0.12 ಸೆಕೆಂಡ್​! ಅದೇ ವೇಗ, ನಿಖರತೆ, ಚಾಣಕ್ಷತನ; ವಯಸ್ಸಾಯ್ತು ಎಂದವರಿಗೆ ಮೈದಾನದಲ್ಲೇ ಖಡಕ್ ಉತ್ತರ ಕೊಟ್ಟ 'ಕ್ಯಾಪ್ಟನ್​ ಕೂಲ್'​ | MS Dhoni

MS Dhoni: ಇಂದು (ಮಾ.23) ಎಂ.ಎ ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಐಪಿಎಲ್​ 18ನೇ ಆವೃತ್ತಿಯ ಮೂರನೇ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಮುಂಬೈ ಇಂಡಿಯನ್ಸ್ ತಂಡಗಳು ಮುಖಾಮುಖಿಯಾಗಿವೆ.

ಇದನ್ನೂ ಓದಿ: ನಾನೊಂದು ತೀರ, ನೀನೊಂದು ತೀರ! ಮೌನಕ್ಕೆ ಶರಣಾದ ಮುಸ್ಕಾನ್​ ಸರ್ಕಾರಿ ವಕೀಲರಿಗಾಗಿ ಅಳಲು | Murder Case

ಟಾಸ್​ ಗೆದ್ದ ಸಿಎಸ್​ಕೆ ಮೊದಲು ಫೀಲ್ಡಿಂಗ್ ಆಯ್ದುಕೊಂಡಿದ್ದು, ಸೂರ್ಯಕುಮಾರ್ ಯಾದವ್ ಪಡೆಗೆ ಬ್ಯಾಟ್ ಮಾಡುವಂತೆ ಆಹ್ವಾನಿಸಿತು. ಅಂತೆಯೇ ಮೊದಲು ಬ್ಯಾಟ್ ಮಾಡಿದ ಮುಂಬೈ ಇಂಡಿಯನ್ಸ್​ನ ಸ್ಟಾರ್ ಬ್ಯಾಟರ್​ಗಳು ಹೆಚ್ಚು ಕಾಲ ಕ್ರೀಸ್​ನಲ್ಲಿ ನಿಂತು ಅಬ್ಬರಿಸುವಲ್ಲಿ ಮುಗ್ಗರಿಸಿದರು.

ರೋಹಿತ್ ಶರ್ಮ ಶೂನ್ಯಕ್ಕೆ ಪೆವಿಲಿಯನ್​ನತ್ತ ಮುಖ ಮಾಡಿದರೆ, ಅವರ ಬೆನ್ನಲ್ಲೇ ವಿಲ್ ಜ್ಯಾಕ್ಸ್, ರಿಯಾನ್​, ತಿಲಕ್​ ವರ್ಮಾ ಮತ್ತು ಸೂರ್ಯಕುಮಾರ್​ ಯಾದವ್ ಕೂಡ ದಿಗ್ಗಜನ ಹಾದಿಯನ್ನೇ ಹಿಡಿದರು. ಈ ವೇಳೆ ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್ ಸೂರ್ಯಕುಮಾರ್​ ವಿಕೆಟ್​ ಕಬಳಿಸಿದ 'ಕ್ಯಾಪ್ಟನ್ ಕೂಲ್'​, ಎಂದಿನಂತೆ ತಮ್ಮ ವಿಕೆಟ್ ಕೀಪಿಂಗ್ ಚಾಣಕ್ಷತನವನ್ನು ಈ ಬಾರಿಯೂ ಪ್ರದರ್ಶಿಸಿ, ಅಪಾರ ಸಂಖ್ಯೆಯ ಅಭಿಮಾನಿಗಳ ಹೃದಯವನ್ನು ಗೆದ್ದಿದ್ದಾರೆ.

ಇದನ್ನೂ ಓದಿ: ಪದ್ಮನಾಭ ಮಾಣಿಂಜರ ಶಿಸ್ತು ಎಲ್ಲರಿಗೂ ಆದರ್ಶ : ಪ್ರೀತಿತಾ ಧರ್ಮ ವಿಜೇತ್ ಹೇಳಿಕೆ

ಚಿರ ಯುವಕರನ್ನೇ ನಾಚಿಸಿದ ಧೋನಿ

43ನೇ ವಯಸ್ಸಿನಲ್ಲೂ ಐಪಿಎಲ್​ ಆಡುವೆ ಎಂದು ಅಖಾಡಕ್ಕಿಳಿದಿರುವ ಮಹೇಂದ್ರ ಸಿಂಗ್ ಧೋನಿ ಅವರಿಗೆ ವಯಸ್ಸಾಯಿತು ಎಂಬ ಮಾತುಗಳು ಕೇಳಿಬಂದಿತ್ತು. ಈ ಬಾರಿಯ ಆವೃತ್ತಿ ಶುರುವಿಗೂ ಮುನ್ನವೇ ಅವರ ನಿವೃತ್ತಿ ಪ್ರಶ್ನೆಗಳು ವ್ಯಾಪಕ ಚರ್ಚೆಗೆ ಗ್ರಾಸವಾಗಿವೆ. ಇದೆಲ್ಲದರ ಮಧ್ಯೆ ಇದೀಗ ಮತ್ತೊಮ್ಮೆ ತಮ್ಮ ನಿಖರತೆ, ಚಾಣಕ್ಷತನ, ವೇಗವನ್ನು ಸ್ಟಂಪಿಂಗ್ ಮೂಲಕ ತೋರಿಸಿರುವ ಧೋನಿಗೆ ಅಭಿಮಾನಿಗಳು ಸಲಾಂ ಎನ್ನುತ್ತಿದ್ದಾರೆ. ಅದಕ್ಕೆ ಕಾರಣ, ಅವರ ಬದ್ಧತೆ, ಈ ವಯಸ್ಸಿನಲ್ಲೂ ಯುವಕರಂತೆ ಆಡುವ ವೈಖರಿ.

0.12 ಸೆಕೆಂಡ್​ಗಳಲ್ಲಿ ಸೂರ್ಯಕುಮಾರ್​ ಯಾದವ್​ ವಿಕೆಟ್​ ಕಬಳಿಸಿದ ಮಾಹಿ, ಮೈದಾನದಲ್ಲಿ ತಮಗಾಗಿ ಚೀರಾಡುತ್ತಿದ್ದ ಅಭಿಮಾನಿಗಳ ಉತ್ಸಾಹ, ಕುತೂಹಲವನ್ನು ಮತ್ತಷ್ಟು ಹೆಚ್ಚಿಸಿದರು. ಈ ಸ್ಟಂಪಿಂಗ್ ಮೂಲಕ ಎಲ್ಲರ ಗಮನ ಸೆಳೆದ ಕ್ಯಾಪ್ಟನ್ ಕೂಲ್​, ತಮಗೆ ವಯಸ್ಸಾಯಿತು ಎಂದವರ ಬಾಯಿ ಮುಚ್ಚಿಸಿದ್ದಾರೆ. ಇದು ಅವರ ಅಭಿಮಾನಿಗಳಲ್ಲಿ ಎಲ್ಲಿಲ್ಲದ ಖುಷಿಯನ್ನು ಉಂಟು ತಂದೊಡ್ಡಿದೆ.

https://www.vijayavani.net/vidadala-rajini-throws-anger-through-tweet/