ದುಡ್ಡು ಕೊಟ್ರೆ ಸ್ಪಾಟಲ್ಲೇ ಕೆಲ್ಸ... ಗಂಡನ ಲ್ಯಾಪ್​ಟಾಪ್​ ಬಳಸಿ ಮಾಡಬಾರದ್ದನ್ನು ಮಾಡ್ತಿದ್ದ ಮಹಿಳೆಯ ಬಂಧನ!

ತುಮಕೂರು: ಗಂಡನ ಲ್ಯಾಪ್​ಟಾಪ್​ ಬಳಸಿ, ದಾಖಲೆಗಳನ್ನು ತಿರುಚಿ, ಆರ್​ಟಿಒ ಇಲಾಖೆಗೆ ಚೆಳ್ಳೆಹಣ್ಣು ತಿನ್ನಿಸುತ್ತಿದ್ದ ಖತರ್ನಾಕ್​ ಸೈಬರ್​ ಕಳ್ಳಿಯನ್ನು ಪೊಲೀಸರು ಬಂಧಿಸಿ, ಕಂಬಿ ಹಿಂದೆ ತಳ್ಳಿದ್ದಾರೆ.

ಬಂಧಿತಳನ್ನು ಸಿಂಧೂರ ಲಕ್ಷ್ಮೀ ಎಂದು ಗುರುತಿಸಲಾಗಿದೆ. ಈಕೆಯ ಕೃತ್ಯ ಕಂಡು ಪೊಲೀಸರೇ ದಂಗಾಗಿದ್ದಾರೆ. ಮಧುಗಿರಿ ಆರ್​ಟಿಒ ಕಚೇರಿಯ ರಿಜಿಸ್ಟ್ರೇಶನ್ ಪಾಸ್​ವರ್ಡ್ ಪಡೆದು ಬೇಕಾದವರಿಗೆ ಬೇಕಂದಲ್ಲಿ ಗಾಡಿ ರಿಜಿಸ್ಟ್ರೇಷನ್ ಮಾಡಿಕೊಟ್ಟಿದ್ದಾಳೆ. 2019 ರಿಂದ 2020 ರವರೆಗೂ ಲಕ್ಷಾಂತರ ರೂಪಾಯಿಯನ್ನು ವಂಚಿಸಿದ್ದಾಳೆ.

ದುಡ್ಡು ಕೊಟ್ರೆ ಸ್ಥಳದಲ್ಲೇ ಆರ್​ಸಿ ಕಾರ್ಡ್, ಚಾರ್ಸಿ ನಂಬರ್ ಮತ್ತು ಎಫ್​ಸಿ ಸರ್ಟಿಫಿಕೇಟ್ ಕೊಡುತ್ತಿದ್ದಳು. ತನ್ನೆಲ್ಲ ಕೃತ್ಯಕ್ಕೆ ಗಂಡನ ಲ್ಯಾಪ್​ಟಾಪ್​ ಅನ್ನು ಬಳಸಿಕೊಂಡಿದ್ದು, ಬೇಕೆಂದಾಗ ಲಾಗಿನ್ ಆಗಿ ದುಡ್ಡು ನೀಡಿದವರಿಗೆ ರಿಜಿಸ್ಟ್ರೇಷನ್ ಮಾಡಿಕೊಡುತ್ತಿದ್ದಳು. ಬರೋಬ್ಬರಿ 286 ದಾಖಲೆಗಳನ್ನ ತಿದ್ದಿ ತೀಡಿ ಹಣವನ್ನು ನುಂಗಿ ನೀರು ಕುಡಿದಿದ್ದಾಳೆ.

ಈ ಸಂಬಂಧ ತುಮಕೂರು ಸೈಬರ್ ಠಾಣೆಯಲ್ಲಿ ಪ್ರಕರಣ ದಾಖಲಾಗುತ್ತಿದ್ದಂತೆ ಖತರ್ನಾಕ್​ ಕಳ್ಳಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಆಕೆ ಬಳಿ ಲ್ಯಾಪ್​ಟ್ಯಾಪ್ ಮತ್ತು ಅಕ್ರಮ ದಾಖಲೆಗಳನ್ನು ವಶಕ್ಕೆ ಪಡೆದುಕೊಂಡಿದ್ದು, ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/r-indian-doctor-helped-a-critical-rizwan-recover-in-time-for-t20-world-cup-semi-final/

https://www.vijayavani.net/children-born-in-outer-space-jeff-bezos-is-the-future/

https://www.vijayavani.net/bl-santhosh-talk-about-bjp-party/