ಸರ್ಕಾರಿ ಶಾಲೆ ಮಕ್ಕಳ ಕಣ್ಣೀರಿಗೆ ಸ್ಪಂದಿಸಿದ ಕಿಚ್ಚ, ವಿಡಿಯೋ ಕಾಲ್ ಮೂಲಕ ಧೈರ್ಯ ತುಂಬಿದ ಸುದೀಪ್​

ಹುಬ್ಬಳ್ಳಿ: ಇಲ್ಲಿನ ರಾಮನಗರದ ‘ಹರಿಜನ ಹೆಣ್ಣುಮಕ್ಕಳ ಕನ್ನಡ ಪ್ರಾಥಮಿಕ ಶಾಲೆ’ ಮಕ್ಕಳ ಶಿಕ್ಷಣಕ್ಕೆ ನೆರವಾಗುವ ನಿಟ್ಟಿನಲ್ಲಿ ನಟ ಸುದೀಪ್​ ಅಣತಿಯಂತೆ ಕಿಚ್ಚ ಸುದೀಪ್ ಚಾರಿಟಬಲ್ ಟ್ರಸ್ಟ್ ಪದಾಧಿಕಾರಿಗಳು ಬುಧವಾರ ಭೇಟಿ ನೀಡಿ ಪರಿಶೀಲಿಸಿದರು.

ಗಾಂಧಿವಾಡ ಕೋ ಆಪರೇಟಿವ್ ಸೊಸೈಟಿಯವರು ಜಾಗ ತಮ್ಮದೆಂದು ನ್ಯಾಯಾಲಯದ ಮೂಲಕ ಕಳೆದ ವಾರ ಶಾಲೆ ಖಾಲಿ ಮಾಡಿಸಿದ್ದರು. ಅಂದು ಶಾಲೆ ಖಾಲಿ ಮಾಡಿಸಲು ಬಂದ ಸೊಸೈಟಿ ಸಿಬ್ಬಂದಿ ಮತ್ತು ಪೊಲೀಸರ ಮುಂದೆ 'ಶಾಲೆ ಖಾಲಿ ಮಾಡ್ಬೇಡಿ.. ನಾನು ಓದಿ ದೊಡ್ಡ ವ್ಯಕ್ತಿ ಆಗ್ಬೇಕು, ನನ್ನ ತಾಯಿಯನ್ನ ಸಾಕಬೇಕು… ನಮ್ ಶಾಲೆ ಖಾಲಿ ಮಾಡ್ಸಿದ್ರೆ ನಮ್​ ಟೀಚರ್​ ರೋಡಲ್ಲಿ ಕೂರ್ಸಿ ಪಾಠ ಮಾಡ್ಬೇಕಾ? ನಮ್ಗೆ ಯಾರ್ಗೂ ಶಾಲೆ ಬಿಟ್​ ಕೊಡಾಕ ಮನಸ್ಸಿಲ್ರಿ…’ ಎಂದು ಮಕ್ಕಳು ಗೋಳಾಡಿದ್ದರು. ಬಳಿಕ ಶಿಕ್ಷಕರು ರಸ್ತೆಬದಿ ಬಿಸಿಲಲ್ಲೇ ಮಕ್ಕಳಿಗೆ ಪಾಠ ಮಾಡುತ್ತಿದ್ದರು. ಇದೆಲ್ಲವನ್ನೂ 'ದಿಗ್ವಿಜಯ ನ್ಯೂಸ್​' ವಿಸ್ತೃತ ವರದಿ ಪ್ರಸಾರ ಮಾಡಿತ್ತು. ಈ ಸುದ್ದಿ ನೋಡಿದ ಅಭಿನಯ ಚಕ್ರವರ್ತಿ ಸುದೀಪ್​ ತಕ್ಷಣ ‘ದಿಗ್ವಿಜಯ’ ನ್ಯೂಸ್ ಚಾನಲ್​ನ ಪ್ರತಿನಿಧಿಗೆ ಕರೆ ಮಾಡಿ ಶಾಲೆಯ ಬಗ್ಗೆ ಮಾಹಿತಿ ಪಡೆದರು. ಈ ಶಾಲೆಯ ಮಕ್ಕಳಿಗೆ ನೆರವು ನೀಡುವ ಜತೆಗೆ ಬೇರೆ ಕಟ್ಟಡದ ವ್ಯವಸ್ಥೆ ಮಾಡುವುದಾಗಿ ಭರಸವೆ ನೀಡಿದ್ದರು.

ಗಾಂಧಿವಾಡ ಕೋ ಆಪರೇಟಿವ್ ಸೊಸೈಟಿ ನ್ಯಾಯಾಲಯದ ಮೂಲಕ ಶಾಲೆ ಖಾಲಿ ಮಾಡಿಸಿದೆ. ಇದರಿಂದಾಗಿ ರಸ್ತೆಬದಿ ಬಿಸಿಲಲ್ಲಿ ಕುಳಿತು ವಿದ್ಯಾಭ್ಯಾಸ ಕಲಿಯುವಂತಾಗಿದೆ ಮಕ್ಕಳು ಕಣ್ಣೀರಿಟ್ಟರು. ಇದೇ ವೇಳೆ ಚಾರಿಟಬಲ್ ಟ್ರಸ್ಟ್ ಪದಾಧಿಕಾರಿಗಳ ಮೊಬೈಲ್​​ಗೆ ವಿಡಿಯೋ ಕಾಲ್​ ಮೂಲಕ ಮಕ್ಕಳೊಂದಿಗೆ ಮಾತನಾಡಿದ ಸುದೀಪ್​, ನಾನಿದ್ದೇನೆ ಭಯಪಡಬೇಡಿ ಎಂದು ಧೈರ್ಯ ತುಂಬಿದರು. ಖುಷಿಯಾದ ಮಕ್ಕಳು ಮತ್ತು ಶಿಕ್ಷಕ ಧನ್ಯವಾದ ಸಲ್ಲಿಸಿದರು.

https://www.vijayavani.net/kichha-sudep-helps-hubli-harijan-kannada-girls-school-student/

https://www.vijayavani.net/ramesh-jarakiholi-cd-case-bjp-and-congress-tweet-war-continu/

https://www.vijayavani.net/kr-nagara-bindushree-case/

https://www.vijayavani.net/cpi-car-theft-case-in-chitradurga/