ಅಭಿವೃದ್ಧಿ ಕಾಮಗಾರಿಗಳೇ ಶಿಕ್ಷೆಯಂತಾದಾಗ...| GBA road problem

ಪ್ರಮುಖ ಮುಖ್ಯಾಂಶಗಳು

• ಮುಗಿಯುತ್ತಿಲ್ಲ ಚಾಮರಾಜಪೇಟೆ ಗೋಳು
• ಹಲವೆಡೆ ನಿಧಾನಗತಿಯ ಕಾಮಗಾರಿಯಿಂದ ನಾಗರಿಕರಿಗೆ ಸಮಸ್ಯೆ
• ವಾಹನ ಸಂಚಾರದ ವೇಳೆ ಧೂಳಿನ ಮಜ್ಜನ

ಈ ಭಾಗದ ರಸ್ತೆಯಲ್ಲಿ ಓಡಾಡುವುದು ತುಂಬ ಕಷ್ಟವಾಗಿದೆ. ಸಂಚಾರ ಸಿಕ್ಕಿನ ಮಧ್ಯೆ ಗುಂಡಿಗಳನ್ನು ತಪ್ಪಿಸಿ ಕ್ರಮಿಸಬೇಕಿದೆ. ಸ್ವಲ್ಪ ಮಳೆ ಬಂದರೆ ಸಾಕು, ಕೆಸರುಮಯ ರಸ್ತೆಯಲ್ಲಿ ಸಾಗಲು ಸಾಧ್ಯವೇ ಇಲ್ಲ. ಎಲ್ಲಿ ನೋಡಿದರೂ ಬ್ಲಾಕ್​, ಬ್ಲಾಕ್​! ಚಾಮರಾಜಪೇಟೆಯ ಭಾಗದಲ್ಲಿ ಸರಾಗವಾಗಿ ಸಂಚರಿಸಲು ಒಂದು ರಸ್ತೆಯೂ ಇಲ್ಲ.

ನಮ್ಮ ಅಂಗಡಿ ಮುಂಭಾಗ ಸಿಮೆಂಟ್​ ಹಾಕಿದ್ದರೂ ಅದನ್ನು ಅಗೆಯಲಾಗಿದೆ. ಕಾಮಗಾರಿ ಪ್ರಾರಂಭವಾದ ಬಳಿಕ ವ್ಯಾಪಾರ ಕುಂಠಿತವಾಗಿದೆ. ಈಗ ಕಾಮಗಾರಿಯೂ ಸರಿಯಾಗಿ ನಡೆಯುತ್ತಿಲ್ಲ. ಜನವರಿಯಲ್ಲಿ ಮತ್ತೆ ರಸ್ತೆ ಅಗೆಯುತ್ತಾರಂತೆೆ!

ಹಿರಿಯರು ಮತ್ತು ಮಕ್ಕಳಿಗೆ ಈ ರಸ್ತೆಗಳಲ್ಲಿ ಓಡಾಡುವುದು ತುಂಬ ಕಷ್ಟವಾಗಿದೆ. ಪಾದಚಾರಿಗಳ ಓಡಾಟಕ್ಕೆ ಸರಿಯಾದ ಸ್ಥಳವೇ ಇಲ್ಲ. ಎಲ್ಲೆಂದರಲ್ಲಿ ವಾಹನ ಚಲಾಯಿಸುತ್ತಾರೆ. ಮನೆಯಿಂದ ಹೊರಗೆ ಬಂದರೆ ಧೂಳಿನ ಮಜ್ಜನ ಖಚಿತ.

ರಸ್ತೆ ಕಿತ್ತಾಕುವುದು ಬೇಗ ಆದರೆ, ಅದೇ ರಸ್ತೆಯ ನಿರ್ಮಾಣ ನಿಧಾನ ಇದು ಇಲ್ಲಿಯ ಪರಿಸ್ಥಿತಿ. ಅಧಿಕಾರಿಗಳನ್ನು ಕೇಳಿದರೆ 3 ದಿನದಲ್ಲಿ ಸರಿ ಮಾಡುತ್ತೇವೆ ಎನ್ನುತ್ತಾರೆ. ಆದರೂ, ಯಾವ ಕೆಲಸವೂ ಅಗುತ್ತಿಲ್ಲ. ಮತ್ತೆ ಮಳೆಯಿಂದ ನಿಧಾನವಾಗುತ್ತದೆ ಎಂದು ಸಬೂಬು ಹೇಳುತ್ತಾರೆ.

ಚಾಮರಾಜಪೇಟೆಯಲ್ಲಿ ಒಂದು ಕಡೆ ಕಾಮಗಾರಿಗಳು ಕಿರಿಕಿರಿ ಕೊಡುತ್ತಿದ್ದರೆ, ಇನ್ನೊಂದೆಡೆ ಮಾಲಿನ್ಯ ಹೆಚ್ಚುತ್ತ್ತಿದೆ. ಧೂಳು, ಕೊಳಚೆ ನೀರು, ತ್ಯಾಜ್ಯ ಹೀಗೆ ಎಲ್ಲ ಕಡೆಯೂ ಮಾಲಿನ್ಯಮಯವಾಗಿದೆ. ಇದರಿಂದ ಇನ್ನಷ್ಟು ಸಮಸ್ಯೆಗಳು ಉಲ್ಬಣವಾಗಲಿದೆ.