ಶ್ರೀವಲ್ಲಿಯನ್ನು ಕಾಪಿ ಹೊಡೆದ ಸ್ಪೈಡರ್‌ಮ್ಯಾನ್‌! ಪುಷ್ಪ ಚಿತ್ರದ 'ಸಾಮಿ ಸಾಮಿ' ಹಾಡಿಗೆ ಹೆಜ್ಜೆ! ವಿಡಿಯೋ ವೈರಲ್...

ನಟ ಅಲ್ಲು ಅರ್ಜುನ್ ಮತ್ತು ನಟಿ ರಶ್ಮಿಕಾ ಮಂದಣ್ಣ ಅವರ 'ಪುಷ್ಪ: ದಿ ರೈಸ್' ಸಿನಿಮಾದ ಕ್ರೇಜ್ ಶೀಘ್ರದಲ್ಲೇ ಕಡಿಮೆಯಾಗುವ ಸಾಧ್ಯವಿಲ್ಲ ಎಂಬಂತಿದೆ. ಹೌದು, ಒಂದು ವೈರಲ್ ವಿಡಿಯೋ ಪ್ರಸ್ತುತ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಈ ವಿಡಿಯೋದಲ್ಲಿ ವ್ಯಕ್ತಿಯೊಬ್ಬ ಸ್ಪೈಡರ್‌ಮ್ಯಾನ್‌ನಂತೆ ಉಡುಪು ಧರಿಸಿದ್ದು, ಈ ಚಿತ್ರದ ಸೂಪರ್‌ಹಿಟ್ ಹಾಡು 'ಸಾಮಿ ಸಾಮಿ'ಗೆ ಹೆಜ್ಜೆ ಹಾಕುತ್ತಿರುವುದು ಕಂಡುಬಂದಿದೆ.

ತೆಲುಗಿನ ನಟ ಮತ್ತು ಅಲ್ಲು ಅರ್ಜುನ್ ಅವರ ತಮ್ಮ ಅಲ್ಲು ಸಿರಿಶ್ ಈ ವಿಡಿಯೋವನ್ನು ಅವರ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ. ಟ್ವೀಟ್​ನಲ್ಲಿ, 'ಪುಷ್ಪಾ ಹಾಡು "ರಾರಾ ಸಾಮಿ" ಗೆ ಸ್ಪೈಡರ್‌ಮ್ಯಾನ್ ಹೆಜ್ಜೆ ಹಾಕಿದ್ದಾರೆ. ವಾಹ್! ಯೇ ಇಂಡಿಯಾ ಹೇ ಬಾಸ್. @SpiderMan good job buddy!' ಎಂದು ಬರೆದುಕೊಂಡಿದ್ದಾರೆ. ಕ್ರಿಸ್ ಮಸ್ ಸಂದರ್ಭದಲ್ಲಿ ಈ ವಿಡಿಯೋ ತೆಗೆಯಲಾಗಿದೆ. ವೈರಲ್ ವಿಡಿಯೋದಲ್ಲಿ ಹಾಡಿನ ಸಾಹಿತ್ಯವನ್ನು ಬದಲಾಯಿಸಲಾಗಿದೆ.

ಪ್ರಾಸಂಗಿಕವಾಗಿ, 'ಪುಷ್ಪ: ದಿ ರೈಸ್' ಚಿತ್ರ ಹಾಲಿವುಡ್​ನ 'ಸ್ಪೈಡರ್‌ಮ್ಯಾನ್: ನೋ ವೇ ಹೋಮ್' ಸಿನಿಮಾ ಬಿಡುಗಡೆಯಾದ ಅದೇ ಕ್ರಿಸ್ ಮಸ್ ಸಮಯದಲ್ಲಿ ತೆರೆಕಂಡಿತು. ಇನ್ನು, ಈ ವಿಡಿಯೋದಲ್ಲಿ ಸ್ಯಾಂಟಾ ಕ್ಲಾಸ್​ಗಳು ಕುಣಿಯುವುದು ಕಂಡುಬಂದಿದೆ. ಜತೆಗೆ ಆ ಸಿನಿಮಾಗಿಂತ ಹೆಚ್ಚು ಕಲೆಕ್ಷನ್ ಮಾಡಿದೆ ಪುಷ್ಪ. ಹೌದು, 'ಸ್ಪೈಡರ್‌ಮ್ಯಾನ್: ನೋ ವೇ ಹೋಮ್' ಚಿತ್ರ ಇಲ್ಲಿಯವರೆಗೆ 150 ಕೋಟಿ ರೂ. ಗಳಿಸಿದರೇ, 'ಪುಷ್ಪ: ದಿ ರೈಸ್' ಸಿನಿಮಾ ಬಿಡುಗಡೆಯಾಗಿ ಇಂದಿಗೆ 25 ದಿನ ಕಳೆದಿದ್ದು ಒಟ್ಟು ಇಲ್ಲಿಯವರೆಗೆ 350 ಕೋಟಿ. ರೂ ಗಳಿಸಿದೆ ಎನ್ನಲಾಗಿದೆ.

ಹೀಗಾಗಿ, ಸದ್ಯ ಸ್ಪೈಡರ್‌ಮ್ಯಾನ್ 'ಪುಷ್ಪ'ದ ಶ್ರೀವಲ್ಲಿಯಾಗಿ "ರಾರಾ ಸಾಮಿ" ಹಾಡಿಗೆ ಕುಣಿದು ಕುಪ್ಪಳಿಸಿರುವ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಈಗಾಗಲೇ, ವಿಡಿಯೋ 50,000ಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದು, 5,000 ಕ್ಕೂ ಹೆಚ್ಚು ಲೈಕ್ಸ್ ಕೂಡ ಪಡೆದು ಎಲ್ಲರ ಗಮನ ಸೆಳೆಯುತ್ತಿದೆ.

https://www.vijayavani.net/is-simbhu-in-a-live-in-relationship-with-actress-nidhi-agerwal/

https://www.vijayavani.net/disha-patani-pink-bikini-photos-trolled-badly-with-saree-and-burkha-edit/

https://www.vijayavani.net/rashmika-mandanna-and-vijay-devarakonda-videos-from-goa-during-new-year-go-viral-on-twitter/