ಬೀದಿನಾಯಿಗಳಿಗೆ ಆಶ್ರಯ ತಾಣ ಪ್ರಕ್ರಿಯೆ ಶುರು | STRAY DOGS

ಬೀದಿನಾಯಿಗಳನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ಸುಪ್ರೀಂಕೋರ್ಟ್​ ಆದೇಶದಂತೆ ಬೀದಿನಾಯಿಗಳನ್ನು ಸ್ಥಳಾಂತರಿಸಿ ಆಶ್ರಯ ನೀಡುವ ಪ್ರಕ್ರಿಯೆಯನ್ನು ಗ್ರೇಟರ್​ ಬೆಂಗಳೂರು ಪ್ರಾಧಿಕಾರ (ಜಿಬಿಎ) ಆರಂಭಿಸಿದ್ದು, 1.83 ಕೋಟಿಯ ಟೆಂಡರ್​ ಆಹ್ವಾನಿಸಿದೆ.

ಬೆಂಗಳೂರು ದಣ ನಗರ ಪಾಲಿಕೆಯ ವ್ಯಾಪ್ತಿಯ 500 ಬೀದಿನಾಯಿಗಳನ್ನು ಒಂದು ವರ್ಷದ ಕಾಲ ದಿನಕ್ಕೆ ಎರಡು ಬಾರಿ ಚಿಕನ್​ ರೈಸ್​ ನೀಡುವುದು ಸೇರಿ ಶಾಶ್ವತ ಆಶ್ರಯ ಕಲ್ಪಿಸಲು ನಿರ್ಧರಿಸಿದೆ. ಎಸ್​.ಬಿಂಗಿಪುರದಲ್ಲಿ ಬೀದಿ ನಾಯಿಗಳಿಗೆ ಆಶ್ರಯ ತಾಣ ಕಲ್ಪಿಸಲಾಗುತ್ತಿದೆ.  

ಪಾಲಿಕೆಯ ವ್ಯಾಪ್ತಿಯಲ್ಲಿರುವ ಸಂ&ಸಂಸ್ಥೆ ಹಾಗೂ ಸಾರ್ವಜನಿಕ ಪ್ರದೇಶದ ಸುತ್ತಮುತ್ತ ಇರುವ ಶ್ವಾನಗಳನ್ನು ಗುರುತಿಸುವ ಕೆಲಸಗಳು ಈಗಾಗಲೇ ನಡೆದಿದ್ದು. ಪ್ರಮುಖವಾಗಿ ಶಾಲಾ&ಕಾಲೇಜು, ಆಸ್ಪತ್ರೆ, ಬಸ್​, ರೈಲು ನಿಲ್ದಾಣದಂತಹ ಜನ ದಟ್ಟಣೆ ಇರುವ ಸ್ಥಳಗಳಿಂದ ಮೊದಲು ತೆರವು ಗೊಳಿಸಲು ತೀರ್ಮಾನಿಸಲಾಗಿದೆ. ಸಂ&ಸಂಸ್ಥೆಗಳಿಗೆ ತಮ್ಮ ಆವರಣದಲ್ಲಿ ಇರುವ ಬೀದಿನಾಯಿಗಳ ಕುರಿತು ಮಾಹಿತಿ ನೀಡಲು ಜಿಬಿಎ ಸೂಚನೆ ನೀಡಿತ್ತು. ಅದೇ ರೀತಿ ಗುರುತಿಸಲಾದ ಎಲ್ಲ ನಾಯಿಗಳನ್ನು ಸ್ಥಳಾಂತರಿಸಿ, ಲಸಿಕೆ, ಸಂತಾನ ಶಕ್ತಿ ಹರಣ ಚಿಕಿತ್ಸೆ ಹಾಗೂ ಸಂರಕ್ಷಣೆ ಮಾಡುವ ನಿಟ್ಟಿನಲ್ಲಿ ವಿವಿಧ ಸಂಸ್ಥೆಗಳು ಕೈಜೋಡಿಸುವಂತೆ ಟೆಂಡರ್​ ಆಹ್ವಾನಿಸಲಾಗಿದೆ.

500 ಬೀದಿ ನಾಯಿಗಳಿಗೆ ಅಲ್ಲಿ ಆಹಾರ ನೀಡಿ ನಿರ್ವಹಣೆ ಮಾಡುವುದಕ್ಕೆ 1,83,60,000 ರೂ., ಮೊತ್ತದ ಯೋಜನೆ ರೂಪಿಸಲಾಗಿದ್ದು, ಗುತ್ತಿಗೆ ಪಡೆದ ಸಂಸ್ಥೆಯು 12 ತಿಂಗಳು 500 ಬೀದಿ ನಾಯಿಗೆ ಆಹಾರ ಮತ್ತು ಆಶ್ರಯ ನೀಡಬೇಕಿದೆ.

500 ನಾಯಿ ಹಿಡಿಯುವುದು ಸೇರಿದಂತೆ ಮೊದಲ ಒಂದು ತಿಂಗಳಿಗೆ ಪ್ರತಿ ನಾಯಿಗೆ 3.335ರೂ. ಖರ್ಚು ಮಾಡಲಾಗುತ್ತದೆ. ಎರಡನೇ ತಿಂಗಳಿನಿಂದ ನಾಯಿ ಹಿಡಿಯುವ ಶುಲ್ಕ ಮೊತ್ತ 300 ಕಡಿತಗೊಳಿಸಿ 3,035 ರೂ. ವೆಚ್ಚ ಮಾಡುವುದಕ್ಕೆ ತೀಮಾರ್ನಿಸಲಾಗಿದೆ. 3,035 ರೂ.ವೆಚ್ಚದಲ್ಲಿ ದಿನಕ್ಕೆ ಎರಡು ಬಾರಿ ಚಿಕನ್​ ರೈಸ್​ ಆಹಾರ ನೀಡುವುದಕ್ಕೆ, ಸಿಬ್ಬಂದಿ ವೆಚ್ಚ, ನಿರ್ವಹಣೆ ವೆಚ್ಚ ಎಲ್ಲವನ್ನೂ ಒಳಗೊಂಡಿದೆ.

* 500 ನಾಯಿ ಹಿಡಿಯುವುದು, ಸಾಗಾಣಿಕೆ, ಲಸಿಕೆ ವೆಚ್ಚ &1,50,000 ರೂ.(ಒಂದು ಬಾರಿಯ ವೆಚ್ಚ)

* ಆಹಾರ 7,50,000 ರೂ.( ದಿನಕ್ಕೆ 2 ಬಾರಿ)

* ಆಡಳಿತ ವೆಚ್ಚ& 10,000

* ಔಷಧಿ ವೆಚ್ಚ&15,000 ರೂ.

* ಸ್ವಚ್ಛತಾ ಸಾಮಗ್ರಿ&10,000 ರೂ.

* ಸಿಬ್ಬಂದಿ ವೇತನ 1,18,483 ರೂ.(ಒಬ್ಬ ಪ್ಯಾರಾವೆಟ್​, ನಾಲ್ವರು ಸಹಾಯಕರು)