ಬೀದಿನಾಯಿಗಳಿಗೆ ಸಂತಾನಹರಣ, "ಗ್ರೇಟರ್​' ಶಾಶ್ವತ ತಾಣ | STRAY DOG SERIES PART-2

ಪ್ರಾಣಿ ಕಲ್ಯಾಣ ಮಂಡಳಿ ಹಾಗೂ ಸುಪ್ರೀಂ ಕೋರ್ಟ್​ ಆದೇಶವನ್ನು ಚಾಚೂ ತಪ್ಪದೆ ಪಾಲನೆ ಮಾಡಲಾಗುತ್ತಿದ್ದು, ಸಾರ್ವಜನಿಕರಿಗೆ ತೊಂದರೆಯಾಗದ ರೀತಿಯಲ್ಲಿ ನಾಯಿಗಳ ಬಗ್ಗೆಯೂ ಕಾಳಜಿ ವಹಿಸಿ, ವ್ಯವಸ್ಥಿತ ಪ್ರದೇಶವಿದ್ದಲ್ಲಿ ಮಾತ್ರ ಸ್ಥಳಾಂತರ ಮಾಡಲು ಕ್ರಮ ಕೈಗೊಳ್ಳುತ್ತಿದ್ದೇವೆ ಎನ್ನುತ್ತಿದೆ ಗ್ರೇಟರ್​ ಬೆಂಗಳೂರು ಪ್ರಾಧಿಕಾರ (ಜಿಬಿಎ). ಶ್ವಾನಗಳನ್ನು ಪ್ರಮುಖವಾಗಿ ಶಾಲಾ&ಕಾಲೇಜು, ಆಸ್ಪತ್ರೆ, ಬಸ್​, ರೈಲು ನಿಲ್ದಾಣದಂತಹ ಜನದಟ್ಟಣೆ ಇರುವ ಸ್ಥಳಗಳಿಂದ ತೆರವುಗೊಳಿಸಲು ಸಂ&ಸಂಸ್ಥೆಗಳಿಗೆ ಜಿಬಿಎ ಸೂಚನೆ ನೀಡಿತ್ತು. ಸಂಸ್ಥೆಯ ಆವರಣದಲ್ಲಿ ಇರುವ ಬೀದಿನಾಯಿಗಳನ್ನು ಗುರುತಿಸಿ ಜಿಬಿಎಗೆ ಮಾಹಿತಿ ರವಾನಿಸುವಂತೆ ತಿಳಿಸಿತ್ತು. ಗೂಗಲ್​ ಾಮ್​ರ್ ಮೂಲಕವೂ ಮಾಹಿತಿ ಸಂಗ್ರಹ ಕಾರ್ಯ ನಡೆಯುತ್ತಿದೆ. ಆ ಪೈಕಿ ಕೆಲವು ಪಾಲಿಕೆಗಳು ತುಂಬಾ ಕಡಿಮೆ ಸಂಸ್ಥೆಗಳನ್ನು ತಲುಪಿದ್ದು, ಅವರಿಗೆ ಲಭಿಸಿದ ಮಾಹಿತಿಯೂ ತೀರ ಕಡಿಮೆ ಎನಿಸಿದೆ. ಬಸ್​, ರೈಲು ನಿಲ್ದಾಣ ಇತ್ಯಾದಿ ಜನ ಸಂಚಾರ ಹೆಚ್ಚಿರುವ ಸ್ಥಳಗಳಿಂದ ಗುರುತಿಸುವ ಶ್ವಾನಗಳ ಸಂಪೂರ್ಣ ಜವಾಬ್ದಾರಿಯನ್ನು ಜಿಬಿಎ ಹೊತ್ತುಕೊಂಡಿದೆ.

ಸಂಸ್ಥೆಯ ಹೊರ ಬೀದಿಗಳಲ್ಲಿ ಇರುವ ನಾಯಿಗಳಿಗೆ ಎರಡನೇ ಪ್ರಾಶಸ ನೀಡಿದ್ದು, ಮುಖ್ಯವಾಗಿ ಆವರಣದ ಒಳಭಾಗದಲ್ಲಿ ಶಾಶ್ವತ ತಾಣ ಕಂಡುಕೊಂಡಿರುವ ನಾಯಿಗಳನ್ನು ಮಾತ್ರ ತೆರವುಗೊಳಿಸಲು ಆದ್ಯತೆ ನೀಡಲಾಗುತ್ತಿದೆ. ಉದಾಹರಣೆಗೆ ಸಂಸ್ಥೆಯ ಒಳಭಾಗದಲ್ಲಿ 3 ನಾಯಿಗಳು, ಹೊರಗಿನ ರಸ್ತೆಗಳಲ್ಲಿ 20 ನಾಯಿಗಳಿದ್ದರೆ, ಮೊದಲು ಒಳಗಿನ ಮೂರು ನಾಯಿಗಳನ್ನು ಸ್ಥಳಾಂತರಿಸಿ ಲಸಿಕೆ, ಶಸ್ತ್ರಚಿಕಿತ್ಸೆ ನೀಡಿ ಆಶ್ರಯ ಒದಗಿಸಲಾಗುವುದು. ಹೊರಗಿನ 20 ನಾಯಿಗಳಲ್ಲಿ ಲಸಿಕೆ, ಶಸ್ತ್ರಚಿಕಿತ್ಸೆಗೆ ಒಳಪಡದ ನಾಯಿಗಳನ್ನು ಕೊಂಡೊಯ್ದು, ಲಸಿಕೆ ಹಾಗೂ ಸಂತಾನಹರಣ ಶಸ್ತ್ರಚಿಕಿತ್ಸೆ ನೀಡಿ ಮತ್ತೆ ಬಿಡಲಾಗುವುದು ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಒಟ್ಟಾರೆ ಗುರುತಿಸುವ ನಾಯಿಗಳಿಗೆ ಚಿಕಿತ್ಸೆ ನೀಡುವುದು ಮುಖ್ಯವಾಗಿದೆ. ಪ್ರಸಕ್ತ ಸಾಲಿನಲ್ಲಿ ಸುಮಾರು 3 ಸಾವಿರ ಬೀದಿನಾಯಿಗಳಿಗೆ ಸಂತಾನಹರಣ ಶಸ್ತ್ರಚಿಕಿತ್ಸೆ ಮಾಡಲಾಗಿದೆ. ಒಂದು ಪಾಲಿಕೆಯ ಎರಡು ಕೇಂದ್ರಗಳಲ್ಲಿ ಕನಿಷ್ಠ 10 ನಾಯಿಗಳಾದರೂ ಪ್ರತಿದಿನ ಶಸ್ತ್ರಚಿಕಿತ್ಸೆಗೆ ಒಳಪಡುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಸಂ&ಸಂಸ್ಥೆಗಳಿಂದ ನಾಯಿಗಳನ್ನು ತ್ವರಿತವಾಗಿ ಪಾಲಿಕೆ ವ್ಯಾಪ್ತಿಯಲ್ಲಿರುವ ಎಬಿಸಿ ಕೇಂದ್ರಗಳಿಗೆ ಸ್ಥಳಾಂತರಿಸಿ ಅಲ್ಲಿ ಸಂರಕ್ಷಣೆ ಮಾಡಲಾಗುವುದು. ಅದಾಗಿ ತಾತ್ಕಾಲಿಕವಾಗಿ 2&3 ವಾರದಲ್ಲಿ ಗುರುತು ಮಾಡಿದ ಜಾಗದ ಸಮೀಪವೇ ತಾಣವನ್ನು ನಿರ್ಮಿಸುವ ಯೋಜನೆ ಇದೆ. ಎನ್​ಜಿಒಗಳಿಗೆ ಅದನ್ನು ಸಂರಸುವ ಜವಾಬ್ದಾರಿ ನೀಡಲಾಗುತ್ತದೆ. ಶಾಶ್ವತ ಆಶ್ರಯ ತಾಣ ನಿರ್ಮಿಸಲು ಯೋಜನೆ ರೂಪಿಸಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಐದು ಪಾಲಿಕೆಗಳು ಬೀದಿನಾಯಿಗಳಿಗೆ ಆಹಾರ ನೀಡುವ ಸ್ಥಳವನ್ನು ಗುರುತಿಸಿದ್ದು, ಆ ತಾಣಗಳನ್ನು ಹೊರತುಪಡಿಸಿ ಬೇರೆ ಸ್ಥಳಗಳಲ್ಲಿ ಆಹಾರ ನೀಡುವುದನ್ನು ನಿಷೇದಿಸಲಾಗಿದೆ. ಸಾರ್ವಜನಿಕರಿಗೆ ಈ ಬಗ್ಗೆ ಅರಿವು ಮೂಡಿಸುವ ನಿಟ್ಟಿನಲ್ಲಿ "ಬೀದಿನಾಯಿಗಳಿಗೆ ಆಹಾರ ನೀಡುವ ಸ್ಥಳ' ಎಂಬ ಸೂಚನಾ ಲಕವನ್ನು ಅಳವಡಿಸುವುದಾಗಿ ಜಿಬಿಎ ತಿಳಿಸಿದೆ.

ಬಿಬಿಎಂಪಿ ಅವಧಿಯಲ್ಲಿ ಬೀದಿನಾಯಿಗಳಿಗೆ ಒಂದು ಹೊತ್ತಿನ ಮಾಂಸಾಹಾರ ಆಹಾರ ನೀಡಲು ಯೋಜನೆ ರೂಪಿಸಲಾಗಿತ್ತು. ವ್ಯಾಪಕ ವಿರೋಧ ವ್ಯಕ್ತವಾದ ಹಿನ್ನೆಲೆಯಲ್ಲಿ ಯೋಜನೆಯನ್ನು ಮೂಲೆಗುಂಪು ಮಾಡಿತ್ತು. ಇದೀಗ ಸುಪ್ರೀಂ ಕೋರ್ಟ್​ ಆದೇಶದ ಬಳಿಕ ಶ್ವಾನಗಳ ಸಂರಕ್ಷಣೆಗೆ ಮುಂದಾಗಿರುವ ಜಿಬಿಎ, ಆಶ್ರಯ ತಾಣಗಳಿಗೆ ಸ್ಥಳಾಂತರಗೊಳ್ಳುವ ಬೀದಿನಾಯಿಗಳಿಗೆ ದಿನಕ್ಕೆ 2 ಬಾರಿ ಚಿಕನ್​ ರೈಸ್​ ನೀಡಲು ಸಿದ್ಧತೆ ನಡೆಸುತ್ತಿದೆ. ಬಿಬಿಎಂಪಿ ಅವಧಿಯಲ್ಲಿ ಚಿಕನ್​ ರೈಸ್​ಗೆ 22.42 ರೂ. ನಿಗದಿಯಾಗಿತ್ತು. ಆದರೆ, ಇದೀಗ ಕಚ್ಚಾ ಸಾಮಾಗ್ರಿಗಳ ದರ ಹೆಚ್ಚಳ ನೆಪ ಹೇಳಿ ಒಂದು ಮಾಂಸಾಹಾರ ಊಟಕ್ಕೆ 25 ರೂ. ನಿಗದಿ ಪಡಿಸಿದೆ. ಇದರಿಂದ ನಿರ್ವಹಣಾ ವೆಚ್ಚವೂ ಹೆಚ್ಚಳವಾಗಲಿದ್ದು, ಈ ಬಗ್ಗೆ ವ್ಯಾಪಕ ಟೀಕೆಗಳು ಬರುತ್ತಿವೆ. ಊಟ ಇತರ ಖರ್ಚು ವೆಚ್ಚಗಳೆಲ್ಲ ಸೇರಿದರೂ ಒಂದು ನಾಯಿಯ ಒಂದುದಿನದ ಖರ್ಚು ನೂರು ರೂಪಾಯಿ ಮೀರಲಿದೆ. ಒಂದು ಶ್ವಾನವನ್ನು ಸ್ಥಳಾಂತರಿಸಿ ಆಶ್ರಯ ತಾಣದಲ್ಲಿ ಸಂರಕ್ಷಣೆ ನೀಡಬೇಕೆಂದರೆ, ಮಾಸಿಕ ಸುಮಾರು 3,035 ರೂ. ಖರ್ಚು ತಗುಲಬಹುದು ಎಂದು ಅಂದಾಜಿಸಲಾಗಿದೆ.

ಕೇಂದ್ರ ಹಾಗೂ ಪೂರ್ವ ನಗರ ಪಾಲಿಕೆ ವ್ಯಾಪ್ತಿಯಲ್ಲಿರುವ ಬೀದಿನಾಯಿಗಳ ಮಾನವೀಯ ನಿರ್ವಹಣೆಯ ಭಾಗವಾಗಿ ಅವುಗಳನ್ನು ದತ್ತು ನೀಡುವ ಹೊಸ ಯೋಜನೆಗೆ ಜಿಬಿಎ ಮುಂದಾಗಿದೆ. ಸಾರ್ವಜನಿಕರು, ಸಂಘ-&ಸಂಸ್ಥೆಗಳು, ನಿವಾಸಿಗಳ ಕ್ಷೇಮಾಭಿವೃದ್ಧಿ ಸಂಘಗಳು ಮತ್ತು ಸ್ವಯಂಸೇವಾ ಸಂಸ್ಥೆಗಳು ಬೀದಿನಾಯಿಗಳನ್ನು ದತ್ತು ಪಡೆದುಕೊಳ್ಳುವಂತೆ ಕೇಂದ್ರ ಪಾಲಿಕೆ ಕೋರಿದೆ. ಆಸಕ್ತ ವ್ಯಕ್ತಿಗಳು ಮತ್ತು ಸಂಘ-&ಸಂಸ್ಥೆಗಳು, ಬೀದಿ ನಾಯಿಗಳನ್ನು ದತ್ತು ಪಡೆಯುವಂತೆ ಕೇಂದ್ರ ಪಾಲಿಕೆಯ ಪಶುಸಂಗೋಪನಾ ಇಲಾಖೆಯ ಸಹಾಯಕ ನಿರ್ದೇಶಕರು ಸಾರ್ವಜನಿಕ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.