ಬೆಂಗಳೂರು: ಸಾಮಾನ್ಯವಾಗಿ ನಟ, ನಟಿಯರು ರಂಗಭೂಮಿ, ಕಿರುಚಿತ್ರ, ಮ್ಯೂಸಿಕ್ ವಿಡಿಯೋ ಆಲ್ಬಂ, ಧಾರಾವಾಹಿಗಳಲ್ಲಿ ಮೊದಲು ಕಾಣಿಸಿಕೊಂಡು, ಅನುಭವ ಪಡೆದು, ನಂತರ ಬೆಳ್ಳಿಪರದೆಯ ಮೇಲೆ ಮಿಂಚಲು ಅಣಿಯಾಗುತ್ತಾರೆ. ಇಂತಹ ಅನೇಕ ಉದಾಹರಣೆಗಳಿವೆ. ಆದರೆ, ಬೃಂದಾ ಆಚಾರ್ಯ ಸಿನಿಮಾ ಮೂಲಕವೇ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟವರು. ‘ಪ್ರೇಮಂ ಪೂಜ್ಯಂ’ ಚಿತ್ರದ ಮೂಲಕ ನಾಯಕಿಯಾಗಿ ಸ್ಯಾಂಡಲ್ವುಡ್ ಡೆಬ್ಯೂ ಮಾಡಿದ ಬೃಂದಾ, ಇದೀಗ ‘ಕೌಸಲ್ಯಾ ಸುಪ್ರಜಾ ರಾಮ’ ಚಿತ್ರದ ಯಶಸ್ಸಿನಲೆಯಲ್ಲಿ ತೇಲುತ್ತಿದ್ದಾರೆ. ಸದ್ಯ ಎಸ್.ನಾರಾಯಣ್ ನಿರ್ದೇಶನದ ‘ಒಂದ್ಸಲ ಮೀಟ್ ಮಾಡೋಣ’ ಸಿನಿಮಾದಲ್ಲಿ ಬಿಜಿಯಿರುವ ಬೃಂದಾ ಈಗೊಂದು ‘ಸಾವಿರ ಗುಂಗಲ್ಲಿ’ ಎನ್ನುವ ಹೊಸ ಮ್ಯೂಸಿಕ್ ವಿಡಿಯೋ ಆಲ್ಬಂನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಬಗ್ಗೆ ಬೃಂದಾ, ‘ನನಗೆ ಮೊದಲೇ ಮ್ಯೂಸಿಕ್ ಅಲ್ಬಂನಲ್ಲಿ ಅಭಿನಯಿಸಬೇಕು ಎನ್ನುವ ಆಸೆಯಿತ್ತು. ನನಗೆ ಮೊದಲು ಬಂದ ಆರ್ ಕೂಡ ಅದೇ ಆಗಿತ್ತು. ಆದರೆ, ‘ಪ್ರೇಮಂ ಪೂಜ್ಯಂ’ ಸಿನಿಮಾಗೆ ಆಯ್ಕೆಯಾದೆ. ಈಗ ಮತ್ತೆ ಮ್ಯೂಸಿಕ್ ಆಲ್ಬಂನಲ್ಲಿ ಅವಕಾಶ ಸಿಕ್ಕಿರುವುದು ಖುಷಿಯಿದೆ’ ಎನ್ನುತ್ತಾರೆ.
