ಏಪ್ರಿಲ್​ 17, 300 ರನ್​ ದಾಖಲೆ; ಐಪಿಎಲ್​ ಶುರುವಿನ ಬೆನ್ನಲ್ಲೇ ಡೇಲ್​ ಸ್ಟೇನ್​ ಭವಿಷ್ಯ ನುಡಿ | Dale Steyn

Dale Steyn: ಮಾ.23ರಂದು ನಡೆದ ಐಪಿಎಲ್​ನ ಎರಡನೇ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್ ಎದುರು ಸನ್​ರೈಸರ್ಸ್ ಹೈದರಾಬಾದ್​ ಭರ್ಜರಿ ಜಯ ಸಾಧಿಸಿತು. ಕಳೆದ ಬಾರಿ ಐಪಿಎಲ್ ಆವೃತ್ತಿಯಲ್ಲಿ ತನ್ನದೇ ಅತಿ ಹೆಚ್ಚು ರನ್​ಗಳ ದಾಖಲೆಯನ್ನು ಮುರಿದಿದ್ದ ಸನ್​ರೈಸರ್ಸ್​ ಹೈದರಾಬಾದ್​, 2025ರ ಐಪಿಎಲ್​ನ ಪಂದ್ಯದಲ್ಲಿ ಮತ್ತೊಮ್ಮೆ ತನ್ನದೇ ದಾಖಲೆಯನ್ನು ಮುರಿಯುವ ಅವಕಾಶವನ್ನು ಕೇವಲ ಎರಡೇ ಎರಡು ರನ್​ಗಳಿಂದ ಕಳೆದುಕೊಂಡಿತು.

ಇದನ್ನೂ ಓದಿ: ಗುಜರಾತಿನ ಅದ್ರಿ ಬೀಚ್‌ನಲ್ಲಿ ೩೦ ಕಿ.ಮೀ ಸಮುದ್ರದಲ್ಲಿ ಈಜಿ ಪ್ರಥಮ ಸ್ಥಾನ ಪಡೆದ ಕೋಲಾರದ ಡಿಂಪಲ್

ಕಳೆದ ಆವೃತ್ತಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಎದುರು 287 ರನ್​ ದಾಖಲಿಸಿದ ಎಸ್​ಆರ್​ಎಚ್​, ಈ ಮೂಲಕ ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ಮೊತ್ತ ಕಲೆಹಾಕಿದ ತಂಡ ಎಂಬ ಪಟ್ಟಿಗೆ ಸೇರಿಕೊಂಡಿತು. ಅದೇ ವರ್ಷ ಹಲವು ದಾಖಲೆಗಳನ್ನು ಬರೆದ ಕಾವ್ಯ ಮಾರನ್​ ಮಾಲೀಕತ್ವದ ಸನ್​ರೈಸರ್ಸ್​ ಹೈದರಾಬಾದ್, ಈ ವರ್ಷವೂ ಬೌಂಡರಿ, ಸಿಕ್ಸರ್​ಗಳ ಸುರಿಮಳೆ, ಬೃಹತ್​ ಮೊತ್ತ ಗಳಿಸುವತ್ತ ದಾಪುಗಾಲಿಟ್ಟಿದೆ. ಆರಂಭಿಕ ಪಂದ್ಯಲ್ಲೇ ತಂಡದ ಪರ ಇಶಾನ್ ಕಿಶನ್​ಸ್ಫೋಟಕ ಬ್ಯಾಟಿಂಗ್ ನಡೆಸಿ ಅಜೇಯ ಶತಕ ಬಾರಿಸಿದರು.

ಅಭಿಷೇಕ್ ಶರ್ಮ, ಇಶಾನ್ ಕಿಶನ್​, ಟ್ರಾವಿಸ್ ಹೆಡ್​, ಕ್ಲಾಸೆನ್​ ಸೇರಿದಂತೆ ಬಲಿಷ್ಠ ಬ್ಯಾಟಿಂಗ್ ಹಾಗೂ ಬೌಲಿಂಗ್ ಲೈನ್ ಹೊಂದಿರುವ ಎಸ್​ಆರ್​ಎಚ್​, ಮುಂಬರುವ ಐಪಿಎಲ್​ ಪಂದ್ಯಗಳಲ್ಲಿ ಭರ್ಜರಿ ದಾಖಲೆಗಳನ್ನು ನಿರ್ಮಿಸುವ ಸಾಧ್ಯತೆಗಳು ಹೆಚ್ಚಿವೆ ಎಂಬ ಮಾತುಗಳು ಅಭಿಮಾನಿಗಳಿಂದ ಕೇಳಿಬಂದಿವೆ. ಇದೆಲ್ಲದರ ನಡುವೆ ದಕ್ಷಿಣ ಆಫ್ರಿಕಾದ ಮಾಜಿ ವೇಗಿ ಡೇಲ್ ಸ್ಟೇನ್ ಮಾತನಾಡಿ, ಈ ಬಾರಿಯ ಆವೃತ್ತಿಯಲ್ಲಿ ಎಸ್​ಆರ್​ಎಚ್ 300 ರನ್​ ಗಡಿದಾಟಲಿದೆ ಎಂದು ಭವಿಷ್ಯ ನುಡಿದಿದ್ದಾರೆ.

ಇದನ್ನೂ ಓದಿ: ತೋಡಿನ ತಡೆಗೋಡೆ ಕಾಮಗಾರಿ ಕಳಪೆ : ನರಿಮೊಗರು ಗ್ರಾಮಸಭೆಯಲ್ಲಿ ಗ್ರಾಮಸ್ಥರ ಆರೋಪ

"ಏಪ್ರಿಲ್​ 17ರಂದು ಮುಂಬೈ ಇಂಡಿಯನ್ಸ್ ವಿರುದ್ಧದ ಪಂದ್ಯದಲ್ಲಿ ಸನ್​ರೈಸರ್ಸ್​ ಹೈದರಾಬಾದ್​ ತಂಡವು ಬರೋಬ್ಬರಿ 300 ರನ್​ ಕಲೆಹಾಕುವ ಮೂಲಕ ಐಪಿಎಲ್ ಇತಿಹಾಸದಲ್ಲಿ ಬೃಹತ್ ಮೊತ್ತ ಗಳಿಸಿದ ತಂಡವಾಗಿ ಹೊರಹೊಮ್ಮಲಿದೆ. ಈ ದಾಖಲೆಯನ್ನು ಮೈದಾನದಲ್ಲೇ ನಾನು ನೋಡುವ ಸಾಧ್ಯತೆಗಳು ಸಹ ಇವೆ" ಎಂದು ಹೇಳಿದ್ದಾರೆ. ಸ್ಟೇನ್ ಹೇಳಿಕೆ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಹಲವರು ಹಲವು ರೀತಿಯಲ್ಲಿ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/chennai-techie-explains-estranged-wife