ಚರ್ಚೆ: ಸೌದಿ ಅರೇಬಿಯಾ ಮತ್ತು ಅರಬ್ ಸಂಯುಕ್ತ ಸಂಸ್ಥಾನದ (ಯುಎಇ) ತೈಲ ಸಚಿವರೊಂದಿಗೆ ರ್ಚಚಿಸಿದ ಸಚಿವ ಪ್ರಧಾನ್, ಹೆಚ್ಚುವರಿ ತೈಲ ಖರೀದಿ ಬಗ್ಗೆ ಮಾತುಕತೆ ನಡೆಸಿದ್ದಾರೆ. ಈ ಚರ್ಚೆಯ ಫಲವಾಗಿ 70 ಲಕ್ಷ ಟನ್ಗಿಂತ ಹೆಚ್ಚಿನ ಕಚ್ಚಾ ತೈಲ ಖರೀದಿಗೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಇದರಿಂದಾಗಿ ಸರ್ಕಾರಿ ತೈಲಾಗಾರಗಳು ವ್ಯಾಪಕ ಪ್ರಮಾಣದಲ್ಲಿ ಕಾರ್ಯಾಚರಣೆ ಮುಂದೂಡುವುದನ್ನು ನಿವಾರಿಸಿದಂತಾಗಿದೆ. ತೈಲ ಉತ್ಪಾದನೆ ದೇಶಗಳ (ಒಪೆಕ್) ಜೊತೆಗಿನ ಸಂಬಂಧ ಹದಗೆಡುವುದನ್ನು ತಡೆಯಲು ಕೂಡ ನೆರವಾಗಿದೆ. ತಲಾ ಬ್ಯಾರಲ್ಗೆ 21 ಡಾಲರ್ಗಿಂತ ಸ್ವಲ್ಪ ಹೆಚ್ಚು ಬೆಲೆಗೆ ತೈಲ ಖರೀದಿಸಲು ಮಾಡಿಕೊಂಡ ಒಡಂಬಡಿಕೆಯಿಂದ ಸುಮಾರು 5,000 ಕೋಟಿ ರೂಪಾಯಿ ಉಳಿತಾಯವಾಗಬಹುದು ಎಂಬುದು ಸರ್ಕಾರದ ನಿರೀಕ್ಷೆ. ಜನವರಿಯಲ್ಲಿ ಬ್ಯಾರೆಲ್ ಬೆಲೆ ಸುಮಾರು 65 ಡಾಲರ್ ಇತ್ತು. ಇದಲ್ಲದೆ, ಸರ್ಕಾರಿ ತೈಲಾಗಾರಗಳು ಕೂಡ ಮಾರ್ಚ್-ಏಪ್ರಿಲ್ ದರದಲ್ಲಿ 80 ಲಕ್ಷ ಟನ್ ತೈಲ ಖರೀದಿಸಿದ್ದವು. ಈ ಖರೀದಿಯಿಂದ ದಾಸ್ತಾನಿನ ಜನವರಿ ಬೆಲೆಗಳಿಗೆ ಹೋಲಿಸಿದರೆ 20,000 ಕೋಟಿ ಉಳಿತಾಯ ಆಗುತ್ತದೆ. ಹೀಗಾಗಿ, ಅಗ್ಗದ ದರದಲ್ಲಿ ತೈಲ ಖರೀದಿಸಿದ್ದರಿಂದ ಒಟ್ಟು ಸುಮಾರು 25,000 ಕೋಟಿ ರೂಪಾಯಿ ಉಳಿತಾಯ ಆಗಲಿದೆ ಎಂಬುದು ಸರ್ಕಾರದ ಲೆಕ್ಕಾಚಾರ.
