ಅಮಿತಾಭ್​ ಬಚ್ಚನ್​ ನಟನೆಯ ಗುಲಾಬೋ ಸಿತಾಬೋ ಅಮೆಜಾನ್​ ಪ್ರೈಮ್​ನಲ್ಲಿ ಬಿಡುಗಡೆಗೆ ಸಿದ್ಧತೆ

ಮುಂಬೈ: ಲಾಕ್​ಡೌನ್​ 4.0 ಅವಧಿಯಲ್ಲಿ ಕೂಡ ಮಾಲ್​ ಮತ್ತು ಚಿತ್ರಮಂದಿರಗಳು ಪುನರಾರಂಭವಾಗುವುದು ಅನುಮಾನವಾಗಿರುವ ಹಿನ್ನೆಲೆಯಲ್ಲಿ ಚಿತ್ರ ನಿರ್ಮಾಪಕರು ಸಿದ್ಧವಾಗಿರುವ ತಮ್ಮ ಚಿತ್ರಗಳನ್ನು ಅಮೆಜಾನ್​ ಪ್ರೈಮ್​, ನೆಟ್​ಫ್ಲಿಕ್ಸ್​ನಂಥ ಓವರ್​ ದ ಟಾಪ್​ ಮೀಡಿಯಾ ಸರ್ವಿಸ್​ (ಒಟಿಟಿ) ಪ್ಲಾಟ್​ಫಾರಂಗಳಲ್ಲಿ ಬಿಡುಗಡೆ ಮಾಡಲು ಮುಂದಾಗುತ್ತಿದ್ದಾರೆ.

ಅದರಂತೆ ಬಾಲಿವುಡ್​ನ ದಿಗ್ಗಜ ನಟ ಅಮಿತಾಭ್​ ಬಚ್ಚನ್​ ಮತ್ತು ಆಯುಷ್ಮಾನ್​ ಖುರಾನಾ ನಟನೆಯ ಗುಲಾಬೋ ಸಿತಾಬೋ ಚಿತ್ರ ಕೂಡ ಒಟಿಟಿ ಅಮೆಜಾನ್​ ಪ್ರೈಮ್​ನಲ್ಲಿ ಜೂ.12ರಂದು ಬಿಡುಗಡೆಯಾಗಲಿದೆ. ಇದನ್ನು 200 ರಾಷ್ಟ್ರಗಳಲ್ಲಿ ಏಕಕಾಲಕ್ಕೆ ಎಲ್ಲರೂ ಈ ಚಿತ್ರವನ್ನು ತಮ್ಮ ಕುಟುಂಬದವರ ಜತೆ ಮನೆಯಲ್ಲೇ ನೋಡಬಹುದಾಗಿದೆ.

ಇದನ್ನೂ ಓದಿ: ಕರೊನಾ ಯಾವಾಗ ನಿಯಂತ್ರಣಕ್ಕೆ ಬರಬಹುದೆಂದು ಊಹಿಸೋಕೆ ಸಾಧ್ಯವೇ ಇಲ್ಲ ಎಂದ ಡಬ್ಲ್ಯುಎಚ್​ಒ

ಕೋವಿಡ್​ 19 ಕಾಟವಿಲ್ಲದೆ ಎಲ್ಲವೂ ಸರಿಯಾಗಿದ್ದರೆ ಶೂಜಿತ್​ ಸರ್ಕಾರ್​ ನಿರ್ದೇಶನದ ಗುಲಾಬೋ ಸಿತಾಬೋ ಚಿತ್ರ ಏಪ್ರಿಲ್​ 17ರಂದು ಜಾಗತಿಕವಾಗಿ ಬೆಳ್ಳಿತೆರೆಗಳ ಮೇಲೆ ಅಪ್ಪಳಿಸಬೇಕಿತ್ತು. ಆದರೆ, ಕೋವಿಡ್​ 19 ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಚಿತ್ರಮಂದಿರಗಳು, ಮಾಲ್​ಗಳು ಮುಚ್ಚಲ್ಪಟ್ಟಿರುವುದರಿಂದ ಈ ಚಿತ್ರದ ಬಿಡುಗಡೆ ಮುಂದಕ್ಕೆ ಹೋಗಿತ್ತು.

ಆಯುಷ್ಮಾನ್​ ಖುರಾನಾ ಮತ್ತು ಅಮಿತಾಭ್​ ಬಚ್ಚನ್​ ಜನರನ್ನು ತಮ್ಮೆಡೆಗೆ ಸೆಳೆಯುವ ಜತೆಗೆ ಪರಸ್ಪರ ಮೇಲುಗೈ ಸಾಧಿಸಲು ಪೈಪೋಟಿ ನಡೆಸುವುದು ಈ ಚಿತ್ರದ ಕಥಾಹಂದರವಾಗಿದೆ.

ಇದನ್ನೂ ಓದಿ: ನಿಯಮಿತ ರೈಲು ಸಂಚಾರ ಜೂನ್​ 30ವರೆಗೂ ಆರಂಭವಾಗಲ್ಲ

ಒಟಿಟಿಗಳಲ್ಲಿ ಚಿತ್ರಗಳ ಬಿಡುಗಡೆ ಭಾರತೀಯ ಚಿತ್ರರಂಗದಲ್ಲಿ ಹೊಸ ಬೆಳವಣಿಗೆಗೆ ನಾಂದಿ ಹಾಡಲಿದೆ. ಜಾಗತಿಕವಾಗಿ ಚಿತ್ರಪ್ರೇಮಿಗಳು ತಮಾಷೆಯ ಕಥಾವಸ್ತುವನ್ನು ಹೊಂದಿರುವ ನಮ್ಮ ಸಿನಿಮಾವನ್ನು ಮನೆಯಲ್ಲೇ ಕುಳಿತು ನೋಡುವಂತೆ ಆಗಲಿರುವುದು ಸಂತಸಕ್ಕೆ ಕಾರಣವಾಗಿದೆ. ಅಮಿತಾಭ್​ ಬಚ್ಚನ್​ರಂಥ ದಿಗ್ಗಜ ನಟ, ಆಯುಷ್ಮಾನ್​ ಖುರಾನಾರಂಥ ಉದಯೋನ್ಮುಖ ನಟರನ್ನು ನಿರ್ದೇಶಿಸಲು ಅವಕಾಶ ಸಿಕ್ಕಿದ್ದು ನನ್ನ ಸೌಭಾಗ್ಯವೇ ಸರಿ ಎಂದು ಚಿತ್ರದ ನಿರ್ದೇಶಕ ಶೂಜಿತ್​ ಸರ್ಕಾರ್​ ಹೇಳಿದ್ದಾರೆ.

https://www.vijayavani.net/hope-not-out-shahid-afridi-visits-hindu-temple-in-pakistan-distributes-essential-food-items-see-pics/