ಆ ನಿರ್ದೇಶಕ, ನನ್ನ ಮಾತು ಕೇಳಿದರೆ ದೊಡ್ಡ ಸ್ಟಾರ್​ ಮಾಡುತ್ತೇನೆ ಎಂದಿದ್ದ - ನಟಿಯ ಶಾಕಿಂಗ್​ ಹೇಳಿಕೆ

‘ತೇರಿ ಮೇರಿ ದೂರಿಯಾ’, ‘ಬಾಬರ್’ ಸೇರಿ ಹಲವು ಧಾರಾವಾಹಿಗಳಲ್ಲಿ ನಟಿಸಿರುವ ಖ್ಯಾತಿ ಹಿಂದಿ ಕಿರುತೆರೆ ನಟಿ ಹಿಮಾಂಶಿ ಪರಾಷರ್‌ಗೆ ಸಲ್ಲುತ್ತದೆ. ಇಂತಹ ನಟಿಗೂ ಹಿಂದೆ ಕಾಸ್ಟಿಂಗ್ ಕೌಚ್ ಕಾಡಿತ್ತಂತೆ.

ಇದನ್ನೂ ಓದಿ : ಬಿಗ್​ಬಾಸ್​ ಮನೆ ಪ್ರವೇಶಕ್ಕೂ ಮುನ್ನ ಈ ಒಂದು ಟೆಸ್ಟ್​ ಕಡ್ಡಾಯ: ನೋ ಅಂದವರಿಗೆ ಬಾಗಿಲು ಬಂದ್​!

ಈ ಬಗ್ಗೆ ಇತ್ತೀಚೆಗಷ್ಟೆ ಹೇಳಿಕೊಂಡಿರುವ ಹಿಮಾಂಶಿ, ‘ನಿಮಗೆ ದೊಡ್ಡ ಅವಕಾಶ ನೀಡುತ್ತೇನೆ. ಆದರೆ, ನೀವು ಅಡ್ಜಸ್ಟ್ ಮಾಡಿಕೊಳ್ಳಬೇಕಷ್ಟೇ ಎಂದು ನಿರ್ದೇಶಕರೊಬ್ಬರು ಹೇಳಿದ್ದರು. ಆ ಬಗ್ಗೆ ನಾನು ಮತ್ತೊಬ್ಬರ ಬಳಿ ಹೇಳಿದೆ. ಅದಕ್ಕೆ ಅವರು ಸಹ, ‘ಈ ಫೀಲ್ಡಲ್ಲಿ ಇದೆಲ್ಲಾ ಮಾಮೂಲಿ. ’ ಎಂದರು. ಹೀಗೆಲ್ಲಾ ಮಾಡಲೇಬೇಕು ಅಂದರೆ ನನಗೆ ಸಿನಿಮಾ ಕ್ಷೇತ್ರವೇ ಬೇಡ. ಇನ್ನಷ್ಟು ಓದಿಕೊಂಡು ಕೆಲಸಕ್ಕೆ ಸೇರುವುದೇ ಒಳ್ಳೆಯದು ಅಂತಂದುಕೊಂಡಿದ್ದೆ. ಆದರೆ, ಆ ಘಟನೆಯ ಬಳಿಕ ನನಗೆ ಮತ್ತೆ ಅಂತಹ ಪರಿಸ್ಥಿತಿ ಎದುರಾಗಲಿಲ್ಲ. ಹೀಗಾಗಿ ಇಲ್ಲಿಯೇ ಮುಂದುವರಿಯಲು ತೀರ್ಮಾನಿಸಿದೆ’ ಎಂದು ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ : ತ್ರಿಷಾ ವಿರುದ್ಧ ಮದ್ರಾಸ್​ ಹೈಕೋರ್ಟ್​ ಮೆಟ್ಟಿಲೇರಿದ್ದ ಮನ್ಸೂರ್​ ಅಲಿ ಖಾನ್​ಗೆ ಬಿಗ್​ ಶಾಕ್​!

ಜತೆಗೆ, ‘ಆಡಿಷನ್‌ಗಳ ಮೂಲಕ ನಟ, ನಟಿಯರ ಪ್ರತಿಭೆ ಗುರುತಿಸಿ ಅವಕಾಶ ನೀಡಬೇಕೇ ಹೊರತು, ಹೀಗೆಲ್ಲ ಏನೂ ತಿಳಿಯದ ಅಮಾಯಕ ಹೆಣ್ಣುಮಕ್ಕಳನ್ನು ಅಡ್ಡದಾರಿಗೆ ಎಳೆಯಬಾರದು’ ಎಂದು ಹಿಮಾಂಶಿ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

https://www.vijayavani.net/bbks10-pavi-poovappa-speaks-about-tanisha-varthur-santhosh-marriage-rumours