ಮುಂಬೈ: ಪೊಲೀಸರೆಂದು ಬಿಂಬಿಸಿ ಸಾರ್ವಜನಿಕರಿಂದ ಹಣ ವಸೂಲಿ ಮಾಡಿ ಪ್ರತಿನಿತ್ಯ 5 ಕೋಟಿ ರೂಪಾಯಿಗೂ ಅಧಿಕ ವಹಿವಾಟು ನಡೆಸುತ್ತಿದ್ದ ಆರೋಪಿಯನ್ನು ಮುಂಬೈ ಪೊಲೀಸರು ಬಂಧಿಸಿದ್ದಾರೆ.
ಪೊಲೀಸರ ವಶದಲ್ಲಿರುವ ಆರೋಪಿಯೂ 12ನೇ ತರಗತಿವರೆಗೆ ವ್ಯಾಸಂಗ ಮಾಡಿದ್ದು ದೇಶಾದ್ಯಂತ ಹಲವು ಮಂದಿಗೆ ವಂಚಿಸಿರುವುದಾಗಿ ತಿಳಿದು ಬಂದಿದೆ.
ಪ್ರತಿಷ್ಠಿತ ಹೋಟೆಲ್ನಲ್ಲಿ ವಾಸ್ತವ್ಯ
ಪ್ರಕರಣದ ಮಾಸ್ಟರ್ ಮೈಂಡ್ ಶ್ರೀನಿವಾಸ್ ರಾವ್ ದಾದಿ(49) ಎಂದು ಗುರುತಿಸಲಾಗಿದ್ದು ಆರೋಪಿಯೂ 12ನೇ ತರಗತಿವರೆಗೂ ವ್ಯಾಸಂಗ ಮಾಡಿದ್ದು ತಾಂತ್ರಿಕ ಜ್ಞಾನದ ಹೊಂದಿದ್ದ ಎಂದು ವರದಿಯಾಗಿದೆ.
ಮುಂಬೈನ ಬಂಗೂರ್ ನಗರ ಠಾಣಾ ಪೊಲೀಸರು ಆರೋಪಿ ಶ್ರೀನಿವಾಸ್ನನ್ನು ಹೈದರಾಬಾದಿನ ಪ್ರತಿಷ್ಠಿತ ಹೋಟೆಲ್ ಒಂದರಲ್ಲಿ ವಾಸ್ತವ್ಯ ಹೂಡಿದ್ದ ವೇಳೆ ಬಂಧಿಸಿರುವುದಾಗಿ ತಿಳಿಸಿದ್ದಾರೆ.
ಪ್ರಕರಣದ ಕಿಂಗ್ಪಿನ್ ಜೊತೆಗೆ ಪೊಲೀಸರು ಥಾಣೆ ಹಾಗೂ ಕಲ್ಕತ್ತಾ ಮೂಲದ ಇಬ್ಬರನ್ನು ವಶಕ್ಕೆ ಪಡೆದು ವಿಚಾರನೆಗೆ ಒಳಪಡಿಸಿದ್ದಾರೆ.
ರಿಯಲ್ ಎಸ್ಟೇಟ್ ಉದ್ಯಮಿಯಂತೆ ಪೋಸ್
ಪ್ರಕರಣದ ಕಿಂಗ್ಪಿನ್ ಶ್ರೀನಿವಾಸ್ ಸಾರ್ವಜನಿಕರ ಮುಂದೆ ರಿಯಲ್ ಎಸ್ಟೇಟ್ ಉದ್ಯಮಿಯಂತೆ ಪೋಸ್ ನೀಡುತ್ತಿದ್ದ ಮತ್ತು ಟೆಲಿಗ್ರಾಮ್ನಲ್ಲಿ ಹೆಚ್ಚು ಸಂವಹನ ನಡೆಸುತ್ತಿದ್ದ ಎಂದು ವರದಿಯಾಗಿದೆ.
ಪೊಲೀಸರು ಇಗಾಗಲೇ ಆತನಿಗೆ ಸಂಬಂಧಿಸಿದ 40 ಬ್ಯಾಂಕ್ ಅಕೌಂಟ್ಗಳು ಫ್ರೀಜ್ ಮಾಡಿರುವುದಾಗಿ ಹಾಗೂ ಒಂದೂವರೆ ಕೋಟಿ ರೂಪಾಯಿ ಹಣವನ್ನು ವಶಕ್ಕೆ ಪಡೆದಿರುವುದಾಗಿ ಬಂಗೂರ್ ನಗರ ಠಾಣಾ ಪೊಲಿಸರು ತಿಳಿಸಿದ್ದಾರೆ.
ಇದನ್ನೂ ಓದಿ: VIDEO| ಜನನಿಬಿಡ ಪ್ರದೇಶದಲ್ಲಿ ವ್ಯಕ್ತಿಯನ್ನು ಥಳಿಸಿದ ಬಿಜೆಪಿ ಸಚಿವ!
ಪೊಲೀಸರಂತೆ ಪೋಸ್
ಆರೋಪಿ ದಾದಿ ಹಾಗೂ ಆತನ ಸಹಚರರು ಹೆಚ್ಚಾಗಿ ಮಹಿಳೆಯರಿಗೆ ಪೊಲೀಸರಂತೆ ಕರೆ ಮಾಡಿ ನಿಔಉ ಸ್ವೀಕರಿಸುವ ಕೊರಿಯರ್ನಲ್ಲಿ ಡ್ರಗ್ಸ್ ಹಾಗೂ ಶಸ್ತ್ರಾಸ್ತ್ರ ಹೊಂದಿದ್ದಾಗಿ ಹೇಳಿ ಬೆದರಿಸುತ್ತಿದ್ದರು.
ನಂತರ ನೀವು ತರಿಸಿಕೊಂಡಿರುವ ಕೊರಿಯರ್ ನಿಮಗೆ ಸಂಬಂಧಪಟ್ಟಿಲ್ಲವೆಂದು ಪರಿಶೀಲಿಸಬೇಕೆಂದು ಹೇಳಿ ಅವರ ಬ್ಯಾಂಕ್, ಆದಾಯ ತೆರಿಗೆ ಹಾಗೂ ಸಂಬಂಧಿಸಿತ ದಾಖಲೆಗಳನ್ನು ಪಡೆಯುತ್ತಿದ್ದರು.
ಬಹುಕೋಟಿ ವಂಚನೆ
ಆರೋಪಿಗಳ ಮಾತಿಗೆ ಬೆದರುತ್ತಿದ್ದ ಅಮಾಯಕರು ಕೇಳುತ್ತಿದ್ದ ದಾಖಲೆಗಳನ್ನು ಕಳುಹಿಸುತ್ತಿದ್ದರು ಮತ್ತು ಆ ನಂತರ ಅವರ ನಂಬರಿಗೆ ಬಂದ ಒಟಿಪಿಯನ್ನು ಸಹ ಹೇಳುತ್ತಿದ್ದರು. ಇದರ ಮೂಲಕ ಆರೋಪಿಗಳು ಸಂತ್ರಸ್ತರ ಮೊಬೈಲ್ ಮೇಲೆ ಹಿಡಿತವನ್ನು ಸಾಧಿಸಿ ಹಣ ದೋಚುತ್ತಿದ್ದದು ಬೆಳಕಿಗೆ ಬಂದಿದೆ.
ಈ ರೀತಿ ಪ್ರತಿನಿತ್ಯ 5-10 ಕೋಟಿ ರೂಪಾಯಿ ಹಣ ದೋಚುತ್ತಿದ್ದರು ಮತ್ತು ಹಣವನ್ನು ಆ ನಂತರ ಕ್ರಿಪ್ಟೋಕರೆನ್ಸಿಯಾಗಿ ಪರಿವರ್ತಿಸಿ ಚೀನಾ ದೇಶದ ಪ್ರಜೆ ಒಬ್ಬರಿಗೆ ವರ್ಗಾಯಿಸುತ್ತಿದ್ದರು. ಪ್ರಕರಣ ಸಂಬಂಧ ಪೊಲೀಸರು ಈಗಾಗಲೇ ಹರಿಯಾಣ, ದೆಹಲಿ, ಪಶ್ಚಿಮ ಬಂಗಾಳ, ಜಾರ್ಖಂಡ್, ಹೈದರಾಬಾದಿನಲ್ಲಿ ಕಾರ್ಯಾಚರಣೆ ನಡೆಸುತ್ತಿದ್ದಾರೆ.
ಪ್ರಕರಣಕ್ಕೆ ಸಂಬಂಧಿಸಿದಂತೆ ಮತ್ತಷ್ಟು ಜನರನ್ನು ಬಂಧಿಸುವ ಸಾಧ್ಯತೆ ಇದೆ ಎಂದು ಜೋನ್-11 ಡಿಸಿಪಿ ಅಜಯ್ ಕುಮಾರ್ ಬನ್ಸಾಲ್ ತಿಳಿಸಿದ್ದಾರೆ.
