21ರಿಂದ "ಇ-ಆಸ್ತಿ 2.0' ಜಾರಿ

ಗ್ರೇಟರ್​ ಬೆಂಗಳೂರು ಪ್ರಾಧಿಕಾರ (ಜಿಬಿಎ) ವ್ಯಾಪ್ತಿಯಲ್ಲಿ ನಾಗರಿಕರಿಗೆ ಇ-&ಖಾತಾ ಸೇವೆಗಳನ್ನು ಮತ್ತಷ್ಟು ಸರಳಗೊಳಿಸುವ ಉದ್ದೇಶದಿಂದ ನೂತನ "ಇ-ಆಸ್ತಿ 2.0' ವ್ಯವಸ್ಥೆ ಸೆ.21ರಿಂದ ಜಾರಿಗೆ ಬರಲಿದೆ ಎಂದು ಜಿಬಿಎ ಮುಖ್ಯ ಆಯುಕ್ತ ಎಂ. ಮಹೇಶ್ವರ ರಾವ್​ ತಿಳಿಸಿದ್ದಾರೆ.

ಗ್ರೇಟರ್​ ಬೆಂಗಳೂರು ಅಭಿವೃದ್ಧಿ ಸಚಿವ ಕೃಷ್ಣ ಬೈರೇಗೌಡ ಅವರು ಸೋಮವಾರ (ಸೆ.21) ನೂತನ ವ್ಯವಸ್ಥೆಯನ್ನು ಸಾರ್ವಜನಿಕ ಬಳಕೆಗೆ ಸಮರ್ಪಿಸಲಿದ್ದಾರೆ. ಈಗಾಗಲೇ 25 ಲಕ್ಷಕ್ಕೂ ಅಧಿಕ ಇ-&ಖಾತಾಗಳನ್ನು ಆನ್​ಲೈನ್​ ಮೂಲಕ ವಿತರಿಸಿರುವ "ಇ-ಆಸ್ತಿ' ವ್ಯವಸ್ಥೆಯ ಮುಂದುವರಿದ ಆವೃತ್ತಿಯಾಗಿರುವ "ಇ-ಆಸ್ತಿ 2.0' ಅನ್ನು ನಾಗರಿಕರಿಗೆ ಸುಲಭ, ವೇಗದ ಹಾಗೂ ಪಾರದರ್ಶಕ ಸೇವೆ ಒದಗಿಸುವಂತೆ ರೂಪಿಸಲಾಗಿದೆ.

ನೂತನ ವ್ಯವಸ್ಥೆಯಲ್ಲಿ ಸಂಪೂರ್ಣ ಇ-&ಖಾತಾ ಪಡೆಯಲು ಅರ್ಜಿ ಸಲ್ಲಿಸುವ ಪ್ರಕ್ರಿಯೆ ಸರಳೀಕರಣಗೊಂಡಿದ್ದು, ಹಲವು ಸೇವೆಗಳನ್ನು ಸ್ವಯಂಚಾಲಿತಗೊಳಿಸಲಾಗಿದೆ. ಅರ್ಜಿಯ ಪ್ರಸ್ತುತ ಸ್ಥಿತಿಯನ್ನು ಆನ್​ಲೈನ್​ನಲ್ಲೇ ನೈಜ ಸಮಯದಲ್ಲಿ ಪರಿಶೀಲಿಸಲು ಅವಕಾಶ ಕಲ್ಪಿಸಲಾಗಿದೆ.

ಪ್ರಮುಖ ಇ-&ಖಾತಾ ಹಾಗೂ ಆಸ್ತಿ ಸಂಬಂಧಿತ ಸೇವೆಗಳನ್ನು ಒಂದೇ ವೇದಿಕೆಯಲ್ಲಿ ಪಡೆಯಬಹುದಾಗಿದೆ. ಖಾತಾ ಮ್ಯೂಟೇಷನ್​ ಪ್ರಕ್ರಿಯೆಯನ್ನು ಸುಗಮಗೊಳಿಸಲು ಕಾವೇರಿ ವ್ಯವಸ್ಥೆಯೊಂದಿಗೆ ನೇರ ಸಂಪರ್ಕ ಕಲ್ಪಿಸಲಾಗಿದೆ. ಸರಳ ಹಾಗೂ ಬಳಕೆದಾರ ಸ್ನೇಹಿ ವಿನ್ಯಾಸ ಹೊಂದಿರುವ ನೂತನ ವೇದಿಕೆ ಮೂಲಕ ಅರ್ಜಿಗಳ ಪ್ರಗತಿಯನ್ನೂ ಸುಲಭವಾಗಿ ತಿಳಿದುಕೊಳ್ಳಬಹುದು.

* ಡ್ರಾಫ್ಟ್​ ಇ-&ಖಾತಾವನ್ನು ಅಂತಿಮ ಇ-&ಖಾತಾವಾಗಿ ಪರಿವರ್ತನೆ

* ಮ್ಯೂಟೇಷನ್​ನೊಂದಿಗೆ ಅಂತಿಮ ಇ-&ಖಾತಾ ವಿತರಣೆ

* ಕಾವೇರಿ&ಮ್ಯೂಟೇಷನ್​ ಏಕೀಕರಣ

* ಅರ್ಜಿಯ ಸ್ಥಿತಿಯನ್ನು ನೈಜ ಸಮಯದಲ್ಲಿ ಆನ್​ಲೈನ್​ ಮೂಲಕ ಪರಿಶೀಲನೆ

* ಬಿ&-ಖಾತಾದಿಂದ ಎ&-ಖಾತಾಗೆ ಪರಿವರ್ತನೆ

ಮುಂದಿನ ಕೆಲವು ದಿನಗಳಲ್ಲಿ ಹೊಸ ಖಾತಾ ನೋಂದಣಿ, ಅಪಾರ್ಟ್​ಮೆಂಟ್​ಗಳು ಹಾಗೂ ಬಹುಮಹಡಿ ಕಟ್ಟಡಗಳಿಗೆ ಬಲ್ಕ್​ ಖಾತಾ ಪ್ರಕ್ರಿಯೆ, ಅಂತಿಮ ಇ-&ಖಾತಾದಲ್ಲಿನ ತಿದ್ದುಪಡಿ, ನಿವೇಶನ ವಿಭಜನೆ ಹಾಗೂ ವಿಲೀನ ಸೇವೆಗಳನ್ನು ಹಂತಹಂತವಾಗಿ ಆರಂಭಿಸಲಾಗುವುದು ಎಂದು ಜಿಬಿಎ ತಿಳಿಸಿದೆ.