ಅನುಷ್ಕಾ, ವಿರಾಟ್ ಮಗಳ ಹೊಸ ಫೋಟೋ ವೈರಲ್! ಹೇಗಿತ್ತು, ವಾಮಿಕಾ ಮೊದಲ ಜನ್ಮದಿನ?

ಮುಂಬೈ: ನಟಿ ಅನುಷ್ಕಾ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಅವರ ಮುದ್ದು ಮಗಳು ವಾಮಿಕಾ ಇಂದು 1 ವರ್ಷದ ಹುಟ್ಟು ಹಬ್ಬವನ್ನು ಆಚರಿಸಿಕೊಂಡರು. ಅನುಷ್ಕಾ, ವಿರಾಟ್ ಅಭಿಮಾನಿಗಳು ಮತ್ತು ಸ್ನೇಹಿತರು ಸಾಮಾಜಿಕ ಜಾಲತಾಣದಲ್ಲಿ ವಾಮಿಕಾಗೆ ತಮ್ಮ ಶುಭಾಶಯಗಳನ್ನು ತಿಳಿಸಿದ್ದಾರೆ. ತಮ್ಮ ಮಗಳ ಮೇಲೆ ಇಷ್ಟು ಪ್ರೀತಿ ತೋರಿಸಿದ ಎಲ್ಲರಿಗೂ, ನಟಿ ಅನುಷ್ಕಾ ಶರ್ಮಾ ಉತ್ತರಿಸಿದರು.

ತನ್ನ ಸ್ನೇಹಿತೆ ಅನ್ವಿ ಸಹಾ ಜೊತೆ ಪಾರ್ಕ್‌ನಲ್ಲಿ ಆಟವಾಡುತ್ತಾ ಆನಂದಿಸುತ್ತಿರುವ ವಾಮಿಕಾಳ, ಮುಖ ಕಾಣದ ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡು, ನಟಿ ಅನುಷ್ಕಾ ಶರ್ಮಾ ಎಲ್ಲರಿಗೂ ಧನ್ಯವಾದಗಳು ತಿಳಿಸಿದ್ದಾರೆ. ವಾಮಿಕಾ, ಫೋಟೋದಲ್ಲಿ ಕೆನೆ ಬಣ್ಣದ ಡ್ರೆಸ್‌ ಧರಿಸಿದ್ದಾರೆ. 

ವಾಮಿಕಾ ಮೊದಲ ಜನ್ಮದಿನ ತುಂಬಾ ಚೆನ್ನಾಗಿ ಆಚರಿಸಲಾಗಿದೆ ಎಂಬ ಸುದ್ದಿಗಳು ಹರಿದಾಡುತ್ತಿವೆ. ಆದರೆ, ಅನುಷ್ಕಾ ಮತ್ತು ವಿರಾಟ್ ಕೊಹ್ಲಿ ಮಾತ್ರ ಮಗಳ ಜನ್ಮದಿನದ ಸಂಭ್ರಮಾಚರಣೆಯ ಕುರಿತು ಕಿಂಚಿತ್ತು ಮಾಹಿತಿಯನ್ನು ಹಂಚಿಕೊಳ್ಳಲಿಲ್ಲ. ಕೇವಲ, ಒಂದು ಫೋಟೋ ಹಂಚಿಕೊಂಡಿದ್ದಾರೆ. ಈ ಫೋಟೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. 

https://www.vijayavani.net/rashmika-mandanna-and-vijay-devarakonda-videos-from-goa-during-new-year-go-viral-on-twitter/

https://www.vijayavani.net/nagachaithanya-shys-off-over-daksha-nagarkar-smile-in-bangarraju-prereleaseevent-triggering-rumuors-of-dating-with-actor-and-video-goes-viral/