ಇನ್​ಸ್ಟಾಗ್ರಾಂನಲ್ಲಿ ಸೌತ್​ಗೆ ಅಲ್ಲು ನಂ.1, ರಶ್ಮಿಕಾ ಟಾಪ್.. ವಿಜಯ್ ದೇವರಕೊಂಡ ಕಥೆ ಏನು?

'ಪುಷ್ಪಾ' ಸಿನಿಮಾ ಸ್ಟಾರ್ ನಟ ಅಲ್ಲು ಅರ್ಜುನ್ ಸೌತ್ ಇಂಡಿಯಾದಲ್ಲಿ ಅತ್ಯಂತ ಜನಪ್ರಿಯ ನಟರಲ್ಲಿ ಒಬ್ಬರು. ಇನ್ನು, ಜನವರಿ 14 ರಂದು ಅಲ್ಲು ಅರ್ಜುನ್ ಫೋಟೋ-ಶೇರಿಂಗ್ ಅಪ್ಲಿಕೇಶನ್‌ ಇನ್​ಸ್ಟಾಗ್ರಾಂನಲ್ಲಿ 15 ಮಿಲಿಯನ್ ಅನುಯಾಯಿಗಳನ್ನು ಪಡೆದುಕೊಂಡಿದ್ದಾರೆ. ಇದರ ಮೂಲಕ, ಇನ್​ಸ್ಟಾಗ್ರಾಂನಲ್ಲಿ ಅತಿ ಹೆಚ್ಚು ಅನುಯಾಯಿಗಳನ್ನು ಪಡೆದುಕೊಂಡಿರುವ ಸೌತ್ ಇಂಡಿಯಾದ ನಟರ ಪಟ್ಟಿಯಲ್ಲಿ ಅಲ್ಲು ಅರ್ಜುನ್ ಮೊದಲ ಸ್ಥಾನದಲ್ಲಿದ್ದಾರೆ.

ಅಂದಹಾಗೆ, ಅಲ್ಲು ಅರ್ಜುನ್ ಇತ್ತೀಚೆಗೆ ಬಿಡುಗಡೆಯಾದ ಅವರ ಚಿತ್ರ 'ಪುಷ್ಪ: ದಿ ರೈಸ್‌'ನಲ್ಲಿ ಅವರ ಅಭಿನಯಕ್ಕಾಗಿ ಇಡೀ ದೇಶದ ಗಮನ ಸೆಳೆದಿದ್ದಾರೆ. 15 ಮಿಲಿಯನ್ ಅನುಯಾಯಿಗಳನ್ನು ಪಡೆದುಕೊಂಡ ತಕ್ಷಣ ಅರ್ಜುನ್ ತಮ್ಮ ಅನುಯಾಯಿಗಳಿಗೆ ಧನ್ಯವಾದಗಳನ್ನು ತಿಳಿಸುತ್ತಾ ಒಂದು ವಿಶೇಷ ಫೋಟೋವೊಂದನ್ನು ಹಂಚಿಕೊಂಡಿದ್ದಾರೆ. ಅರ್ಜುನ್ ಹಂಚಿಕೊಂಡ ಈ ಫೋಟೋ ಮೇಲೆ ಬರೋಬ್ಬರಿ 1.7 ಮಿಲಿಯನ್ ಲೈಕ್ಸ್​ಗಳೇ ಇದ್ದಾವೆ. ಜತೆಗೆ, 13,000ಕ್ಕೂ ಹೆಚ್ಚು ಕಾಮೆಂಟ್​ಗಳ ಸುರಿಮಳೆ ಅಭಿಮಾನಿಗಳಿಂದ ಸುರಿದಿದೆ. ಮತ್ತೊಂದೆಡೆ, ಮೊದಲ ಸ್ಥಾನ ಅರ್ಜುನ್ ಅವರದ್ದು ಆದರೇ, ಎರಡನೇ ಸ್ಥಾನ ಯಾರದ್ದು ಎಂಬ ಕುತೂಹಲ ಸಹಜವಾಗಿಯೇ ಇರುತ್ತೆ.

ಆ ಕುತೂಹಲಕ್ಕೆ ಉತ್ತರವೇ ನಟ ವಿಜಯ್ ದೇವರಕೊಂಡ. ಹೌದು, ರೌಡಿ ವಿಜಯ್​ಗೆ ಬರೋಬ್ಬರಿ 14.3 ಮಿಲಿಯನ್ ಅನುಯಾಯಿಗಳು ಸದ್ಯ ಇದ್ದಾರೆ. ನಟರ ಪಟ್ಟಿ ಹೀಗಿರುವಾಗ, ಇನ್​ಸ್ಟಾಗ್ರಾಂನಲ್ಲಿ ನಟಿಯರ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿ ಈಗಲೂ ನಮ್ಮ ಕನ್ನಡದ ಕುವರಿ ನಟಿ ರಶ್ಮಿಕಾ ಮಂದಣ್ಣ ಅವರ ಹೆಸರೇ ಮುಂದುವರೆಯುತ್ತಿದೆ. ಹೌದು, ಜುಲೈ ತಿಂಗಳಲ್ಲಿ ನಟಿ ರಶ್ಮಿಕಾಗೆ ಬರೋಬ್ಬರಿ 19.2 ಮಿಲಿಯನ್ ಅನುಯಾಯಿಗಳು ಇದ್ದರು. ಈಗ ಆ ಸಂಖ್ಯೆ ದುಪ್ಪಟ್ಟು ಆಗಿದ್ದು, ಬರೋಬ್ಬರಿ 27.5 ಮಿಲಿಯನ್ ಅನುಯಾಯಿಗಳನ್ನು ಹೊಂದಿದ್ದಾರೆ.

ಮತ್ತೊಂದೆಡೆ, ನಟಿಯರ ಪಟ್ಟಿಯಲ್ಲಿ ಇಲ್ಲಿಯವರೆಗೆ ನಟಿ ಕಾಜಲ್ ಅಗರ್ವಾಲ್ ಅವರ ಹೆಸರು ಎರಡನೇ ಸ್ಥಾನದಲ್ಲಿ ಕೇಳಿಬಂದಿತ್ತು. ಆದರೆ ಇದೀಗ, ನಟಿ ಸಮಂತಾ ಅವರ ವಿಚ್ಛೇದನದ ಬಳಿಕ ಅನುಯಾಯಿಗಳ ಸಂಖ್ಯೆಯನ್ನು 21 ಮಿಲಿಯನ್ ಗೆ ಹೆಚ್ಚಿಸಿಕೊಂಡಿದ್ದು, ಎರಡನೇ ಸ್ಥಾನವನ್ನು ಗಿಟ್ಟಿಸಿಕೊಂಡಿದ್ದಾರೆ. ನಟಿ ಕಾಜಲ್​ಗೆ ಸದ್ಯ 20.5 ಮಿಲಿಯನ್ ಅನುಯಾಯಿಗಳು ಇದ್ದಾರೆ. ಸಮಂತಾ ಮತ್ತು ಕಾಜಲ್​ಗೆ ಕೇವಲ 5 ಲಕ್ಷ ಅನುಯಾಯಿಗಳ ವ್ಯತ್ಯಾಸವಿದೆ. 

https://www.vijayavani.net/ravi-teja-to-romance-5-actresses-in-his-next-ravanasura-movie/

https://www.vijayavani.net/samantha-poses-in-a-back-less-top-cum-gown-for-a-photoshoot-and-pictures-go-viral/

https://www.vijayavani.net/up-election-actor-model-archana-gautam-now-congress-candidate-has-a-request/