ಆ ಮೂವರನ್ನು ಒಂದೇ ಚಿತ್ರದಲ್ಲಿ ನೋಡಬೇಕೆನ್ನುವ ಆಸೆ ಕೊನೆಗೂ ಕೈಗೂಡಲಿಲ್ಲ ...

ಮುಂಬೈ: ಬಾಲಿವುಡ್​ನ ಮೂವರು ಅತ್ಯಂತ ಜನಪ್ರಿಯ ನಾಯಕನಟರೆಂದರೆ ಅದು ದಿಲೀಪ್​ ಕುಮಾರ್​, ಅಮಿತಾಭ್​ ಬಚ್ಚನ್​ ಮತ್ತು ಶಾರೂಖ್​ ಖಾನ್​. ಹಿಂದಿ ಚಿತ್ರರಂಗವನ್ನು ಮೂರು ವಿಭಿನ್ನ ಕಾಲಘಟ್ಟದಲ್ಲಿ ಆಳಿದ ಈ ಮೂವರು ಒಂದೇ ಚಿತ್ರದಲ್ಲಿ ನಟಿಸಬೇಕಾಗಿದ್ದ ವಿಷಯ ಗೊತ್ತಾ?

ಇದನ್ನೂ ಓದಿ: ಆ್ಯಕ್ಷನ್​-ಕಟ್​ ಹೇಳುವುದಕ್ಕೆ ಸಜ್ಜಾಗಿದ್ದಾರೆ ವಿನಯ್​ ರಾಜಕುಮಾರ್​

ಗೊತ್ತಿಲ್ಲದಿದ್ದರೆ ಕೇಳಿ, ಕೆಲವು ವರ್ಷಗಳ ಹಿಂದೆ, ಈ ಮೂವರನ್ನಿಟ್ಟುಕೊಂಡು ಒಂದು ದೊಡ್ಡ ಚಿತ್ರ ಮಾಡುವುದಕ್ಕೆ ಪ್ಲಾನ್​ ಆಗಿತ್ತು. ಭಾರತೀಯ ಚಿತ್ರರಂಗದಲ್ಲೇ ಇದೊಂದು ಅಪರೂಪದ ಚಿತ್ರವಾಗಿರುವುದರಿಂದ, ಮೂವರೂ ನಟಿಸುವುದಕ್ಕೆ ಸಮ್ಮತಿ ಸೂಚಿಸಿದ್ದರು. ಆದರೆ, ಕಾರಣಾಂತರಗಳಿಂದ ಈ ಚಿತ್ರ ಶುರುವಾಗಲೇ ಇಲ್ಲ.

ಇಂಥದ್ದೊಂದು ಕನಸು ಕಂಡವರು ಹಿಂದಿಯ ಜನಪ್ರಿಯ ನಿರ್ದೇಶಕ ಸುಭಾಷ್​ ಘಾಯ್​. ಅವರು ಅದಕ್ಕೂ ಮುನ್ನ ದಿಲೀಪ್​ ಕುಮಾರ್​ ಮತ್ತು ಶಾರೂಖ್​ ಖಾನ್​ ಜತೆಗೆ ಕೆಲಸ ಮಾಡಿದ್ದರು. ಅಮಿತಾಭ್​ ಬಚ್ಚನ್​ ಅಭಿನಯದಲ್ಲಿ ಒಂದು ಚಿತ್ರ ಮಾಡುವುದಕ್ಕೆ ಪ್ರಯತ್ನಿಸಿದ್ದರಾದರೂ, ಅದು ಕಾರಣಾಂತರಗಳಿಂದ ಮುಂದುವರೆಯಲಿಲ್ಲ. ಯಾಕೆ ಈ ಮೂವರನ್ನೂ ಇಟ್ಟುಕೊಂಡು ಒಂದು ಚಿತ್ರ ಮಾಡಬಾರದು ಎಂಬ ಯೋಚನೆ ಹೊಳೆಯುತ್ತಿದ್ದಂತೆಯೇ, ಶುರುವಾಗಿದ್ದೇ 'ಮದರ್​ಲ್ಯಾಂಡ್​' ಎಂಬ ಚಿತ್ರ. ಈ ಚಿತ್ರದಲ್ಲಿ ದಿಲೀಪ್​ ಕುಮಾರ್​, ಅಮಿತಾಭ್​ ಬಚ್ಚನ್, ಶಾರೂಖ್​ ಖಾನ್​ ಜತೆಗೆ ಐಶ್ವರ್ಯಾ ರೈ, ಮಹಿಮಾ ಚೌಧರಿ ಮತ್ತು ಪ್ರೀತಿ ಜಿಂಟಾ ಅವರನ್ನೂ ಆಯ್ಕೆ ಮಾಡಿದ್ದರು.

ಇದನ್ನೂ ಓದಿ: ಹರಿಪ್ರಿಯಾಗೆ ಹಾಲಿವುಡ್​ ಪ್ರಶಸ್ತಿ

ಆದರೆ, ಈ ಚಿತ್ರ ಸೆಟ್ಟೇರಲೇ ಇಲ್ಲ. ಅದಕ್ಕೆ ಕಾರಣ ಯಾರು ಗೊತ್ತಾ? ಶಾರೂಖ್​ ಖಾನ್​. ಸುಭಾಷ್​ ಘಾಯ್​ ಅವರೇ ಸಂದರ್ಶನವೊಂದರಲ್ಲಿ ಹೇಳಿಕೊಂಡಂತೆ, ಈ ಚಿತ್ರ ನಿಲ್ಲುವುದಕ್ಕೆ ಕಾರಣ ಶಾರೂಖ್​ ಖಾನ್​ ಅಂತೆ. ಆರಂಭದಲ್ಲಿ ಚಿತ್ರದಲ್ಲಿ ನಟಿಸುವುದಕ್ಕೆ ಅವರು ಆಸಕ್ತಿ ತೋರಿಸಿದರೂ, ಮಲ್ಟಿಸ್ಟಾರರ್​ ಚಿತ್ರಗಳಿಗಿಂಥ, ಸೋಲೋ ಹೀರೋ ಚಿತ್ರ ಮಾಡಬೇಕು ಎಂಬ ಕಾರಣಕ್ಕೆ ಹಿಂದೇಟು ಹಾಕಿದರಂತೆ. ಹಾಗೆ ನಿಂತ ಚಿತ್ರ ಖಾಯಮ್ಮಾಗಿ ನಿಂತು ಹೋಗಿದೆ ಎನ್ನುವುದು ಬೇಸರದ ಸಂಗತಿ.

https://www.vijayavani.net/photo-shoot-in-honor-of-kempa-nanjammanni/