ಯುಟ್ಯೂಬ್ ಟ್ರೆಂಡಿಂಗ್ ಪಟ್ಟಿಯಲ್ಲಿ ಕನ್ನಡದ 'ಲವ್ ಮಾಕ್ಟೆಲ್ 2' ಟ್ರೈಲರ್​ನದ್ದೆ ಹವಾ...

ನಟ, ನಿರ್ದೇಶಕ ಡಾರ್ಲಿಂಗ್ ಕೃಷ್ಣ ಅವರ 'ಲವ್ ಮಾಕ್ಟೆಲ್ 2' ಟ್ರೈಲರ್ ಕೊನೆಗೂ ಫೆಬ್ರವರಿ.1 ರಂದು ಬಿಡುಗಡೆಯಾಗಿದೆ. 2020ರಲ್ಲಿ ಬಿಡುಗಡೆ ಆಗಿದ್ದ 'ಲವ್ ಮಾಕ್ಟೆಲ್' ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಇನ್ನು, ಸೂಪರ್ ಹಿಟ್ ಆದ 'ಲವ್ ಮಾಕ್ಟೆಲ್' ಚಿತ್ರದ ಮುಂದಿನ ಭಾಗವೇ ಈ 'ಲವ್ ಮಾಕ್ಟೆಲ್ 2' ಸಿನಿಮಾ.

'ಲವ್ ಮಾಕ್ಟೆಲ್' ಸಿನಿಮಾದಲ್ಲಿ ನಾಯಕ ಆದಿ ಹಲವು ಪ್ರೇಮ ವೈಫಲ್ಯಗಳನ್ನು ಅನುಭವಿಸಿ ಕೊನೆಗೆ ನಿಧಿಮಾಳನ್ನು ವಿವಾಹವಾಗುತ್ತಾರೆ. ಆದರೆ, ಅವರ ದುರಾದೃಷ್ಟಕ್ಕೆ ನಿಧಿಮಾ ಕ್ಯಾನ್ಸರ್‌ಗೆ ಬಲಿಯಾಗುತ್ತಾರೆ. ಈ ಕಥೆಯನ್ನು ಯುವತಿಯೊಬ್ಬರಿಗೆ ನಾಯಕ ನಟ ಆದಿ ಹೇಳುತ್ತಿರುವ ದೃಶ್ಯದೊಂದಿಗೆ ಆ ಸಿನಿಮಾ ಮುಗಿಯಿತು.

ನಿಧಿಮಾಳನ್ನು ಕಳೆದುಕೊಳ್ಳುವ ಆದಿ ಮುಂದೇನು ಮಾಡುತ್ತಾನೆ ಎಂಬುದೇ 'ಲವ್ ಮಾಕ್ಟೆಲ್ 2' ಚಿತ್ರದ ಕಥೆಯಾಗಿದೆ. ಇದೀಗ, ಬಿಡುಗಡೆಯಾದ ಟ್ರೈಲರ್ ಸಾಕಷ್ಟು ಕುತೂಹಲವನ್ನು ಸಿನಿಪ್ರೇಕ್ಷಕರಲ್ಲಿ ಹುಟ್ಟಿಸಿದೆ. ಹಾಗಾಗಿ, ಸಿನಿಮಾ ನೋಡಲು ವೀಕ್ಷಕರು ಕಾದು ಕುಳಿತಿದ್ದಾರೆ ಎನ್ನಬಹುದು. ಹೀಗೆ ಸಾಕಷ್ಟು ಕುತೂಹಲ ಹುಟ್ಟಿಸಿರುವ 'ಲವ್ ಮಾಕ್ಟೆಲ್ 2' ಚಿತ್ರದ ಟ್ರೈಲರ್ ಸದ್ಯ ಯುಟ್ಯೂಬ್​ನಲ್ಲಿ ದಾಖಲೆಗಳನ್ನು ಬರೆಯುತ್ತಿದೆ.

ಟ್ರೈಲರ್ ರಿಲೀಸ್ ಆದ ಕೇವಲ 21 ಗಂಟೆ ಒಳಗೆ 1.2 ಮಿಲಿಯನ್ ವೀಕ್ಷಣೆಗಳನ್ನು ಗಿಟ್ಟಿಸಿಕೊಂಡಿದೆ. ಇದರ ಜತೆಗೆ, ಯುಟ್ಯೂಬ್​ನ ಸಿನಿಮಾ ವಿಭಾಗದಲ್ಲಿ ಚಿತ್ರದ ಟ್ರೈಲರ್ ಸಿಕ್ಕಾಪಟ್ಟೆ ಟ್ರೆಂಡಿಂಗ್ ಆಗಿದೆ. ಟ್ರೆಂಡಿಂಗ್ ಪಟ್ಟಿಯಲ್ಲಿ ಮೊದಲ ಸ್ಥಾನ ಗಿಟ್ಟಿಸಿಕೊಂಡಿದೆ. ಇದನ್ನ, ಸ್ವತಃ ಮಿಲನಾ ನಾಗರಾಜ್ ಅವರು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

https://www.vijayavani.net/radhe-shyam-of-darling-prabhas-to-set-theatres-on-fire-on-march-11th/

https://www.vijayavani.net/malavika-mohanan-wears-a-monokini-in-maldives-and-looks-super-hot-in-the-bikini-pictures/