ಒಂದು ಪಕ್ಷ ‘ಆರ್ಆರ್ಆರ್’, ಸಂಕ್ರಾಂತಿಗೆ ಬಿಡುಗಡೆಯಾಗುತ್ತಿದ್ದರೆ, ‘ಅಣ್ಣಾತ್ತೆ’ ಸಹ ಬಿಡುಗಡೆಯಾಗುತಿತ್ತಾ? ‘ನೋ ವೇ ... ಚಾನ್ಸೇ ಇಲ್ಲ ...’ ಎಂಬ ಉತ್ತರ ಸಿನಿಮಾ ಪಂಡಿತರಿಂದ ಬರುತ್ತದೆ. ಹೇಳಿ ಕೇಳಿ ‘ಆರ್ಆರ್ಆರ್’ ಭಾರತದ ಹೈ ಬಜೆಟ್ ಸಿನಿಮಾ ಎಂಬ ಖ್ಯಾತಿಗೆ ಒಳಗಾಗಿರುವ ಸಿನಿಮಾ. ಈ ಸಿನಿಮಾ ಜತೆ ಬಿಡುಗಡೆಯಾಗುವುದಕ್ಕೆ ಸಹಜವಾಗಿಯೇ ಎಲ್ಲರಿಗೂ ಭಯವಿರುತ್ತದೆ. ಜತೆಯಾಗಿ ಬಿಡುಗಡೆಯಾಗುವುದಿರಲಿ, ‘ಆರ್ಆರ್ಆರ್’ ಬಿಡುಗಡೆಯ ಸುತ್ತಮುತ್ತ, ಬೇರೆ ಯಾವುದೇ ಸಿನಿಮಾ ಬಿಡುಗಡೆ ಆಗುವುದೇ ಸಂಶಯ. ಹೀಗಿರುವಾಗ, ‘ಅಣ್ಣಾತ್ತೆ’ ಬಿಡುಗಡೆಯಾಗುತ್ತಿದೆ ಎಂದರೆ, ‘ಆರ್ಆರ್ಆರ್’ ಮುಂದಕ್ಕೆ ಹೋಗಿದೆ ಎಂಬುದೇ ಎಲ್ಲರ ಲೆಕ್ಕಾಚಾರ.
