ತಿಂಗಳ ಹಿಂದಷ್ಟೇ ಮದ್ವೆಯಾಗಿದ್ದ ಸ್ನೇಕ್​ ಡ್ಯಾನಿ ದುರಂತ ಸಾವು: 75 ಬಾರಿ ಬಚಾವ್​ ಆದ್ರೂ ಬೆಂಬಿಡದ ಮೃತ್ಯು!

ಬಾಗಲಕೋಟೆ: ನಾಗರಹಾವು ಹಿಡಿಯುವ ವೇಳೆ ಹಾವು ಕಚ್ಚಿ ಸ್ನೇಕ್​ ಕ್ಯಾಚರ್​ ಡೇನಿಯಲ್​ ನ್ಯೂಟನ್​ (43) ಮೃತಪಟ್ಟಿರುವ ಘಟನೆ ಬಾಗಲಕೋಟೆ ತಾಲ್ಲೂಕಿನ ಸೀಗಿಕೇರಿಯಲ್ಲಿ ನಡೆದಿದೆ.

ಸೀಗಿಕೇರಿ ಗ್ರಾಮದ ಮನೆಯೊಂದರಲ್ಲಿ ಹಾವು ಹಿಡಿಯುವ ವೇಳೆ ದುರಂತ ಘಟನೆ ನಡೆದಿದೆ. ಡೇನಿಯಲ್​ ಕೇವಲ ಒಂದು ತಿಂಗಳ ಹಿಂದಷ್ಟೇ ಮದುವೆಯಾಗಿದ್ದರು. ಈಗಾಗಲೇ ದೇಹದಾನ ಮಾಡಿರುವ ಡೇನಿಯಲ್, ಇದುವರೆಗೂ ಒಟ್ಟು 3279 ಹಾವನ್ನು ರಕ್ಷಣೆ ಮಾಡಿದ್ದಾರೆ. ಅದರಲ್ಲಿ 1036 ನಾಗರಹಾವು ಸೇರಿಕೊಂಡಿದೆ.

ಇದನ್ನೂ ಓದಿ: ಮಕ್ಕಳು ಮದುವೆಗೆ ಒಪ್ಪದಿದ್ದರೆ ಅದರ ಹಿಂದಿರುವ ಕಾರಣಗಳು ಇದೂ ಇರಬಹುದಲ್ಲವೆ?

ಒಟ್ಟು 75 ಬಾರಿ ಹಾವಿನಿಂದ‌ ಕಚ್ಚಿಸಿಕೊಂಡು ಬಚಾವ್​ ಆಗಿದ್ದರು. ಕಳೆದ ಜೂನ್ ತಿಂಗಳಲ್ಲಿ ನಾಗರ ಹಾವಿನ ಮರಿ ಕಚ್ಚಿದ ಪರಿಣಾಮ ಡೇನಿಯಲ್ ಪರಿಸ್ಥಿತಿ ಗಂಭೀರವಾಗಿತ್ತು. ಸಾವು ಬದುಕಿನ ಮಧ್ಯೆ ಹೋರಾಡಿ ಬದುಕುಳಿದಿದ್ದರು. ಆದರೂ ಹಾವು ಹಿಡಿಯುವ ತನ್ನ ಕಾರ್ಯವನ್ನು ಬಿಡದೆ ಮುಂದುವರೆಸಿದ್ದರು.

ಇದನ್ನೂ ಓದಿ: ನದಿ ದಡದಲ್ಲಿ ಚಪ್ಪಲಿ ಇಟ್ಟು ಹೆಂಡತಿ ಕೊಟ್ಟ ಶಾಕ್​ಗೆ ಗಂಡನ ಪ್ರಾಣವೇ ಹೋಯ್ತು..!

ಅಂದಹಾಗೆ ಡೇನಿಯಲ್​ ಬಾಗಲಕೋಟೆ ನಗರದ ಜಯನಗರ ನಿವಾಸಿ. ಹಾವು ಹಿಡಿಯುವ ಮೂಲಕ ಬಾಗಲಕೋಟೆ ಹಾಗೂ ಸುತ್ತ ಮುತ್ತ ಹಳ್ಳಿಗಳಲ್ಲಿ ಸ್ನೇಕ್ ಡ್ಯಾನಿ ಎಂದೇ ಹೆಸರು ಗಳಿಸಿದ್ದರು. (ದಿಗ್ವಿಜಯ ನ್ಯೂಸ್​)

ಇದನ್ನೂ ಓದಿ: ಸಹೋದ್ಯೋಗಿಗಳ ಸ್ನಾನದ ದೃಶ್ಯವನ್ನು ಆ ನರ್ಸ್​ ಚಿತ್ರೀಕರಿಸಿ ರವಾನಿಸುತ್ತಿದ್ದುದೇಕೆ?

https://www.vijayavani.net/hd-kote-resident-arrested/

https://www.vijayavani.net/the-hanging-corpse-of-a-young-man-who-came-to-the-in-laws-house/

https://www.vijayavani.net/be-aware-about-midnight-fishy-video-calls/