ಶೆಲ್ಡನ್: ಬ್ರಿಟನ್ನ ಶೆಲ್ಡನ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದ ವಿಲಕ್ಷಣ ಘಟನೆ ಈಗ ಜಗತ್ತಿನ ಗಮನಸೆಳೆದಿದೆ. ಆ ಠಾಣೆಯಲ್ಲಿ ಮೂವರು ಕಾಲೇಜು ವಿದ್ಯಾರ್ಥಿನಿಯರ ವಿರುದ್ಧ ಚೀಸ್ ತುರಿಗಳನ್ನು ಬಳಸಿ ರೂಮ್ಮೇಟ್ಗೆ ಹಲ್ಲೆ ನಡೆಸಿ ಪ್ರಕರಣ ದಾಖಲಾಗಿದೆ! ಚೀಸ್ ಬಳಸಿ ಹಲ್ಲೆ ನಡೆಸೋದಾ ಅಂತ ಹುಬ್ಬೇರಿಸಬೇಡಿ ಅಸಲಿ ಕಥೆ ಇಲ್ಲಿದೆ..
ನಾರ್ಥ್ವೆಸ್ಟ್ ಲೋವಾ ಕಮ್ಯೂನಿಟಿ ಕಾಲೇಜಿನ ವಿದ್ಯಾರ್ಥಿನಿಯರು ಅವರು. ನಾಲ್ವರೂ ಒಂದೇ ರೂಮಿನಲ್ಲಿದ್ದ ಗೆಳತಿಯರು. ಈ ಪೈಕಿ ನರ್ಸಿಂಗ್ ವಿದ್ಯಾರ್ಥಿನಿ ಅನ್ ಸಿ, ಕಿಯಾ ಎಲೈನ್, ಎಲ್ಲೀ ಟಿ ಎಂಬ ಮೂವರಿಗೆ ಬೋರ್ ಹೊಡೆಯೋದಕ್ಕೆ ಶುರುವಾಗಿತ್ತು. ಅದನ್ನು ಹೋಗಲಾಡಿಸಲು ಅವರು ನಾಲ್ಕನೇಯವಳನ್ನು ಬೇಸ್ತು ಬೀಳಿಸೋದಕ್ಕೆ ಸ್ಕೆಚ್ ಹಾಕಿಕೊಂಡ್ರು. ನಾಲ್ಕನೇಯವಳ ಹೆಸರನ್ನು ಪೊಲೀಸರು ಬಹಿರಂಗಪಡಿಸಿಲ್ಲ.
ಬೇಜಾರು ಹೋಗಲಾಡಿಸಲು ಅವರು ನಾಲ್ಕನೇಯವಳು ಹೊರಗೆ ಹೋಗಿದ್ದಾಗ ಅವಳ ಚೀಸ್ ತುರಿಯ ಬ್ಯಾಗ್ಗೇ ಕೈ ಹಾಕಿದ್ದರು. ಅಂಥದ್ದೊಂದು ಕೆಟ್ಟ ಉಪಾಯ ಅವರಿಗೇಕೆ ಹೊಳೆಯಿತೋ ಗೊತ್ತಿಲ್ಲ. ನಾಲ್ಕನೇಯವಳು ರೂಮಿಗೆ ಬಂದು ಚೀಸ್ ಬಳಸುವುದನ್ನೇ ಅವರು ಕಾಯುತ್ತಿದ್ದರು. ಆದರೆ, ತಾವು ತೋಡಿದ ಹಳ್ಳಕ್ಕೆ ತಾವೇ ಬೀಳುತ್ತೇವೆ ಎಂಬ ಅರಿವು ಆ ಮೂವರಿಗೂ ಇರಲಿಲ್ಲ. ಅಂಥ ಟ್ವಿಸ್ಟ್ ಅಲ್ಲಿ ಕಾದಿತ್ತು.
ಚೀಸ್ ಬಳಸಿ ಹಲ್ಲೆ ನಡೆಸಲು ಪ್ರಯತ್ನಿಸಿದ್ದಾರೆ ಎಂದು ಆ ಮೂವರು ರೂಮ್ ಮೇಟ್ಗಳ ವಿರುದ್ಧವೇ ದೂರು ದಾಖಲಾಯಿತು ಶೆಲ್ಡನ್ ಪೊಲೀಸ್ ಠಾಣೆಯಲ್ಲಿ! ವಿಚಾರಣೆ ವೇಳೆ ಅಸಲಿ ಕಥೆ ಬಯಲಿಗೆ ಬಂತು. ಅದು ಹೀಗಿತ್ತು- ಆ ಮೂವರ ಪೈಕಿ ಒಬ್ಬಾಕೆ ತನ್ನ ಕಾಲಿನ ಸತ್ತ ಚರ್ಮವನ್ನು ಕ್ಲೀನ್ ಮಾಡುತ್ತಿದ್ದ ವೇಳೆ ಬೋರ್ ಆಗೋದನ್ನು ತಪ್ಪಿಸುವ ಕೆಟ್ಟ ಐಡಿಯಾ ಹೊಳೆದಿತ್ತು. ಹಾಗಾಗಿಯೇ ನಾಲ್ಕನೇಯವಳ ಚೀಸ್ ಬ್ಯಾಗ್ಗೇ ಅವರು ಕೈ ಹಾಕಿದ್ದರು. ಚೀಸ್ ತುರಿಗಳಿಗೂ ಕಾಲಿನ ಚರ್ಮದ ಪೀಸ್ಗಳಿಗೂ ವ್ಯತ್ಯಾಸ ಗೊತ್ತಾಗಲ್ಲ ಎಂಬ ಕಾರಣಕ್ಕೆ ಅವರು ಆ ಕಸವನ್ನು ಚೀಸ್ ತುರಿಗಳ ಜತೆಗೆ ಮಿಕ್ಸ್ ಮಾಡಿದ್ದರು!!! ಅಲ್ಲದೆ, ಆ ಕಲಬೆರಕೆ ಚೀಸ್ ಅನ್ನು ನಾಲ್ಕನೇಯವಳು ತಿನ್ನುವುದನ್ನು ನೋಡಿ ಗೋಳು ಹೊಯ್ಯಬೇಕು ಎಂದು ಕಾಯುತ್ತಿದ್ದರು.
ಇದನ್ನೂ ಓದಿ: ಲೇಸ್ ಬ್ರಾ ಆಕಾರದ ಫೇಸ್ಮಾಸ್ಕ್ಗಳಿಗೆ ಜಪಾನಿನಲ್ಲಿ ಭಾರಿ ಬೇಡಿಕೆ- ಮಾರುಕಟ್ಟೆ ಬಂದ ಕೆಲವೇ ನಿಮಿಷಗಳಲ್ಲಿ ಸ್ಟಾಕ್ ಖಾಲಿ!
ಪೊಲೀಸರ ಎಂಟ್ರಿಯೊಂದಿಗೆ ಮೂವರ ಜಂಘಾಬಲವೇ ಉಡುಗಿ ಹೋಗಿತ್ತು. ಅಲ್ಲಿನ ಕಾನೂನು ಪ್ರಕಾರ, ಚೀಸ್ಗೆ ಕಾಲಿನ ಸತ್ತ ಚರ್ಮದ ಚೂರುಗಳನ್ನು ಮಿಶ್ರಣ ಮಾಡಿ ರೂಮ್ ಮೇಟ್ ಅನ್ನು ಗೋಳು ಹುಯ್ಯೋದಕ್ಕೆ ಪ್ರಯತ್ನಿಸಿದ್ದು ಹಲ್ಲೆಗೆ ಸಮ. ಹೀಗಾಗಿ ಅವರು ಹಲ್ಲೆ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಕೂಡಲೇ ಆ ಪ್ರಕರಣವನ್ನು ಅಲ್ಲೇ ತಿಳಿಗೊಳಿಸುವ ಪ್ರಯತ್ನ ನಡೆಯಿತು. ಕಾಲೇಜು ಆಡಳಿತ ಮಂಡಳಿ ಮೂವರಿಗೂ ಎಚ್ಚರಿಕೆ ನೀಡಿತು. ಇಷ್ಟೆಲ್ಲ ಆಗಿಯೂ, ಮೂವರ ಪ್ರಯತ್ನ ನಾಲ್ಕನೇಯವಳಿಗೆ ಹೇಗೆ ತಿಳಿಯತು ಎಂಬುದೇ ಸಸ್ಪೆನ್ಸ್ ಆಗಿ ಉಳಿದುಬಿಟ್ಟಿದೆ!!!. (ಏಜೆನ್ಸೀಸ್)
ಲಾಕ್ಡೌನ್ ಅವಧಿಯಲ್ಲಿ ನಿಗೂಢತೆ ಸೃಷ್ಟಿಸಿದ ದಂಪತಿ: ಇದು ಅವರ ಬೆಡ್ ರೂಮ್ ರಹಸ್ಯ!