ಬೆಂಗಳೂರು: ‘ಕೆಜಿಎಫ್ 2’ ಚಿತ್ರವು 2022ರ ಏಪ್ರಿಲ್ 14ಕ್ಕೆ ಬಿಡುಗಡೆ ಯಾಗುತ್ತದೆ ಎಂದು ಚಿತ್ರತಂಡ ಭಾನುವಾರ ಅಧಿಕೃತವಾಗಿ ಘೋಷಿಸಿದೆ. ವಿಷಯ ಕೇಳಿ ಯಶ್ ಅಭಿಮಾನಿಗಳು ಖುಷಿಯಾಗಿದ್ದರೂ, ಇನ್ನೂ ಎಂಟು ತಿಂಗಳು ಕಾಯಬೇಕು ಎಂಬ ಸಣ್ಣ ಬೇಸರದಲ್ಲಿದ್ದಾರೆ. ಇದೆಲ್ಲದರ ಮಧ್ಯೆ, ಚಿತ್ರದ ಬಿಡುಗಡೆಯ ಕುರಿತು ಹಲವು ಪ್ರಶ್ನೆಗಳೆದ್ದಿವೆ. ಪ್ರಮುಖವಾಗಿ, ಏಪ್ರಿಲ್ 14ರಂದು ಪ್ರಭಾಸ್ ಅಭಿನಯದ ‘ಸಲಾರ್’ ಚಿತ್ರ ಬಿಡುಗಡೆ ಮಾಡುವುದಾಗಿ ಸೋಷಿಯಲ್ ಮೀಡಿಯಾ ಮೂಲಕ ನಿರ್ವಪಕ ವಿಜಯ್ ಕುಮಾರ್ ಕಿರಗಂದೂರು ಘೋಷಿಸಿದ್ದರು. ಈಗ ಅದೇ ದಿನ, ತಮ್ಮದೇ ನಿರ್ವಣದ ‘ಕೆಜಿಎಫ್ 2’ ಚಿತ್ರವನ್ನು ಬಿಡುಗಡೆ ಮಾಡುವುದಾಗಿ ಅವರು ಘೋಷಿಸಿದ್ದಾರೆ. ಹಾಗಾದರೆ, ಎರಡೂ ಚಿತ್ರಗಳು ಒಂದೇ ದಿನ ಬಿಡುಗಡೆಯಾಗುತ್ತದಾ?
