ಮುಂಬೈ: ಸ್ಯಾಂಡಲ್ವುಡ್, ಟಾಲಿವುಡ್, ಕಾಲಿವುಡ್, ಬಾಲಿವುಡ್ ನಲ್ಲಿ ಒಂದು ಹವಾ ಸೃಷ್ಟಿಸಿದ ಕನ್ನಡದ ನಟಿ ಅಂದರೆ ಅದು ಕೊಡಗಿನ ಬೆಡಗಿ ರಶ್ಮಿಕಾ ಮಂದಣ್ಣ. ಒಂದು ಸಿನಿಮಾದ ಮೇಲೆ ಮತ್ತೊಂದು ಬೇರೆ ಬೇರೆ ಸಿನಿಮಾಗಳ ಆಫರ್ ಪಡೆಯುತ್ತಿರುವ ನಟಿ ರಶ್ಮಿಕಾ ಮಂದಣ್ಣ ನಾಲ್ಕು ಭಾಷೆಗಳಲ್ಲಿ ತಮ್ಮ ಬೇಡಿಕೆ ಹೆಚ್ಚಿಸಿಕೊಂಡು ಹೋಗುತ್ತಲೇ ಇದ್ದಾರೆ. ಜೊತೆಗೆ, ಎಲ್ಲ ಚಿತ್ರರಂಗಗಳಲ್ಲಿ ಒಳ್ಳೆಯ ಹೆಸರು ಉಳಿಸಿಕೊಂಡಿರುವ ನಟಿ ರಶ್ಮಿಕಾ ತಮ್ಮ ಒಟ್ಟಿಗೆ ಕೆಲಸ ಮಾಡುವ ಸಹ-ನಟರೊಂದಿಗೂ ಉತ್ತಮ ಬಂಧವನ್ನು ಹೊಂದಿದ್ದಾರೆ. ಸದಾ ಟ್ರೋಲ್ ಆಗುತ್ತ ಸುದ್ದಿಯಲ್ಲಿರುವ ರಶ್ಮಿಕಾ, ಸಹ-ನಟರಿಗೆ ಉಡುಗೊರೆಗಳನ್ನು ಕಳುಹಿಸುತ್ತ ಸಿಕ್ಕಾಪಟ್ಟೆ ಚರ್ಚೆಗೂ ಒಳಗಾಗಿದ್ದಾರೆ. ಇದೀಗ, ಮತ್ತೆ ಒಬ್ಬ ನಟನಿಗೆ ಉಡುಗೊರೆ ಕಳುಹಿಸಿದ್ದು, ಕೊಡಗಿನ ಕುವರಿ ನೆಟ್ಟಿಗರ ಮನೆಮಾತಾಗಿದ್ದಾರೆ.
