ಮೆಗಾ ಸ್ಟಾರ್ ವಿತ್ ಮಾಸ್ ಮಹಾರಾಜ! 21 ವರ್ಷಗಳ ಬಳಿಕ ಮತ್ತೊಂದು 'ಅನ್ನಯ್ಯ'?

ಹೈದರಾಬಾದ್: ಟಾಲಿವುಡ್‌ನಲ್ಲಿ 'ಮಾಸ್ ಮಹಾರಾಜ' ಎಂದೇ ಖ್ಯಾತರಾಗಿರುವ ನಟ ರವಿತೇಜ ಶೀಘ್ರದಲ್ಲೇ ಮೆಗಾಸ್ಟಾರ್ ಚಿರಂಜೀವಿ ಜೊತೆಗೆ ತೆರೆ ಹಂಚಿಕೊಳ್ಳಲಿದ್ದಾರೆ ಎಂಬ ಮಾಹಿತಿ ಹೊರಬಿದ್ದಿದೆ. ಸದ್ಯ, ಕೈತುಂಬಾ ಇರುವ ಸಿನಿಮಾ ಆಫರ್‌ಗಳಲ್ಲೇ ಬ್ಯೂಸಿಯಾಗಿರುವ ನಟ ಮೆಗಾ ಸ್ಟಾರ್ ಚಿರಂಜೀವಿ ಅವರ ಹೆಸರಿಡದ ಮುಂಬರುವ ಚಿತ್ರ '#ಚಿರು154' ನಲ್ಲಿ ಈ ಜೋಡಿ ಅಭಿಮಾನಿಗಳನ್ನು ರಂಜಿಸುವ ಅವಕಾಶವಿದೆ. ಹೌದು, ರವಿತೇಜ ಅವರು ಒಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿರುವ ಈ ಚಿತ್ರಕ್ಕೆ ಬಾಬಿ ಅವರು ನಿರ್ದೇಶಕರಾಗಿದ್ದಾರೆ. ಇನ್ನು, ಎಲ್ಲವೂ ಅಂದುಕೊಂಡಂತೆ ನಡೆದರೆ '#ಚಿರು154' ನಲ್ಲಿ ಮೆಗಾ ಸ್ಟಾರ್ ಚಿರಂಜೀವಿ ಅವರ ಸಹೋದರನಾಗಿ ನಟ ರವಿತೇಜ ತೆರೆ ಮೇಲೆ ಮಿಂಚಲಿದ್ದಾರೆ. ಅಂದಹಾಗೆ, ನಟ ರವಿತೇಜ ಮತ್ತು ಮೆಗಾ ಸ್ಟಾರ್ ಚಿರಂಜೀವಿ ಅವರು ಈ ಹಿಂದೆಯೇ ಒಮ್ಮೆ ತೆರೆ ಹಂಚಿಕೊಂಡಿದ್ದಾರೆ.

ತೆಲುಗಿನ 2000 ರಲ್ಲಿ ಬಿಡುಗಡೆಯಾದ ಸೂಪರ್ ಹಿಟ್ ಸಿನಿಮಾ 'ಅನ್ನಯ್ಯ' ದಲ್ಲಿ ಈ ತಾರಾ ಕಾಂಬಿನೇಷನ್ ಒಟ್ಟಿಗೆ ಕಾಣಿಸಿಕೊಂಡು ಅಭಿಮಾನಿಗಳನ್ನು ಸಖತ್ ರಂಜಿಸಿದ್ದರು. 'ಅನ್ನಯ್ಯ' ಚಿತ್ರದಲ್ಲಿ ನಟಿ ಸೌಂದರ್ಯ, ವೆಂಕಟ್, ಕೋಟಾ ಶ್ರೀನಿವಾಸ ರಾವ್ ಮತ್ತು ಉತ್ಸಾಹ್ ಮತ್ತು ಹಲವು ಖ್ಯಾತ ಸಿನಿತಾರೆಯರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಈ ಸಿನಿಮಾದಲ್ಲಿ ಕೂಡಾ ಚಿರು ಮತ್ತು ರವಿ ಅಣ್ಣತಮ್ಮಂದಿರ ಪಾತ್ರಗಳಲ್ಲಿ ಕಾಣಿಸಿಕೊಂಡರು. ಇನ್ನು, '#ಚಿರು154' ಎಂದು ಹೆಸರಿಸಲಾಗಿರುವ ಈ ಸಿನಿಮಾದಲ್ಲಿ ಚಿರಂಜೀವಿ ಅವರಿಗೆ ನಾಯಕಿಯಾಗಿ ನಟಿ ಶ್ರುತಿ ಹಾಸನ್ ಆಯ್ಕೆಯಾಗಿದ್ದಾರೆ. ಪಕ್ಕಾ ಆಕ್ಷನ್ ಎಂಟರ್‌ಟೈನರ್ ಆಗಿರಲಿರುವ ಈ ಚಿತ್ರವನ್ನು ಮೈತ್ರಿ ಮೂವಿ ಮೇಕರ್ಸ್ ನಿರ್ಮಿಸಲಿದ್ದಾರೆ. ಮತ್ತೊಂದೆಡೆ, ತೆಲುಗಿನ ಖ್ಯಾತ ಸಂಗೀತ ನಿರ್ದೇಶಕ ದೇವಿ ಶ್ರೀ ಪ್ರಸಾದ್ ಅವರು ಈ ಸಿನಿಮಾಗೆ ಸಂಗೀತವನ್ನು ಸಂಯೋಜಿಸಲಿದ್ದಾರೆ. 

https://www.vijayavani.net/bombe-helutaite-song-video-from-chinnaswamy-stadium-goes-viral-on-twitter-and-other-social-media-platforms/

https://www.vijayavani.net/sonu-nigam-shankar-mahadevan-vijay-prakash-kailash-kher-singers-pay-tribute-to-puneeth-rajkumar-through-mahanubhava-song/

https://www.vijayavani.net/rrr-grand-pre-release-event-to-take-place-at-chikkaballapura-in-karnataka-in-100-acres-and-cm-basavaraj-bommai-and-shivarajkumar-will-grace-the-event-as-guests/

https://www.vijayavani.net/bhairagee-teaser-to-release-along-with-james-movie-on-the-same-day-of-puneeth-rajkumars-birthday/