ಯುವರತ್ನ ಅಪ್ಪುಗೆ 'ಸಹಕಾರ ರತ್ನ' ಪ್ರಶಸ್ತಿ!

ಬೆಂಗಳೂರು: ಕರುನಾಡ ಪವರ್ ಸ್ಟಾರ್ ನಟ ಪುನೀತ್ ರಾಜ್​ಕುಮಾರ್ ಅವರು ಅಗಲಿ ನಾಲ್ಕು ತಿಂಗಳು ಕಳೆದಿವೆ. ಆದರೆ, ಅವರಿಗೆ ರಾಜ್ಯಾದ್ಯಂತ ಸಿಗುತ್ತಿರುವ ಗೌರವ ಮಾತ್ರ ಇಂದಿಗೂ ಇಂದು ಚೂರು ಕಡಿಮೆಯಾಗುತ್ತಿಲ್ಲ ಎಂದರೆ ತಪ್ಪಾಗುವುದಿಲ್ಲ. ಅಂದಹಾಗೆ, ಅಪ್ಪು ಅವರು ಸಾಕಷ್ಟು ಕಂಪನಿಗಳು, ಸರ್ಕಾರದ ಸಂಸ್ಥೆಗಳಿಗೆ ಸಹ ರಾಯಭಾರಿ ಆಗಿದ್ದರು. ಅದರಲ್ಲಿ, ಕರ್ನಾಟಕ ಹಾಲು ಒಕ್ಕೂಟ ಕೂಡಾ ಒಂದು. ಇದೀಗ, ಕೆಎಂಎಫ್ ಕೂಡಾ ನಟ ಪುನೀತ್​ಗೆ ‘ಮರಣೋತ್ತರ ಸಹಕಾರ ರತ್ನ ಪ್ರಶಸ್ತಿ’ ಘೋಷಿಸಿದೆ.

ಹೌದು, ವಿಧಾನಸೌಧದಲ್ಲಿ ಸಹಕಾರ ಸಚಿವ ಎಸ್.ಟಿ. ಸೋಮಶೇಖರ್ ಅವರೇ ಈ ಬಗ್ಗೆ ಸ್ವತಃ ಮಾಹಿತಿ ನೀಡಿದ್ದಾರೆ. ಇನ್ನು, ''ಮಾ. 20 ರಂದು ರಾಜ್ಯ ಸರ್ಕಾರದಿಂದ ಈ ಪ್ರಶಸ್ತಿ ಪ್ರದಾನ ಮಾಡುತ್ತೇವೆ. ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರು ಈ ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ. ಪವರ್ ಸ್ಟಾರ್ ನಟ ಪುನೀತ್ ರಾಜ್​ಕುಮಾರ್ ಕೆಎಂಎಫ್​ ರಾಯಭಾರಿಯಾಗಿದ್ದರು. ಹೀಗಾಗಿ, ಅವರಿಗೆ ಮರಣೋತ್ತರ ಸಹಕಾರ ರತ್ನ ಪ್ರಶಸ್ತಿ ನೀಡುಲಾಗುತ್ತಿದೆ'' ಎಂದಿದ್ದಾರೆ ಸಚಿವ ಎಸ್.ಟಿ. ಸೋಮಶೇಖರ್.

ಸಚಿವರ ಈ ಮಾತುಗಳು ಕೇಳಿ ಅಪ್ಪು ಅಭಿಮಾನಿಗಳಿಗೆ ಖುಷಿ ಆಗಿದೆ. ಕಳೆದ ವರ್ಷ ರಾಜ್ಯ ಸರ್ಕಾರ ಪುನೀತ್​ಗೆ ಕರ್ನಾಟಕ ರತ್ನ ಪ್ರಶಸ್ತಿ ನೀಡುವ ಘೋಷಣೆ ಮಾಡಿತ್ತು. ಈ ಪ್ರಶಸ್ತಿ ಪ್ರದಾನ ಘೋಷಣೆಯ ದಿನಾಂಕವನ್ನು ಶೀಘ್ರವೇ ಘೋಷಣೆ ಮಾಡುವ ಬಗ್ಗೆ ಸಿಎಂ ಬಸವರಾಜ ಬೊಮ್ಮಾಯಿ ಮಾಹಿತಿ ನೀಡಿದ್ದರು. ಇನ್ನು, ಅಪ್ಪು ಅವರಿಗೆ ಅದು ಯಾವ ಯಾವ ಪ್ರಶಸ್ತಿ ಒಲಿದು ಬರಲಿದೆ ಎಂದು ಕಾದು ನೋಡಬೇಕಿದೆ. ಈ ಸುದ್ದಿ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. 

https://www.vijayavani.net/priyanka-chopra-sells-her-rolls-royce-ghost-car-to-a-bengaluru-based-businessman/

https://www.vijayavani.net/puneeth-rajkumar-fan-akash-dies-due-to-heart-attack-in-nanjangud/

https://www.vijayavani.net/rashmika-mandanna-gets-brutally-trolled-and-negative-reactions-for-not-wishing-puneeth-rajkumar-on-his-birthday-and-james-release/

https://www.vijayavani.net/american-and-hollywood-actor-arnold-sends-a-sweet-message-to-russian-soldiers-and-advices-them-to-withdraw-from-the-war-in-a-viral-video/

https://www.vijayavani.net/prabhas-travels-to-spain-to-get-medical-treatment-and-undergo-a-surgery-for-his-recent-injury-in-salaar-movie-set/

https://www.vijayavani.net/the-kashmir-files-movie-to-get-dubbed-in-kannada/