ಗುಲಾಬಿ ಮಾರ್ಗಕ್ಕೆ ರೋಲಿಂಗ್​ ಸ್ಟಾಕ್​ ಅನುಮತಿ

ರೈಲು ಸಂಚಾರಕ್ಕೆ ಅಂತಿಮ ಅನುಮೋದನೆ ನೀಡುವ ಪ್ರಕ್ರಿಯೆಯಲ್ಲಿ ರೋಲಿಂಗ್​ ಸ್ಟಾಕ್​ ಅನುಮತಿ ಪ್ರಮುಖ ದಾಖಲೆಗಳಲ್ಲಿ ಒಂದಾಗಿದೆ. ಮೆಟ್ರೋ ರೈಲು ಸುರಕ್ಷತಾ ಆಯುಕ್ತರು (ಸಿಎಂಆರ್​ಎಸ್​) ಈ ಅನುಮತಿ ನೀಡಿದ್ದಾರೆ.

ಇದೀಗ ಗುಲಾಬಿ ಮಾರ್ಗದ ಉದ್ಘಾಟನೆಗೆ ಇನ್ನೆರಡು ಪ್ರಮುಖ ಹಂತಗಳು ಮಾತ್ರ ಬಾಕಿ ಉಳಿದಿವೆ. ಸಿಗ್ನಲಿಂಗ್​ ವ್ಯವಸ್ಥೆ ಹಾಗೂ ಇತರ ಉಪವ್ಯವಸ್ಥೆಗಳ ನಡುವಿನ ಸಂಪರ್ಕದ "ಆಂತರಿಕ ಸುರಕ್ಷತಾ ಮೌಲ್ಯಮಾಪನ (ಐಎಸ್​ಎ) ಹಾ ಸಿಎಂಆರ್​ಎಸ್​ ವತಿಯಿಂದ ಮಾರ್ಗದ ಕಡ್ಡಾಯ ಸುರಕ್ಷತಾ ಪರಿಶೀಲನೆ ನಡೆಯಬೇಕಿದೆ.

ಫ್ರಾನ್ಸ್​ನ ಬಹುರಾಷ್ಟ್ರೀಯ ಕಂಪನಿ ಅಲ್ಸಾ  ್ಟಂ ಕಳೆದ ವಾರ ಗ್ರೇಡ್​ ಆಫ್​ ಆಟೊಮೇಷನ್​-&2 ಆಧಾರಿತ ಸುರಕ್ಷತಾ ವರದಿಯನ್ನು ಜೋಡೋವಾ ಟೆಕ್ನಾಲಜೀಸ್​ಗೆ ಸಲ್ಲಿಸಿದೆ. ಜೋಡೋವಾ ವಾರದೊಳಗೆ ಐಎಸ್​ಎ ಪ್ರಮಾಣಪತ್ರ ನೀಡುವ ನಿರೀಕ್ಷೆಯಿದೆ. ಈ ಹಿನ್ನೆಲೆಯಲ್ಲಿ ಕಳೇನ ಅಗ್ರಹಾರ, ಜಯದೇವ ಆಸ್ಪತ್ರೆ ಹಾಗೂ ತಾವರೆಕೆರೆ ನಿಲ್ದಾಣಗಳಲ್ಲಿ ಪರಿಶೀಲನೆ ನಡೆಯುತ್ತಿದೆ.

ಐಎಸ್​ಎ ಪ್ರಮಾಣಪತ್ರ ದೊರೆತ ಬಳಿಕ ಸಿಎಂಆರ್​ಎಸ್​ಗೆ ಸುರಕ್ಷತಾ ಪರಿಶೀಲನೆ ನಡೆಸುವಂತೆ ಬಿಎಂಆರ್​ಸಿಎಲ್​ ಆಹ್ವಾನಿಸಲಿದೆ. ಈ ತಿಂಗಳ ಮಧ್ಯಭಾಗದ ಬಳಿಕ ಈ ತಪಾಸಣೆ ನಡೆಯುವ ಸಾಧ್ಯತೆ ಇದೆ. ನಂತರ ರೈಲುಗಳ ಸಂಚಾರಕ್ಕೆ ಅಧಿಕೃತ ಅನುಮತಿ ನೀಡುವ ರೈಲ್ವೆ ಮಂಡಳಿ ಮಂಜೂರಾತಿಯೂ ದೊರೆಯುವ ನಿರೀಕ್ಷೆಯಿದೆ.

7.5 ಕಿ.ಮೀ ಉದ್ದದ ಎತ್ತರಿಸಿದ ಗುಲಾಬಿ ಮಾರ್ಗದಲ್ಲಿ ಕಳೇನ ಅಗ್ರಹಾರ, ಹುಳಿಮಾವು, ಜೆ.ಪಿ. ನಗರ 4ನೇ ಹಂತ, ಐಐಎಂಬಿ, ಜಯದೇವ ಆಸ್ಪತ್ರೆ ಹಾಗೂ ತಾವರೆಕೆರೆ ಸೇರಿ ಆರು ನಿಲ್ದಾಣಗಳಿವೆ. ಮಾರ್ಗ ಸಂಚಾರಕ್ಕೆ ಬಂದ ಬಳಿಕ ಬೆಂಗಳೂರಿನ ಮೆಟ್ರೋ ಜಾಲ 103.6 ಕಿ.ಮೀಗೆ ವಿಸ್ತರಣೆಯಾಗಲಿದ್ದು, ದೇಶದಲ್ಲೇ ಎರಡನೇ ಅತಿ ಉದ್ದದ ಮೆಟ್ರೋ ಜಾಲವಾಗಲಿದೆ. 416 ಕಿಮೀ ಜಾಲ ಹೊಂದಿರುವ ದೆಹಲಿ ಪ್ರಥಮ ಸ್ಥಾನದಲ್ಲಿದೆ.