ಈ ಫೋಟೋದಲ್ಲಿರುವ ಬಾಲಕಿ ಯಾರು ಗೊತ್ತಾ? ಇಂದು ಬಾಲಿವುಡ್​ನ ಬೋಲ್ಡ್​ ಬ್ಯೂಟಿ ಈಕೆ! Actress Childhood Photo

Actress Childhood Photo : ಸಿನಿಪ್ರಿಯರಿಗೆ ಹೀರೋ ಮತ್ತು ಹೀರೋಯಿನ್​ಗಳ ವೈಯಕ್ತಿಕ ಮಾಹಿತಿ ತಿಳಿದುಕೊಳ್ಳುವ ಕುತೂಹಲ ಇದ್ದೇ ಇರುತ್ತದೆ. ಅವರು ಬಳಸುವ ಕಾರುಗಳು, ದಿನನಿತ್ಯ ಜೀವನದಲ್ಲಿ ಅವರ ಹವ್ಯಾಸಗಳು, ಧರಿಸುವ ಬಟ್ಟೆ, ಮೊಬೈಲ್​ ಹಾಗೂ ವಾಚ್​ ಬೆಲೆ ಎಷ್ಟು? ವಾಸಿಸುವ ಮನೆ ಎಷ್ಟು ಬೆಲೆ ಬಾಳುತ್ತದೆ? ಮತ್ತು ಯಾವ ಯಾವ ವಸ್ತುಗಳನ್ನು ಆಗಾಗ ಬಳಕೆ ಮಾಡುತ್ತಾರೆ? ಎಂಬಿತ್ಯಾದಿ ವಿಚಾರಗಳನ್ನು ತಿಳಿದುಕೊಳ್ಳಲು ಬಯಸುತ್ತಾರೆ. ಇದಿಷ್ಟೇ ಅಲ್ಲದೆ, ಬಾಲ್ಯದಲ್ಲಿ ಹೇಗಿದ್ದರು? ಸಿನಿಮಾಗೆ ಬರುವ ಮುಂಚೆ ಹೇಗೆ ಕಾಣುತ್ತಿದ್ದರು ಎಂದು ತಿಳಿದುಕೊಳ್ಳುವ ಕುತೂಹಲವೂ ಜಾಸ್ತಿ ಇರುತ್ತದೆ.

ಪ್ರಸ್ತುತ ನಾವೊಂದು ಫೋಟೋವನ್ನು ನಿಮ್ಮ ಮುಂದೆ ಹಂಚಿಕೊಳ್ಳುತ್ತಿದ್ದೇವೆ. ಆ ಫೋಟೋವನ್ನು ನೀವು ಮೇಲೆ ನೋಡಬಹುದು. ಕೆಂಪು ಬಣ್ಣದ ಉಡುಗೆ ಧರಿಸಿರುವ ಬಾಲಕಿಯೊಬ್ಬಳು ತಮ್ಮ ತಾಯಿಯ ಜತೆ ಕ್ಯಾಮೆರಾಗೆ ಪೋಸ್​ ನೀಡಿದ್ದಾರೆ. ಈ ಬಾಲಕಿ ಸಾಮಾನ್ಯ ಬಾಲಕಿಯಲ್ಲ. ಆಕೆ, ಈಗ ಬಾಲಿವುಡ್​ ಬ್ಯೂಟಿ. ಹಿಂದಿ ಚಿತ್ರರಂಗದ ಅನೇಕ ಸ್ಟಾರ್​ ನಟಿಯರಲ್ಲಿ ಈಕೆ ಕೂಡ ಒಬ್ಬರು. ನಟ ಪ್ರಭಾಸ್​ ಜತೆ ಒಂದು ತೆಲುಗು ಸಿನಿಮಾದಲ್ಲೂ ನಟಿಸಿದ್ದಾರೆ. ಕನ್ನಡದಲ್ಲಿ ನಟಿಸದಿದ್ದರೂ ಬಾಲಿವುಡ್​ನಲ್ಲಿನ ತಮ್ಮ ನಟನೆ ಹಾಗೂ ಸೌಂದರ್ಯದಿಂದಾಗಿ ದೇಶಾದ್ಯಂತ ಖ್ಯಾತಿ ಗಳಿಸಿದ್ದಾರೆ. ಈ ನಟಿಯ ತಂದೆ ಬಾಲಿವುಡ್​ನ ಖ್ಯಾತ ಖಳನಟ ಹಾಗೂ ಹಾಸ್ಯ ಕಲಾವಿದ. ಟೈಗರ್​ ಶ್ರಾಫ್​, ಶಾಹೀದ್​ ಕಪೂರ್​, ವರುಣ್​ ಧವನ್​ ಹಾಗೂ ರಣಬೀರ್​ ಕಪೂರ್​ ಸೇರಿದಂತೆ ಪ್ರಮುಖ ನಟರೊಂದಿಗೆ ತೆರೆಹಂಚಿಕೊಂಡಿದ್ದಾರೆ. ಇಷ್ಟೆಲ್ಲ ಸುಳಿವು ನೀಡಿದರೂ ಅವರು ಯಾರೆಂದು ಗೊತ್ತಾಗುತ್ತಿಲ್ಲವೇ? ಹಾಗಾದರೆ, ಮುಂದೆ ಓದಿ ಉತ್ತರ ಸಿಗಲಿದೆ.

ಅಂದಹಾಗೆ, ಈ ಮೇಲಿನ ಫೋಟೋದಲ್ಲಿರುವುದು ಬೇರೆ ಯಾರೂ ಅಲ್ಲ ಅವರೇ ಬಾಲಿವುಡ್​ ಬ್ಯೂಟಿ ಶ್ರದ್ಧಾ ಕಪೂರ್​. 1987 ಮಾರ್ಚ್ 3 ರಂದು ಮುಂಬೈಯಲ್ಲಿ ಜನಿಸಿದ ಅವರು, ಪ್ರಸಿದ್ಧ ನಟ ಶಕ್ತಿ ಕಪೂರ್ ಮತ್ತು ಶಾಸ್ತ್ರೀಯ ಗಾಯಕಿ ಶಿವಾಂಗಿ ಕಪೂರ್ ಅವರ ಮಗಳು. ಬಾಲ್ಯದಲ್ಲೇ ಬಾಸ್ಟನ್ ವಿಶ್ವವಿದ್ಯಾಲಯದಲ್ಲಿ ಥಿಯೇಟರ್ ಅಧ್ಯಯನ ಮಾಡಿದರು. ಅವರ ಕುಟುಂಬದ ಹಿನ್ನೆಲೆಯಿಂದಲೇ ಸಿನಿಮಾ ಆಸಕ್ತಿ ಶ್ರದ್ಧಾ ಅವರಲ್ಲಿ ಬೆಳೆಯಿತು.

ಇದನ್ನೂ ಓದಿ: ಸಂಧಾನದ ಬಳಿಕ ಒಂದೇ ಕೋಣೆಯಲ್ಲಿ ಮಲಗಿದ್ದ ಪತಿ-ಪತ್ನಿ: ಕಿರುಚಾಟ ಕೇಳಿ ಹತ್ತಿರ ಬಂದವರಿಗೆ ಕಾದಿತ್ತು ಶಾಕ್​! Wife

ಶ್ರದ್ಧಾ ಕಪೂರ್ ಅವರ ಸಿನಿಮಾ ವೃತ್ತಿ ಜೀವನ 2010ರಲ್ಲಿ 'ಟೀನ್ ಪಟ್ಟಿ' ಚಿತ್ರದಲ್ಲಿ ಸಣ್ಣ ಪಾತ್ರದ ಮೂಲಕ ಆರಂಭವಾಯಿತು. ಆದರೆ, ಅವರ ಜೀವನವನ್ನು ಬದಲಾಯಿಸಿದ್ದು 2013ರ 'ಆಶಿಕಿ 2' ಚಿತ್ರ. ಈ ಚಿತ್ರದಲ್ಲಿ ಅವರ ನಟನೆ ಮತ್ತು ಗಾಯನಕ್ಕೆ ಜನಪ್ರಿಯತೆ ಸಿಕ್ಕಿತು. ನಂತರ 'ಹೈಸ್ಕೂಲ್ ಲವರ್', 'ಸ್ಟೇ' ಮತ್ತು 'ಚಿಚೋರೆ' ಇತ್ಯಾದಿ ಚಿತ್ರಗಳಲ್ಲಿ ಅವರು ನಟಿಸಿ ಖ್ಯಾತಿ ಪಡೆದರು. ಅವರ ಸೊಗಸಾದ ನಟನೆ ಬಾಲಿವುಡ್‌ನ ಮುಖ್ಯ ನಟಿಯಾಗಿ ಮಾಡಿತು.

ಇಂದಿನ ಬಾಲಿವುಡ್​ ಸಿನಿಮಾ ರಂಗದ ಸ್ಟಾರ್ ನಟಿಯರಲ್ಲಿ ಒಬ್ಬರಾಗಿರುವ ಶ್ರದ್ಧಾ ಕಪೂರ್, ಸಾಮಾಜಿಕ ಜಾಲತಾಣಗಳಲ್ಲಿಯೂ ಜನಪ್ರಿಯರು. ಅವರ ಜೀವನಶೈಲಿ, ಫ್ಯಾಷನ್ ಮತ್ತು ಸಮಾಜಮುಖಿ ಕೆಲಸಗಳು ಆಗಾಗ್ಗೆ ಚರ್ಚೆಗೆ ಒಳಗಾಗುತ್ತವೆ. ಅಲ್ಲದೆ, ಆಗಾಗ್ಗೆ ಡೇಟಿಂಗ್​ ವಿಚಾರವಾಗಿ ಸುದ್ದಿಯಾಗುತ್ತಿರುತ್ತಾರೆ. ಸೆಪ್ಟೆಂಬರ್ 19ರಂದು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಒಂದು ಸುಂದರ ವಿಡಿಯೋ ಪೋಸ್ಟ್ ಮಾಡಿ, ಬರಹಗಾರ ರಾಹುಲ್ ಮೋಡಿ ಅವರೊಂದಿಗಿನ ಸಂಬಂಧವನ್ನು ಅಧಿಕೃತವಾಗಿ ಘೋಷಿಸಿದ್ದಾರೆ. ರಾಹುಲ್ ಮೋಡಿ ಒಬ್ಬ ಸ್ಕ್ರೀನ್‌ರೈಟರ್ ಮತ್ತು ಅಸಿಸ್ಟಂಟ್ ಡೈರೆಕ್ಟರ್. 2024ರಲ್ಲಿ ಮುಂಬೈನ ಒಂದು ರೆಸ್ಟೊರಂಟ್‌ನಿಂದ ಇಬ್ಬರು ಒಟ್ಟಿಗೆ ಹೊರಬರುತ್ತಿರುವ ಫೋಟೋ ಹಾಗೂ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಕಾಣಿಸಿಕೊಂಡಾಗ ಇಬ್ಬರ ಡೇಟಿಂಗ್ ವದಂತಿಗಳು ಆರಂಭವಾದವು. ಇದಾದ ಬಳಿಕ ಇಬ್ಬರು ಹಲವು ಬಾರಿ ಸಾರ್ವಜನಿಕ ಸ್ಥಳಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಇದು ಡೇಟಿಂಗ್​ ವದಂತಿಗೆ ಇನ್ನಷ್ಟು ಚರ್ಚೆಯನ್ನು ಹುಟ್ಟುಹಾಕಿತು.

ಈ ಹಿಂದೆ ಶ್ರದ್ಧಾ ಅವರ ಹೆಸರು ರಣಬೀರ್ ಕಪೂರ್ ಹಾಗೂ ಆದಿತ್ಯ ರಾಯ್ ಕಪೂರ್‌ ಜತೆ ತಳಕು ಹಾಕಿಕೊಂಡಿತ್ತು. ಆದರೆ, ಅವುಗಳು ಕೇವಲ ರೂಮರ್‌ಗಳಾಗಿಯೇ ಉಳಿದವು. ಪ್ರಸ್ತುತ, ರಾಹುಲ್ ಮೋಡಿ ಅವರೊಂದಿಗಿನ ಸಂಬಂಧವು ಸ್ಥಿರವಾಗಿದ್ದು, ಅಭಿಮಾನಿಗಳು ಕೂಡ ಅದನ್ನು ಸ್ವಾಗತಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/actress-childhood-photo-can-you-guess-this-famous-actress-from-her-childhood-pic

https://www.vijayavani.net/actress-childhood-photo-do-you-recognize-the-cute-baby-in-this-photo-now-she-is-heroine