ಮುರುಗನ ಜತೆಗೆ ಹೆಜ್ಜೆ ಹಾಕಿದ 'ಬಿಗ್ ಬಾಸ್' ಬೆಡಗಿ

ಬೆಂಗಳೂರು: 'ಬಿಗ್​ ಬಾಸ್​ ಒಟಿಟಿ'ಯ ಮೊದಲ ಸೀಸನ್​ನಲ್ಲಿ ಗಮನ ಸೆಳೆದ ಕಿರಣ್​ ಯೋಗೀಶ್ವರ್​ ಈಗ ಒಂದು ಐಟಂ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಮುರುಗನ ಜತೆಗೆ ಹಾಡಿ ಕುಣಿದಿದ್ದಾರೆ.

ಇದನ್ನೂ ಓದಿ: ಹಾರರ್​ ಕಥೆಯಲ್ಲಿ ಅಕ್ಕ-ತಂಗಿಯಾದ ಮಿಲನಾ-ಅಮೃತಾ

ಕಳೆದ ವರ್ಷ 'ಕೊಡೆ ಮುರುಗ' ಎಂಬ ಚಿತ್ರ ಬಿಡುಗಡೆಯಾಗಿದ್ದು ನೆನಪಿರಬಹುದು. ಈ ಚಿತ್ರದಲ್ಲಿ ಅಭಿನಯಿಸುವ ಮೂಲಕ ಗುರುತಿಸಿಕೊಂಡವರು ಮುನಿಕೃಷ್ಣ. ತಮ್ಮ ಹಾವ-ಭಾವದಿಂದ ಗಮನಸೆಳೆದಿದ್ದ ಅವರು, ಈಗ ಇನ್ನೊಂದು ಹೊಸ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಅದೇ 'ಮುರುಗ - ಸನ್​ ಆಫ್​ ಕಾನೂನು'. ವಿಜಯ ಪ್ರವೀಣ್ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರದಲ್ಲಿ ಮುನಿಕೃಷ್ಣ ಜತೆಗೆ ಕಿರಣ್​ ಕುಣಿದಿದ್ದಾರೆ.

ಇದೊಂದು ಪಕ್ಕಾ ಗ್ರಾಮೀಣ ಸೊಗಡಿನ ಚಿತ್ರವಾಗಿದ್ದು, ಮಂಗಳೂರು, ಮಲ್ಪೆ, ಕಾಪು ಬೀಚ್, ಸಕಲೇಶಪುರ, ಆನೇಕಲ್ ಮತ್ತು ಬೆಂಗಳುರು ಸುತ್ತಮುತ್ತ ಚಿತ್ರಕ್ಕೆ ೩೫ ದಿನಗಳ ಕಾಲ ಚಿತ್ರೀಕರಣ ನಡೆಸಲಾಗಿದೆ. ಹಳ್ಳಿಯ ಜಮೀನ್ದಾರ ಮತ್ತು ಎಲ್​ಎಲ್​ಬಿ ಓದಿಕೊಂಡ ಪದವಧರನ ನಡುವಿನ ಹೋರಾಟದ ಕುರಿತಾದ ಚಿತ್ರ ಇದಾಗಿದ್ದು, ಜಮೀನ್ದಾರನಾಗಿ ಶೋಭರಾಜ್​ ನಟಿಸಿದ್ದಾರೆ.

ಈ ಚಿತ್ರದಲ್ಲಿ ಚಿರಶ್ರೀ ಹಾಗೂ ಮಮತಾ ರಾಹುತ್ ನಾಯಕಿಯರಾಗಿ ನಟಿಸದ್ದು, ನಾಯಕಿಯ ತಂದೆಯಾಗಿ ರಮೇಶ್ ಭಟ್ ಮತ್ತು ನಾಯಕನ ತಾಯಿಯ ಪಾತ್ರದಲ್ಲಿ ವಿನಯಾ ಪ್ರಸಾದ್ ಕಾಣಿಸಿಕೊಂಡಿದ್ದಾರೆ. ಮಿಕ್ಕಂತೆ ಡಿಂಗ್ರಿ ನಾಗರಾಜ್, ಉಮೇಶ್ ಮುಂತಾದವರು ಈ ಚಿತ್ರದಲ್ಲಿ ನಟಿಸಿದ್ದಾರೆ.

ಇದನ್ನೂ ಓದಿ: ಮತ್ತೆ ಬಂದ ದಂಡುಪಾಳ್ಯ ಗ್ಯಾಂಗ್​ … ‘ಹುಬ್ಬಳ್ಳಿ ಡಾಬಾ’ ಕ್ಲೈಮ್ಯಾಕ್ಸ್​ನಲ್ಲಿ ಎಂಟ್ರಿ

ಎಎಸ್‌ಎ ಪ್ರೊಡಕ್ಷನ್ ಮೂಲಕ ಮುನಿಕೃಷ್ಣ ಅವರೇ ನಿರ್ಮಿಸಿರುವ ಈ ಚಿತ್ರಕ್ಕೆ ದ್ವೈಪಾಯನ ಸಿಂಗ್ ಸಂಗೀತ ಸಂಯೋಜಿಸಿದ್ದು, ಶಂಕರ್ ಅವರ ಛಾಯಾಗ್ರಹಣವಿದೆ. ಥ್ರಿಲ್ಲರ್ ಮಂಜು ಸಾಹಸ ಸಂಯೋಜನೆ ಮಾಡುವುದರ ಜತೆಗೆ ಚಿತ್ರದಲ್ಲೊಂದು ಪ್ರಮುಖ ಪಾತ್ರದಲ್ಲೂ ಕಾಣಿಸಿಕೊಂಡಿದ್ದಾರೆ.

https://www.vijayavani.net/one-crore-tickets-of-kantara-sold-in-karnataka/