ಬೆಂಗ್ಳೂರಲ್ಲೇ ಇದ್ದೇನೆ; ಲಂಡನ್ ವದಂತಿಗೆ ಹರ್ಷಿಕಾ ಉತ್ತರ

ಬೆಂಗಳೂರು: ಇಂಗ್ಲೆಂಡ್​ನಲ್ಲಿ ಕರೊನಾ ರೂಪಾಂತರ ಹೊಂದಿದ್ದು, ಆ ದೇಶದಿಂದ ಭಾರತಕ್ಕೆ ಮರಳುವವರ ಮೇಲೆ ನಿಗಾ ವಹಿಸಲಾಗಿದೆ. ಈ ಮಧ್ಯೆ, ಕೆಲವು ದಿನಗಳ ಹಿಂದೆ ಹರ್ಷಿಕಾ ಪೂಣಚ್ಚ ಭೋಜಪುರಿ ಚಿತ್ರದ ಚಿತ್ರೀಕರಣಕ್ಕೆ ಲಂಡನ್​ಗೆ ಹೋಗಿದ್ದರು. ಈ ವಿಷಯವಾಗಿ ಕೆಲವು ವದಂತಿಗಳು ಹಬ್ಬಿದ್ದವು.

ಈ ಕುರಿತು ಸ್ಪಷ್ಟನೆ ನೀಡಿರುವ ಹರ್ಷಿಕಾ, ‘ನಾನು ಲಂಡನ್​ಗೆ ಹೋಗಿದ್ದು ನಿಜ. ಆದರೆ, ಎರಡು ವಾರದ ಹಿಂದೆಯೇ ವಾಪಸ್ ಬಂದಿದ್ದೇನೆ. ಲಂಡನ್ ನನ್ನ ಇಷ್ಟದ ಸ್ಥಳ ಆಗಿರುವುದರಿಂದ ಅಲ್ಲಿನ ಸಾಕಷ್ಟು ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದೇನೆ. ಆದರೆ, ನಾನು ಇನ್ನೂ ಅಲ್ಲಿಯೇ ಇದ್ದೇನೆ ಎಂಬ ರೀತಿಯಲ್ಲಿ ಸುದ್ದಿ ಹರಿದಾಡುತ್ತಿದೆ. ನಾನೀಗ ಬೆಂಗಳೂರಿನಲ್ಲಿಯೇ ಇದ್ದೇನೆ. ಸುರಕ್ಷಿತವಾಗಿದ್ದೇನೆ. ಒಂದು ವಾರದ ಹಿಂದೆ ಫೋಟೋಶೂಟ್ ಸಹ ಮಾಡಿಸಿದ್ದೇನೆ’ ಎಂದು ಹೇಳಿಕೊಂಡಿದ್ದಾರೆ.

ಹರ್ಷಿಕಾ ಕ್ರಿಸ್​ಮಸ್​ ಸಂಭ್ರಮ

ಕರೊನಾ ಭಯದಿಂದ ಈ ಬಾರಿ ಕ್ರಿಸ್​ವುಸ್ ಮತ್ತು ಹೊಸ ವರ್ಷದ ಆಚರಣೆ ಸಹಜವಾಗಿಯೇ ಕಡಿಮೆಯಾಗಿದೆ. ಆದರೆ, ಸಂಭ್ರಮ ಎನ್ನುವುದು ಪಾರ್ಟಿ ಮಾಡುವುದರಿಂದ ಬರುವುದಿಲ್ಲ, ಕೆಲಸದ ಮೂಲಕವೂ ತೋರಿಸಬಹುದು ಎಂದು ಹೇಳುವ ಪ್ರಯತ್ನವನ್ನು ಫ್ಯಾಶನ್ ಡಿಸೈನರ್ ಲಕ್ಷ್ಮೀ ಕೃಷ್ಣ ಮತ್ತು ನಟಿ ಹರ್ಷಿಕಾ ಪೂಣಚ್ಚ ಮಾಡಿದ್ದಾರೆ. ಈ ಹಿಂದೆ ಸ್ಯಾಂಡಲ್​ವುಡ್ ಮತ್ತು ಬಾಲಿವುಡ್ ನಟಿಯರ ಫೋಟೋಗಳಿದ್ದ ಸೀರೆ ಡಿಸೈನ್ ಮಾಡಿದ್ದ ಲಕ್ಷ್ಮೀ ಕೃಷ್ಣ, ಇದೀಗ ಕ್ರಿಸ್​ವುಸ್ ನೆನಪಿಸುವಂತಹ ಎರಡು ಡ್ರೆಸ್​ಗಳನ್ನು ಡಿಸೈನ್ ಮಾಡಿದ್ದು, ಆ ಡ್ರೆಸ್​ಗಳಲ್ಲಿ ಹರ್ಷಿಕಾ ಮಿಂಚಿದ್ದಾರೆ. ಸೀರೆಯ ಮೇಲೆ ಸಾಂತಾ ಕ್ಲಾಸ್, ಕ್ರಿಸ್​ವುಸ್ ಟ್ರೀ ಮತ್ತು ಗಿಫ್ಟ್​ಗಳ ಚಿತ್ರಗಳನ್ನು ಪ್ರಿಂಟ್ ಮಾಡಿಸಲಾಗಿದೆ. ಇನ್ನೊಂದು ಡ್ರೆಸ್, ಗಿಫ್ಟ್​ಗಳಿಗೆ ಕಟ್ಟುವ ರಿಬ್ಬನ್ ಮಾದರಿಯಲ್ಲಿದ್ದು, ನಾವೆಲ್ಲರೂ ಗಿಫ್ಟ್ ಗಳೇ ಎಂಬ ಪರಿಕಲ್ಪನೆಯಲ್ಲಿ ಡಿಸೈನ್ ಮಾಡಲಾಗಿದೆ.

https://www.vijayavani.net/neha-kakkar-album-song-released/

https://www.vijayavani.net/actress-milana-nagaraj-at-a-bachelor-party-with-friends/

https://www.vijayavani.net/ajays-new-film-has-a-story-by-shashank/