ಹಳದಿ ಮಾರ್ಗಕ್ಕೆ 8ನೇ ರೈಲು ಶ್ರೀಘ್ರ |metro

ಆರು ಬೋಗಿಗಳ ಈ ರೈಲಿನ ಕೋಚ್​ಗಳನ್ನು ಹೊತ್ತ ಲಾರಿಗಳು ಭಾನುವಾರ ಹೊರಟಿವೆ. ಅವುಗಳು ಬೆಂಗಳೂರು ಬಂದು ಸೇರಲು ಎಂಟು ಅಥವಾ ಹತ್ತು ದಿನಗಳು ಬೇಕಾಗಬಹುದು. ಜನವರಿ ಪೂರ್ತಿ 8ನೇ ರೈಲು ಕಾರ್ಯಕ್ಷಮತೆಯ ಹಲವು ಪರೀಕ್ಷೆಗಳಿಗೆ ಒಳಗಾಗಲಿದ್ದು, ಫೆಬ್ರವರಿಯಲ್ಲಿ ವಾಣಿಜ್ಯ ಸಂಚಾರ ಪ್ರಾರಂಭಿಸುವ ಸಾಧ್ಯತೆ ಇದೆ ಎಂದು ಬಿಎಂಆರ್​ಸಿಎಲ್​ ತಿಳಿಸಿದೆ. 

ಸದ್ಯ ಆರು ರೈಲುಗಳು ಕಾರ್ಯಾಚರಣೆ ನಡೆಸುತ್ತಿದ್ದು, ಪ್ರಯಾಣಿಕರು ನಿಲ್ದಾಣದಲ್ಲಿ ರೈಲಿಗೆ ಕಾಯುವ ಸಮಯ 13 ನಿಮಿಷ ಇದೆ. ಎಲ್ಲ ರೈಲುಗಳ ಸೇವೆ ಆರಂಭವಾದರೆ ಕಾಯುವ ಸಮಯ 8 ನಿಮಿಷಕ್ಕೆ ಇಳಿಕೆ ಆಗಲಿದೆ.

7ನೇ ರೈಲು ವಾಣಿಜ್ಯ ಸಂಚಾರ ಶ್ರೀ: 

ನಮ್ಮ ಮೆಟ್ರೋ 7ನೇ ರೈಲು ಕಳೆದ ಡಿಸೆಂಬರ್​ನಲ್ಲಿ ತಲುಪಿತ್ತು. ತಿಂಗಳಾಂತ್ಯದಲ್ಲಿ ವಾಣಿಜ್ಯ ಸೇವೆಗೆ ಲಭ್ಯವಾಗುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ.

ನಮ್ಮ ಮೆಟ್ರೋ ಹಳದಿ ಹಾದಿಗೆ ಕಳೆದ ವರ್ಷ ಆಗಸ್ಟ್​ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಚಾಲನೆ ನೀಡಿದ್ದರು. ನಿತ್ಯ ಸರಾಸರಿ 80 ಸಾವಿರ ಮಂದಿ ಪ್ರಯಾಣಿಸುತ್ತಿದ್ದಾರೆ. ಮೆಟ್ರೋಗಳ ಸಂಖ್ಯೆ ಹೆಚ್ಚಾದಂತೆ ಈ ಮಾರ್ಗದಲ್ಲಿ ಪ್ರಯಾಣಿಕರ ಸಂಖ್ಯೆ ಲಕ್ಷ ದಾಟುವ ನಿರೀಕ್ಷೆ ಇದೆ.