ಕೇಂದ್ರ ಪಾಲಿಕೆಯು ಈ ಕಾರ್ಯಾಚರಣೆಯಲ್ಲಿ ಮುಂದಿದ್ದು, ಇದುವರೆಗೆ 235.75 ಕಿ.ಮೀ. ರಸ್ತೆಯಲ್ಲಿನ ಒತ್ತುವರಿಯನ್ನು ತೆರವುಗೊಳಿಸಿದೆ. ಉತ್ತರ ಪಾಲಿಕೆ 219.35 ಕಿ.ಮೀ., ಪೂರ್ವ ಪಾಲಿಕೆ 172.55 ಕಿ.ಮೀ. ರಸ್ತೆಯಲ್ಲಿ ಒತ್ತುವರಿಯನ್ನು ತೆರವುಗೊಳಿಸಿದೆ. ಐದು ಪಾಲಿಕೆಗಳಿಂದ 3,286 ಪೆಟ್ಟಿ ಅಂಗಡಿ, 3,698 ತಳ್ಳುಗಾಡಿ, 4,524 ಎಸಿ ಶೀಟ್ಸ್ ಪೊಜೆನ್/ ಕ್ಯಾನೊಪಿ, 4,061 ಮೆಟ್ಟಿಲು ಮತ್ತು ರ್ಯಾಂಪ್, 6,328 ಜಾಹೀರಾತು ಪಿಲ್ಲರ್ ಮತ್ತು ಬೋರ್ಡ್, 529 ತಾತ್ಕಾಲಿಕ ಶೆಡ್ಗಳನ್ನು ತೆರವುಗೊಳಿಸಲಾಗಿದೆ. ಅಲ್ಲದೆ 4,490.35 ಟನ್ನಷ್ಟು ನಿರ್ಮಾಣ ಮತ್ತು ಮಣ್ಣು ತ್ಯಾಜ್ಯವನ್ನು ಸ್ವಚ್ಛಗೊಳಿಸಲಾಗಿದೆ. 42 ಕಿ.ಮೀ. ಉದ್ದದ ಪಾದಚಾರಿ ಮಾರ್ಗವನ್ನು ದುರಸ್ತಿಗೊಳಿಸಲಾಗಿದೆ ಎಂದು ಜಿಬಿಎ ಮಾಹಿತಿ ನೀಡಿದೆ.
