CSK: ನಿನ್ನೆ (ಮಾ.23) ಎಂ.ಎ ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆದ ಐಪಿಎಲ್ 18ನೇ ಆವೃತ್ತಿಯ ಮೂರನೇ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಮುಂಬೈ ಇಂಡಿಯನ್ಸ್ ತಂಡಗಳು ಮುಖಾಮುಖಿಯಾಗಿ ಗೆಲುವಿಗಾಗಿ ಭರ್ಜರಿ ಪೈಪೋಟಿ ನಡೆಸಿತು. ಕೊನೆಯವರೆಗೂ ರೋಚಕತೆಯಲ್ಲೇ ಸಾಗಿದ ಈ ಪಂದ್ಯದಲ್ಲಿ ಅಂತಿಮವಾಗಿ ಸಿಎಸ್ಕೆ 4 ವಿಕೆಟ್ಗಳ ಭರ್ಜರಿ ಗೆಲುವನ್ನು ಸಾಧಿಸಿತು.
ಇದನ್ನೂ ಓದಿ: ಹಣದ ಅಗತ್ಯವಿರುವವರೆಗೂ ಸಿನಿಮಾ ಮಾಡುವುದನ್ನು ಮುಂದುವರಿಸುವೆ; ಪವರ್ ಸ್ಟಾರ್ ಪವನ್ ಕಲ್ಯಾಣ್ | Pawan Kalyan
ಐಪಿಎಲ್ನ ಮೂರನೇ ಪಂದ್ಯ ಇದಾಗಿದ್ದು, ಟಾಸ್ ಗೆದ್ದ ರುತುರಾಜ್ ಗಾಯಕ್ವಾಡ್ ಮುಂಬೈ ಪಡೆಗೆ ಮೊದಲು ಬ್ಯಾಟ್ ಮಾಡುವಂತೆ ಆಹ್ವಾನಿಸಿದರು. ಅಂತೆಯೇ ಕಣಕ್ಕಿಳಿದ ಮುಂಬೈ ಇಂಡಿಯನ್ಸ್, 20 ಓವರ್ ಅಂತ್ಯಕ್ಕೆ 155 ರನ್ ಗಳಿಸಿತು. ಈ ಗುರಿಯನ್ನು ಬೆನ್ನಟ್ಟಿದ ಚೆನ್ನೈ, 19.1 ಓವರ್‌ಗಳಲ್ಲಿ ಪಂದ್ಯವನ್ನು ಗೆಲುವಿನ ಮೂಲಕ ಮುಕ್ತಾಯಗೊಳಿಸಿತು. ಇದು ಸಿಎಸ್ಕೆ ಅಭಿಮಾನಿಗಳ ಸಂಭ್ರಮಕ್ಕೆ ಕಾರಣವಾಯಿತು. ಆದರೆ, ಈ ಪಂದ್ಯದಲ್ಲಿ ಖಲೀಲ್ ಅಹಮ್ಮದ್ ಅವರ ಬೌಲಿಂಗ್ ವೇಳೆ ಕ್ಯಾಪ್ಟನ್ ರುತುರಾಜ್, ಬೌಲರ್ ಜೇಬಿಗೆ ಏನೋ ಇಟ್ಟಂತೆ ಕಂಡುಬಂದ ದೃಶ್ಯ ಇದೀಗ ದೊಡ್ಡ ಆರೋಪಕ್ಕೆ ಗುರಿಯಾಗಿದೆ.
ಈ ಆರೋಪಕ್ಕೆ ಸಂಬಂಧಿಸಿದ ದೃಶ್ಯವೊಂದು ಸದ್ಯ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಸಿಎಸ್ಕೆ ತಂಡದ ಖಲೀಲ್ ಮತ್ತು ರುತುರಾಜ್ ಬಾಲ್ ಟಾಂಪರಿಂಗ್ ಮಾಡುವಲ್ಲಿ ತೊಡಗಿದ್ದರು. ಅಹಮ್ಮದ್ ಅವರ ಜೇಬಿಗೆ ಗಾಯಕ್ವಾಡ್ ಏನೋ ಇಟ್ಟಂತೆ ಕಂಡುಬಂದಿದೆ. ಇದರಿಂದಲೇ ಅವರು ಮುಂಬೈ ಇಂಡಿಯನ್ಸ್ ವಿರುದ್ಧದ ಪಂದ್ಯವನ್ನು ಗೆದ್ದು ಬೀಗಿದರು ಎಂದು ಕೆಲವರು ಆರೋಪಿಸಿದ್ದಾರೆ. ಆದರೆ, ಈ ಆರೋಪ ಎಷ್ಟರ ಮಟ್ಟಿಗೆ ಸುಳ್ಳು, ನಿಜ ಎಂಬುದು ಇನ್ನೂ ಸ್ಪಷ್ಟವಾಗಿ ತಿಳಿದುಬಂದಿಲ್ಲ.
ಇದನ್ನೂ ಓದಿ: ಫೇಸ್‌ಬುಕ್‌ನಲ್ಲಿ ಫ್ರೆಂಡ್ ರಿಕ್ವೆಸ್ಟ್ ಅಕ್ಸೆಪ್ಟ್ ಮಾಡಿದ್ದ ಅರ್ಚಕಗೆ 6.43 ಲಕ್ಷ ರೂ. ವಂಚನೆ
ಗಮನಿಸಬೇಕಾದ ವಿಷಯವಿದು
ಈ ದೃಶ್ಯಗಳನ್ನು ಮುಂದಿಟ್ಟು ಕಿಡಿಕಾರಿರುವ ಸಿಎಸ್ಕೆ ವಿರೋಧಿಗಳು, ಜಾಲತಾಣಗಳಲ್ಲಿ ರುತುರಾಜ್ ಗಾಯಕ್ವಾಡ್ ಮತ್ತು ಬೌಲರ್ ಖಲೀಲ್ ಅಹ್ಮದ್ರನ್ನು ವ್ಯಾಪಕವಾಗಿ ಟ್ರೋಲ್ ಮಾಡಿ ಟೀಕಿಸುತ್ತಿದ್ದಾರೆ. ಇನ್ನೂ ಕೆಲವರು ಮೂರನೇ ಬಾರಿಗೆ ಐದು ಬಾರಿ ಚಾಂಪಿಯನ್ಗಳು ಐಪಿಎಲ್ನಿಂದ ಬ್ಯಾನ್ ಆಗಲಿದ್ದಾರೆ ಎಂದು ವ್ಯಂಗ್ಯವಾಡಿದ್ದಾರೆ. ಮತ್ತೊಬ್ಬರು ಕಮೆಂಟ್ ಮಾಡಿ, ಬಹುಶಃ ರುತುರಾಜ್ ಚೂಯಿಂಗ್ ಗಮ್ ತೆಗೆದುಕೊಳ್ಳುವ ಉದ್ದೇಶದಿಂದ ಖಲೀಲ್ ಜೇಬಿಗೆ ಕೈಹಾಕಿರಬಹುದು ಎಂದು ಅಭಿಪ್ರಾಯಿಸಿದ್ದಾರೆ.
ವಿಡಿಯೋ ಡಿಲೀಟ್
Ball tampering now? 🤡
-Home matche knowing MI’s captain won’t be available.
-Uncapped player rule.
-2nd ball in 2nd innings so spinners can grip better.
-Everything seems well planned. 😭Ban this shameless franchise for 2 more years!” https://t.co/XKn8DI0m3q
— Ayush (@itsayushyar) March 24, 2025
ಈ ಕುರಿತಂತೆ ಮುಂಬೈ ಇಂಡಿಯನ್ಸ್ ಅಥವಾ ಇತರೆ ಆಟಗಾರರಿಂದ ಇಲ್ಲಿಯವರೆಗೂ ಯಾವುದೇ ಅಧಿಕೃತ ದೂರು ದಾಖಲಾಗಿಲ್ಲ. ಇದು ಕೇವಲ ನೆಟ್ಟಿಗರ ಊಹಾಪೋಹ, ಆಧಾರವಿಲ್ಲದ ಆರೋಪಗಳು ಎಂಬುದು ಬಲವಾಗಿದೆ,(ಏಜೆನ್ಸೀಸ್).