ಸಾಮಾನ್ಯವಾಗಿ ಇಂಥ ಚಿತ್ರಗಳಲ್ಲಿ ಒಬ್ಬೊಬ್ಬರು ಒಂದೊಂದು ಕಥೆ ಮಾಡುವ ಪರಿಪಾಠ ಇದೆ. ಆದರೆ, ಇಲ್ಲಿ ನಾಲ್ಕೂ ಕಿರುಚಿತ್ರಗಳನ್ನೂ ಪೂಜಾ ಸಂಪತ್ ಅವರೇ ನಿರ್ದೇಶನ ಮಾಡಲಿದ್ದಾರೆ. ಈ ಕುರಿತು ‘ವಿಜಯವಾಣಿ’ಯೊಂದಿಗೆ ಮಾತನಾಡಿದ ಅವರು, ‘ಸದ್ಯ ‘ನೋಟರಿ’ ಮತ್ತು ‘ಅಮ್ಮಮ್ಮ’ ಶೂಟಿಂಗ್ ಮುಗಿಸಿ ಸಂಕಲನ ಕೆಲಸ ನಡೆಯುತ್ತಿದೆ. ಇನ್ನೆರಡು ಎಪಿಸೋಡ್ಗಳ ಶೂಟಿಂಗ್ ಶೀಘ್ರದಲ್ಲಿ ಶುರುವಾಗಲಿದ್ದು, ಪ್ರತಿ ಸಂಚಿಕೆ 30 ನಿಮಿಷ ಇರಲಿದೆ. ಓಟಿಟಿ ಸಲುವಾಗಿಯೇ ಈ ಕಾನ್ಸೆಪ್ಟ್ ಆಯ್ದುಕೊಂಡಿದ್ದೇನೆ. ನಿರ್ವಣದ ಜವಾಬ್ದಾರಿಯೂ ನಂದೇ. ನನ್ನ ಜತೆಗೆ ವಿವೇಕ್ ರಾಮ್ ಕ್ರಿಯೇಟಿವ್ ನಿರ್ವಪಕರಾಗಿದ್ದಾರೆ’ ಎಂಬುದು ಪೂಜಾ ಮಾತು. ಮಾರ್ಚ್ ತಿಂಗಳಲ್ಲಿ ಚಿತ್ರದ ಕೆಲಸಗಳು ಮುಗಿಯಲ್ಲಿದ್ದು, ಮೇನಲ್ಲಿ ಚಿತ್ರ ಬಿಡುಗಡೆಯಾಗುವ ಸಾಧ್ಯತೆ ಇದೆ.
