ವಾಕಿಂಗ್​ಗೆ ಹೋದವರು ವಾಪಸ್ ಬರಲೇ ಇಲ್ಲ; ಕಾಂಪೌಂಡ್ ಗೋಡೆ ಬಿದ್ದು ವ್ಯಕ್ತಿ ಸ್ಥಳದಲ್ಲೇ ಸಾವು

ಆನೇಕಲ್: ವಾಕಿಂಗ್​ಗೆ ಎಂದು ಹೇಳಿ ಹೋಗಿದ್ದ ವ್ಯಕ್ತಿಯೊಬ್ಬರು ವಾಪಸ್ ಬರಲೇ ಇಲ್ಲ. ದುರಂತವೆಂದರೆ, ವಾಕಿಂಗ್ ವೇಳೆ ಕಾಂಪೌಂಡ್​ ಗೋಡೆ ಕುಸಿದು ಅವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ಆನೇಕಲ್ ತಾಲೂಕಿನ ಸರ್ಜಾಪುರದಲ್ಲಿ ಈ ದುರಂತ ಸಂಭವಿಸಿದೆ. ಈ ದುರ್ಘಟನೆಯಲ್ಲಿ ಮಂಜುನಾಥ ಎಂಬವರು ಮೃತಪಟ್ಟಿದ್ದಾರೆ. ಸರ್ಜಾಪುರ ಕೆರೆಯ ಪಕ್ಕದಲ್ಲಿನ ಗೋಡೆ ಇವರ ಮೇಲೆ ಬಿದ್ದಿದೆ. ಬಡಾವಣೆ ಸುರಕ್ಷತೆಗಾಗಿ ಹಾಕಿದ್ದ ಈ ಗೋಡೆ ತಲೆಯ ಮೇಲೇ ಬಿದ್ದಿದ್ದರಿಂದ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ಬಡಾವಣೆಯ ಸುರಕ್ಷತೆಗೆ ಎಂದು ರೆಡಿಮೇಡ್ ವಾಲ್ ಹಾಕಿದ್ದರು. ಆದರೆ ಅವೈಜ್ಞಾನಿಕವಾಗಿ ಕಾಮಗಾರಿ ಮಾಡಿದ್ದರಿಂದ ಗೋಡೆ ವಾಲಿ ಬಿದ್ದಿದೆ. ಸ್ಥಳಕ್ಕೆ ಸರ್ಜಾಪುರ ಪೊಲೀಸರು ಭೇಟಿ ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.

https://www.vijayavani.net/both-sons-died-2-days-after-the-death-of-mother-all-three-lost-life-due-to-corona/

https://www.vijayavani.net/father-missing-please-help-to-find-a-request-by-son/

https://www.vijayavani.net/corona-creating-tragedy-in-family/