ಬೆಂಗಳೂರು-ಚೆನ್ನೈ ಎಕ್ಸ್​ಪ್ರೆಸ್​ವೇಗೆ ಮತ್ತಷ್ಟ್ಟುವೇಗ

ಬೆಂಗಳೂರು-ಚೆನ್ನೈ ಎಕ್ಸ್​ಪ್ರೆಸ್​ ವೇ ಯೋಜನೆ ಮತ್ತೊಂದು ಮಹತ್ವದ ಹಂತ ದಾಟಿದೆ. ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (ಎನ್​ಎಚ್​ಎಐ) ಆಂಧ್ರ ಪ್ರದೇಶದಲ್ಲಿ ಬೇತಮಂಗಲ- ಬೈರೆಡ್ಡಿಪಲ್ಲಿ ನಡುವಿನ 25 ಕಿ.ಮೀ. ಹೊಸ ಮಾರ್ಗವನ್ನು ಸಾರ್ವಜನಿಕರ ಸಂಚಾರಕ್ಕೆ ಮುಕ್ತಗೊಳಿಸಲಾಗಿದ್ದು, ಇದರೊಂದಿಗೆ ಬೆಂಗಳೂರಿನಿಂದ ಸುಮಾರು 100 ಕಿ.ಮೀ.ವರೆಗೆ ಎಕ್ಸ್​ಪ್ರೆಸ್​ ವೇಯಲ್ಲಿ ನಿರಂತರ ಸಂಚಾರ ಸಾಧ್ಯವಾಗಿದೆ.

2025ರ ಆರಂಭದಲ್ಲಿ ಕರ್ನಾಟಕ ವ್ಯಾಪ್ತಿಯ ಹೊಸಕೋಟೆ& ಬೇತಮಂಗಲ ನಡುವಿನ 71 ಕಿ.ಮೀ. ಮಾರ್ಗದಲ್ಲಿ ಸಂಚಾರಕ್ಕೆ ಅವಕಾಶ ಮಾಡಿಕೊಡಲಾಗಿತ್ತು. ಆಂಧ್ರ ಪ್ರದೇಶದಲ್ಲಿ 85 ಕಿ.ಮೀ. ಎಕ್ಸ್​ಪ್ರೆಸ್​ವೇ ನಿಮಾರ್ಣ ಮೂರು ಪ್ಯಾಕೇಜ್​ಗಳಲ್ಲಿ ನಡೆಯುತ್ತಿದ್ದು, ಬೇತಮಂಗಲ- ಬೈರೆಡ್ಡಿಪಲ್ಲಿ (25 ಕಿ.ಮೀ.) ಹಾಗೂ ಬಂಗಾರಪಾಳೆಂ& ಗುಡಿಪಾಲ (29 ಕಿ.ಮೀ.) ಕಾಮಗಾರಿ ಪೂರ್ಣಗೊಂಡಿದೆ. ಬೈರೆಡ್ಡಿಪಲ್ಲಿ- ಬಂಗಾರಪಾಳೆಂ ಮಾರ್ಗದಲ್ಲಿ ಅರಣ್ಯ ಇಲಾಖೆಯ ಅನುಮತಿ ವಿಳಂಬದಿಂದ 11 ಕಿ.ಮೀ. ಕಾಮಗಾರಿ ಮಾತ್ರ ಬಾಕಿಯಿದ್ದು, ವನ್ಯಜಿವಿಗಳ ಸಂಚಾರಕ್ಕಾಗಿ ಅಂಡರ್​ಪಾಸ್​ ನಿಮಾರ್ಣ ಕಾರ್ಯ ನಡೆಯುತ್ತಿದೆ. ಉಳಿದ ಕಾಮಗಾರಿ ಪೂರ್ಣಗೊಂಡ ಬಳಿಕ ತಮಿಳುನಾಡು ಭಾಗ ಸೇರಿ 262 ಕಿ.ಮೀ. ಉದ್ದದ ಎಕ್ಸ್​ಪ್ರೆಸ್​ವೇ 2026ರ ಡಿಸೆಂಬರ್​ ವೇಳೆಗೆ ಸಾರ್ವಜನಿಕ ಬಳಕೆಗೆ ಲಭ್ಯವಾಗುವ ನಿರೀೆ ಇದೆ ಎಂದು ಎನ್​ಎಚ್​ಎಐ ಅಧಿಕಾರಿಗಳು ತಿಳಿಸಿದ್ದಾರೆ.

ಹೊಸ ಮಾರ್ಗದಿಂದ ಬೆಂಗಳೂರಿನಿಂದ ಚಿತ್ತೂರು, ತಿರುಪತಿ ಹಾಗೂ ಚೆನ್ನೈಗೆ ತೆರಳುವ ವಾಹನಸವಾರರಿಗೆ ಹೆಚ್ಚು ಪ್ರಯೋಜನವಾಗಿದೆ. ಬೈರೆಡ್ಡಿಪಲ್ಲಿವರೆಗೆ ಎಕ್ಸ್​ಪ್ರೆಸ್​ವೇ ಬಳಸಿ ನಂತರ ಜಿಲ್ಲಾ ರಸ್ತೆ ಮೂಲಕ ರಾಷ್ಟ್ರೀಯ ಹೆದ್ದಾರಿಯನ್ನು ಸಂಪರ್ಕಿಸಿದರೆ ಪ್ರಯಾಣದ ಸಮಯ ಕಡಿಮೆಯಾಗಲಿದೆ. ಬೈರೆಡ್ಡಿಪಲ್ಲಿ ಟೋಲ್​ ಪ್ಲಾಜಾದಲ್ಲಿ ಪ್ರತಿದಿನ ಸರಾಸರಿ 2.2 ಲಕ್ಷ ರೂ. ಟೋಲ್​ ಸಂಗ್ರಹವಾಗುತ್ತಿದೆ.

* ಚೆನ್ನೈ ಬಂದರು ಸಂಪರ್ಕ ಮತ್ತಷ್ಟು ವೇಗವಾಗುವುದರಿಂದ ಬೆಂಗಳೂರು ಕೈಗಾರಿಕೆಗಳ ರಫ್ತು& ಆಮದು ಚಟುವಟಿಕೆಗಳಿಗೆ ಉತ್ತೇಜನ.

* ಲಾಜಿಸ್ಟಿಕ್ಸ್​ ಹಾಗೂ ಸರಕುಸಾಗಣಿ ವೆಚ್ಚ ಮತ್ತು ಸಮಯ ಉಳಿತಾಯ.

* ಹೊಸ ಕೈಗಾರಿಕೆ, ಗೋದಾಮು ಹಾಗೂ ಲಾಜಿಸ್ಟಿಕ್ಸ್​ ಪಾರ್ಕ್​ಗಳ ಹೂಡಿಕೆಗೆ ಬೆಂಗಳೂರು& ಹೊಸಕೋಟೆ ಕಾರಿಡಾರ್​ ಆಕರ್ಷಕ.

* ಐಟಿ, ಉತ್ಪಾದನಾ ಹಾಗೂ ಇ-&ಕಾಮರ್ಸ್​ ವಲಯಗಳ ವಿಸ್ತರಣೆಗೆ ಮತ್ತಷ್ಟು ಅವಕಾಶ.

ಎಕ್ಸ್​ಪ್ರೆಸ್​ವೇಯ ಮುಖ್ಯ ಮಾರ್ಗ ಬಳಸುವ ವಾಹನಗಳಿಗೆ ಮಾತ್ರ ಟೋಲ್​ ವಿಧಿಸಲಾಗುತ್ತಿದ್ದು, ಪ್ರವೇಶ ಮತ್ತು ನಿರ್ಗಮನ ರ್ಯಾಂಪ್​ ಬಳಸುವ ವಾಹನಗಳಿಗೆ ಟೋಲ್​ ಇರುವುದಿಲ್ಲ ಎಂದು ಎನ್​ಎಚ್​ಎಐ ಸ್ಪಷ್ಟಪಡಿಸಿದೆ. ಹೆಡಗನಬೆಲೆ, ಅಗ್ರಹಾರ, ಕೃಷ್ಣರಾಜಪುರ, ಸುಂದರಪಾಳ್ಯ, ಬೈರೆಡ್ಡಿಪಲ್ಲಿ

* ಹೆಡಗನಬೆಲೆ

* ಅಗ್ರಹಾರ

* ಕೃಷ್ಣರಾಜಪುರ

* ಸುಂದರಪಾಳ್ಯ

* ಬೈರೆಡ್ಡಿಪಲ್ಲಿ