ಹೆದ್ದಾರಿಯಲ್ಲಿ ಹೊತ್ತಿ ಉರಿದ ವ್ಯಾನ್

ಕೊಡಗು ಜಿಲ್ಲೆಯ ಕುಟ್ಟದ ಮಹಾಲಿಂಗು ಅವರ ಮಾರುತಿ ವ್ಯಾನ್ ಇದಾಗಿದ್ದು, ಇವರು ಶಬ್ಬೀರ್ ನಗರಕ್ಕೆ ಹೋಗುತಿದ್ದಾಗ ಬೆಂಕಿ ಕಾಣಿಸಿಕೊಂಡಿದೆ. ವ್ಯಾನ್‌ನಲ್ಲಿ ಒಬ್ಬರೆ ಇದ್ದ ಅವರು ತಕ್ಷಣವೇ ಕೆಳಗಿಳಿದು ಬಚಾವಾಗಿದ್ದಾರೆ. ಪಕ್ಕದಲ್ಲೇ ಪೆಟ್ರೋಲ್ ಬಂಕ್ ಇದುದ್ದರಿಂದ ಆತಂಕ ಮೂಡಿಸಿತ್ತಾದರೂ ಸಾರ್ವಜನಿಕರ ಸಮಯ ಪ್ರಜ್ಞೆಯಿಂದ ಭಾರಿ ಅನಾಹುತ ತಪ್ಪಿತು. ತಕ್ಷಣ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾದರು. ಅಷ್ಟರಲ್ಲಾಗಲೇ ವ್ಯಾನ್ ಪೂರ್ಣ ಬೆಂಕಿಭಸ್ಮವಾಗಿತ್ತು. ಅಪಾರ ಸಂಖ್ಯೆಯಲ್ಲಿ ಜನ ಜಮಾಯಿಸಿದ್ದರು.

ಹುಣಸೂರು-ಮೈಸೂರು ಹೆದ್ದಾರಿಯಲ್ಲಿ ಕೆಲ ಹೊತ್ತು ಸಂಚಾರ ಸಿಕ್ಕು ಆಗಿತ್ತು. ಸ್ಥಳಕ್ಕೆ ನಗರಠಾಣೆ ಪೊಲೀಸರು ಭೇಟಿ ನೀಡಿದ್ದರು.