ಕಾಲೇಜು ಶಿಕ್ಷಣವನ್ನು ಮುಗಿಸಿದ ನಂತರ, ತಮ್ಮ ಸಹೋದರ ಮೋಹನ್ ರಾಜ ನಿರ್ದೇಶನದ 2003ರಲ್ಲಿ ತೆರೆಕಂಡ ಜಯಂ ಚಿತ್ರದಲ್ಲಿ ನಾಯಕನಾಗಿ ಪಾದರ್ಪಣೆ ಮಾಡಿದರು. ಮೊದಲ ಚಿತ್ರದಲ್ಲೇ ಎಲ್ಲರ ಮೆಚ್ಚುಗೆ ಗಳಿಸಿದರು. ಈ ಸಿನಿಮಾದಿಂದ ಜಯಂ ರವಿ ಎಂಬ ಹೆಸರು ಖಾಯಂ ಆಯಿತು. ಬಳಿಕ 2004ರಲ್ಲಿ ಜಯಂ ರವಿ ಹಾಗೂ ಮೋಹನ್ ರಾಜ ಕಾಂಬೋ ಚಿತ್ರ ‘ಎಂ ಕುಮಾರನ್ ಸನ್ ಆಫ್ ಮಹಾಲಕ್ಷ್ಮಿ’ ತಮಿಳು ಚಿತ್ರರಂಗದಲ್ಲಿ ಒಳ್ಳೆಯ ಯಶಸ್ಸನ್ನು ದಾಖಲಿಸಿತು. ಇದರ ಬೆನ್ನಲ್ಲೇ ದಾಸ್, ರಾಮಿ, ಇರಿಟಾ ತಿರುದನ್, ತೋಕ್ಕು ಮತ್ತು ಮನಂ, ದೀಪಾವಳಿ, ಸಂತೋಷ್ ಸುಬ್ರಮಣ್ಯಂ, ಧಾಮ್ ಧೂಮ್ ಹೀಗೆ ವೈವಿಧ್ಯಮಯ ಪಾತ್ರಗಳಲ್ಲಿ ಜಯಂ ರವಿ ನಟಿಸಿದರು. ಅವರು ನಟಿಸಿದ ಬಹುತೇಕ ಚಿತ್ರಗಳು ಅಭಿಮಾನಿಗಳಿಂದ ಉತ್ತಮ ಪ್ರತಿಕ್ರಿಯೆ ಪಡೆದಿವೆ.
