ್ ಪಾರ್ಕ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಇಂದು ಆತನ ಮೃತದೇಹ ಸಂಪ್​ನಲ್ಲಿ ಪತ್ತೆಯಾಗಿದೆ.

ಇದನ್ನೂ ಓದಿ: ಉನ್ನತ ಹುದ್ದೆ ಏರುವ ಯೋಗವಿದೆ ಎಂದು ಹೇಳಿ ನ್ಯಾಯಾಧೀಶೆಗೂ ಟೋಪಿ ಹಾಕಿದ ಯುವರಾಜ!

ಯುವಕನ ಮೃತದೇಹ ಪತ್ತೆಯಾದ ನಂತರ ತನಿಖೆ ಚುರುಕುಗೊಳಿಸಿದಾಗ ಆರೋಪಿ ಪತ್ತೆಯಾಗಿದ್ದಾನೆ. ಯುವಕನ ಕೊಲೆಯ ನಂತರ ಆತನ ರೂಂ ಮೇಟ್​ ಕಾಣೆಯಾಗಿದ್ದು, ಆತನಿಗಾಗಿ ಪೊಲೀಸರು ಬಲೆ ಬೀಸಿದ್ದಾರೆ. ಆಗ ಆತ ಅಸ್ಸಾಂಗೆ ಓಡಿ ಹೋಗಿರುವುದು ಸಿಡಿಆರ್ ಚೆಕ್ ಮೂಲಕ ತಿಳಿದುಬಂದಿದೆ. ನಂತರ ಅಸ್ಸಾಂ ಪೊಲೀಸರ ಜತೆ ಸಂಪರ್ಕ ಸಾಧಿಸಿಕೊಳ್ಳಲಾಗಿದ್ದು, ಆರೋಪಿಯನ್ನು ಬಂಧಿಸಲಾಗಿದೆ.

https://www.vijayavani.net/lady-makes-fake-complaint-just-because-of-her-boyfriend/

https://www.vijayavani.net/married-woman-dies-at-bachelors-home-and-bachelors-are-missing-after-that-incident/