ಕರುಗಳ ಸಾಕಣೆ ಆರ್ಥಿಕ ಲಾಭ

ತಾಲೂಕಿನ ಕೂಗಲೂರು ಗ್ರಾಮದಲ್ಲಿ ಬುಧವಾರ ಪಶುಪಾಲನಾ ಇಲಾಖೆ ಹಾಗೂ ನ್ಯಾಷನಲ್ ಆಗ್ರೋ ಫೌಂಡೇಷನ್ ವತಿಯಿಂದ ಮಿಶ್ರ ತಳಿ ಹೆಣ್ಣು ಕರುಗಳ ಪ್ರದರ್ಶನ ಹಾಗೂ ಬಹುಮಾನ ವಿತರಣೆ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. ನಿಮ್ಮ ಮನೆಯಲ್ಲಿ ಹುಟ್ಟಿದ ಕರುಗಳನ್ನು ಉತ್ತಮವಾಗಿ ಪಾಲನೆ ಮಾಡಿ. ಹಸುಗಳನ್ನು ಕೊಂಡುಕೊಳ್ಳಲು 60ರಿಂದ 70 ಸಾವಿರ ರೂ. ಹಣ ಬೇಕಾಗುತ್ತದೆ. ಕರುಗಳಿಗೆ ಕಾಲಕಾಲಕ್ಕೆ ತಕ್ಕಂತೆ ಜಂತುಹುಳು, ಖನಿಜ ಮಿಶ್ರಣ ಸೇರಿದಂತೆ ಬೇಕಾದ ಔಷಧಗಳನ್ನು ನೀಡಿ ಉತ್ತಮವಾಗಿ ಬೆಳೆಸಿ ಎಂದು ಸಲಹೆ ನೀಡಿದರು.

ನ್ಯಾಷನಲ್ ಆಗ್ರೋ ಫೌಂಡೇಷನ್‌ನ ಕೃಷಿ ಅಧಿಕಾರಿ ಗಣೇಶ್ ಪ್ರಸಾದ್ ಮಾತನಾಡಿ, ರೈತರು ಕೃಷಿಯ ಜತೆಗೆ ಹೈನುಗಾರಿಕೆಯನ್ನು ಒಟ್ಟಿಗೆ ಮಾಡುವುದರಿಂದ ಹೆಚ್ಚಿನ ಆದಾಯ ಗಳಿಸಬಹುದಾಗಿದೆ. ತಾಲೂಕಿನ ಪ್ರತಿ ಗ್ರಾಮಗಳಲ್ಲೂ ಹೈನುಗಾರಿಕೆಗೆ ಬೇಕಾದ ತರಬೇತಿ ಶಿಬಿರಗಳನ್ನು ಆಯೋಜನೆ ಮಾಡುತ್ತಿದ್ದೇವೆ ಎಂದರು.

ಡೇರಿ ಅಧ್ಯಕ್ಷ ಮಹದೇವ ನಾಯಕ, ಚಿಕ್ಕನಾಯಕ, ಡಾ.ರಾಘವೇಂದ್ರ, ಡಾ.ವಿವೇಕ್, ಡಾ.ಅಭಿಲಾಷ್, ಡಾ.ಮಧು, ಪ್ರಭಾವತಿ, ರೇವಣ್ಣ, ನಂಜುಂಡಸ್ವಾಮಿ, ಗುರುಸ್ವಾಮಿ, ರಮೇಶ್, ಅನಿಲ್, ಕೀರ್ತಿ, ಕುಮಾರ್ ಹಾಜರಿದ್ದರು.