'ಯುವ ರಣಧೀರ ಕಂಠೀರವ'ನಾಗಿ ಆಗಮಿಸಲಿದ್ದಾರೆ ಡಾ. ರಾಜ್​ ಮೊಮ್ಮಗ

ಬೆಂಗಳೂರು: ಡಾ. ರಾಜ್​ ಕುಟುಂಬದ ಕುಡಿ, ರಾಘವೇಂದ್ರ ರಾಜಕುಮಾರ್ ಮೊಮ್ಮಗ ಯುವ ರಾಜಕುಮಾರ್ ಚಂದನವನಕ್ಕೆ ಪದಾರ್ಪಣೆ ಮಾಡಲಿದ್ದಾರೆ ಎಂಬ ಸುದ್ದಿ ಈ ಹಿಂದೆಯೇ ಹಬ್ಬಿತ್ತು. ಡಾ. ರಾಜ್​ ಜನ್ಮದಿನದಂದು ಚಿತ್ರದ ಫಸ್ಟ್ ಲುಕ್​ ಸಹ ಬಿಡುಗಡೆ ಆಗಿತ್ತು. ಆದರೆ, ಸಿನಿಮಾ ಶೀರ್ಷಿಕೆ ಏನು ಎಂಬ ಬಗ್ಗೆ ಮಾತ್ರ ಚಿತ್ರತಂಡ ಎಲ್ಲಿಯೂ ರಿವೀಲ್​ ಮಾಡಿರಲಿಲ್ಲ. ಇದೀಗ ಆ ಕಾತುರಕ್ಕೆ ತೆರೆಬಿದ್ದಿದೆ.

ಇದನ್ನೂ ಓದಿ: ಸುನೀಲ್ ಶೆಟ್ಟಿ ಪುತ್ರಿ ಕೆಎಲ್ ರಾಹುಲ್ ಪತ್ನಿಯಂತೆ! ಗೂಗಲ್‌ನಿಂದ ಮತ್ತೊಂದು ಅವಾಂತರ

ಯುವ ರಾಜಕುಮಾರ್ ನಟಿಸುತ್ತಿರುವ ಚಿತ್ರಕ್ಕೆ ‘ಯುವ ರಣಧೀರ ಕಂಠೀರವ‘ ಎಂಬ ಶೀರ್ಷಿಕೆ ಇಡಲಾಗಿದ್ದು, ಲಾಂಚಿಂಗ್​ ವಿಡಿಯೋವನ್ನೂ ತಂಡ ಅದ್ದೂರಿಯಾಗಿ ಬಿಡುಗಡೆ ಮಾಡಿಕೊಂಡಿದೆ. ಈ ಹಿಂದೆ ಕೆಜಿಎಫ್​ ಚಿತ್ರದಲ್ಲಿ ಸಹಾಯಕರಾಗಿ ಕೆಲಸ ಮಾಡಿದ್ದ ಪುನೀತ್​ ರುದ್ರನಾಗ್​ ಈ ಸಿನಿಮಾಕ್ಕೆ ನಿರ್ದೇಶನ ಮಾಡುವ ಜವಾಬ್ದಾರಿ ಹೊತ್ತಿದ್ದಾರೆ.

ಫ್ಯಾಂಟಸಿ ಶೈಲಿಯಲ್ಲಿ ಸಿದ್ಧವಾಗಲಿರುವ ಈ ಸಿನಿಮಾ 2020ರ ನಂತರವೇ ಚಿತ್ರೀಕರಣ ಮಾಡಲಿಕೊಳ್ಳಲಿದೆ. ಸದ್ಯ ಯುವ ರಾಜಕುಮಾರ್​ ಅವರನ್ನು ಲಾಂಚ್​ ಮಾಡುವ ಉದ್ದೇಶದಿಂದ ಬೃಹತ್​ ಕಾರ್ಯಕ್ರಮವನ್ನು ಇಡೀ ತಂಡ ಆಯೋಜನೆ ಮಾಡಿತ್ತು. ಅದರಂತೆ 5 ನಿಮಿಷದ ವಿಡಿಯೋ ಪಿಆರ್​ಕೆ ಆಡಿಯೋದಲ್ಲಿ ಬಿಡುಗಡೆ ಮಾಡಲಾಗಿದೆ.

ಇದನ್ನೂ ಓದಿ: ಖ್ಯಾತ ನಿರ್ದೇಶಕ ಎಸ್​.ನಾರಾಯಣ್​ಗೆ ‘ಸೈಟ್’ ವಂಚನೆ; ಸಿಸಿಬಿಯಿಂದ ತನಿಖೆ ಪ್ರಾರಂಭ

ಮಾಸ್​ ಅವತಾರದಲ್ಲಿ ಎದುರಾಗಿರುವ ಯುವ, ಖಡಕ್​ ಡೈಲಾಗ್​ ಹೇಳಿ ವೈರಿಗಳನ್ನು ಸದೆಬಡಿಯುತ್ತಾರೆ. ಈ 5 ನಿಮಿಷದ ಟೀಸರ್​ ಅನ್ನು ಮೋಹನ್​ ಬಿ. ಕೆರೆಯಲ್ಲಿ ಅದ್ದೂರಿ ಸೆಟ್​ ನಿರ್ಮಾಣ ಮಾಡಿ, ಚಿತ್ರೀಕರಿಸಲಾಗಿದೆ. ವಿಎಫ್​ಎಕ್ಸ್​ನಲ್ಲಿಯೇ ಚಿತ್ರದ ಬಹುಪಾಲು ದೃಶ್ಯಗಳು ಇರಲಿವೆ ಎಂದು ನಿರ್ದೇಶಕರು ಹೇಳಿದ್ದಾರೆ.

https://www.vijayavani.net/telangana-bjp-chief-warns-director-rajamouli-for-hurting-sentiments-of-adivasis/