ಲಾರಿ ಅಡಿಮೇಲಾಗಿ ಬಿದ್ದರೂ ಬಚಾವ್ ಆದ ಚಾಲಕ; ಬತ್ತ ತುಂಬಿದ್ದ ವಾಹನ ಟಯರ್ ಬ್ಲಾಸ್ಟ್​ ಆಗಿ ಪಲ್ಟಿ..

ರಾಯಚೂರು: ಟಯರ್ ಬ್ಲಾಸ್ಟ್ ಆಗಿ ಲಾರಿಯೊಂದು ಪಲ್ಟಿಯಾಗಿ ಅಡಿಮೇಲಾಗಿ ಬಿದ್ದಿದ್ದರೂ ಚಾಲಕ ಪವಾಡಸದೃಶವಾಗಿ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. ರಾಯಚೂರು ತಾಲೂಕಿನ ದುಗನೂರು ಕ್ರಾಸ್ ಬಳಿ ಈ ಅಪಘಾತ ಸಂಭವಿಸಿದೆ.

ಭತ್ತ ತುಂಬಿದ್ದ ಲಾರಿ ಸಾಗುತ್ತಿದ್ದಾಗ ಟಯರ್ ಸ್ಫೋಟಗೊಂಡಿದ್ದು, ಚಾಲಕನ ನಿಯಂತ್ರಣ ತಪ್ಪಿದ ಲಾರಿ ಮಗುಚಿ ಬಿದ್ದಿದ್ದು, ಸಂಪೂರ್ಣ ಅಡಿಮೇಲಾಗಿದೆ. ಅದಾಗ್ಯೂ ಚಾಲಕ ಪವಾಡಸದೃಶವಾಗಿ ಬದುಕುಳಿದಿದ್ದಾನೆ.

ಇದನ್ನೂ ಓದಿ: ಪಲ್ಟಿ ಆಗಿ ಅಡಿಮೇಲಾದ ಬಸ್​; ಅಪಘಾತದ ಸಂದರ್ಭ ಬಸ್​ ಒಳಗಿದ್ದರು 30ಕ್ಕೂ ಹೆಚ್ಚು ಪ್ರಯಾಣಿಕರು!

ಅಪಘಾತದ ಪರಿಣಾಮವಾಗಿ ಭತ್ತದ ಚೀಲಗಳು ಚೆಲ್ಲಾಪಿಲ್ಲಿಯಾಗಿದ್ದು, ಸಾಕಷ್ಟು ನಷ್ಟ ಉಂಟಾಗಿದೆ. ಇಡನೂರು ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಈ ಅಪಘಾತ ಸಂಭವಿಸಿದ್ದು, ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

https://www.vijayavani.net/cm-announced-new-guidelines-to-control-corona-situations/

https://www.vijayavani.net/mla-neharu-olekars-grand-children-committed-suicide/