ಅಭಿಮಾನಿಗಳಿಗೆ ಧ್ರುವ ಸರ್ಜಾ ಕಡೆಯಿಂದ ಮನವಿ

ಬೆಂಗಳೂರು: ಕರೊನಾ ಸೇರಿ ಹಲವು ಕಾರಣಗಳಿಂದ ಸ್ಯಾಂಡಲ್​ವುಡ್​ ಮಂದಿ ತಂತಮ್ಮ ಜನ್ಮದಿನ ಆಚರಣೆಗೆ ಬ್ರೇಕ್​ ಹಾಕಿದ್ದರು. ಇದೀಗ ನಟ ಧ್ರುವ ಸರ್ಜಾ ಸಹ ಹುಟ್ಟುಹಬ್ಬದ ಆಚರಣೆ ಬೇಡ ಎಂದಿದ್ದಾರೆ.

ಇದನ್ನೂ ಓದಿ: ರಿಲೀಸ್​ ಆಯ್ತು ಅಕ್ಷಯ್​ ಕುಮಾರ್ ‘ಬೆಲ್​ಬಾಟಂ’ ಚಿತ್ರದ ಟೀಸರ್

ಅ. 6ರರ ಮಂಗಳವಾರ ಧ್ರುವ ಸರ್ಜಾ 33ನೇ ವಸಂತಕ್ಕೆ ಕಾಲಿರಿಸಲಿದ್ದಾರೆ. ಆದರೆ, ಆ ಖುಷಿಯ ಕ್ಷಣವನ್ನು ಸಂಭ್ರಮಿಸಲು ಸರ್ಜಾ ಕುಟುಂಬ ಅಣಿಯಾಗಿಲ್ಲ. ಅಣ್ಣ ಚಿರಂಜೀವಿ ಸರ್ಜಾನನ್ನು ಕಳೆದುಕೊಂಡು ಒಬ್ಬಂಟಿಯಾಗಿರುವ ಧ್ರುವ, ಯಾವುದೇ ಆಚರಣೆ ಬೇಡ ಎಂದು ಅಭಿಮಾನಿಗಳಿಗೆ ಮನವಿ ಮಾಡಿದ್ದಾರೆ. ಇದ್ದಲ್ಲಿಂದಲೇ ಶುಭಹಾರೈಸಿ ಎಂದಿದ್ದಾರೆ.

'ಅಭಿಮಾನಿಗಳೇ ನಮ್ ಅನ್ನದಾತರು. ನೀವೇ ನಮ್ಮ ಶಕ್ತಿ. ಪ್ರತಿವರ್ಷ ಹುಟ್ಟುಹಬ್ಬಕ್ಕೆ ನೀವು ನಮ್ಮ ಮನೆಗೆ ಬಂದು ತೋರಿಸೋ ಪ್ರೀತಿ, ಅಭಿಮಾನ ವರ್ಣನಾತೀತ. ಈವರ್ಷದ ಎಲ್ಲಾ ಬೆಳವಣಿಗೆಗಳು ನಿಮಗೆ ಗೊತ್ತಿರೋದೇ. ಎಲ್ಲೂ ಸಂಭ್ರಮವಿಲ್ಲ. ಅಭಿಮಾನಿಗಳನ್ನು ಮನೆಯಬಳಿ ಬರಬೇಡಿ ಎನ್ನಲು ಮನಸ್ಸಿಲ್ಲ. ನೀವು ಇರುವ ಕಡೆಯಿಂದಲೇ ಹಾರೈಸಿ. ಅದೇ ನನಗೆ ಶ್ರೀರಕ್ಷೆ. ಜೈಆಂಜನೇಯ' ಎಂದು ಟ್ವಿಟ್​ ಮಾಡಿದ್ದಾರೆ.

ಇದನ್ನೂ ಓದಿ: ಆರೂವರೆ ತಿಂಗಳ ನಂತರ ಮತ್ತೆ ಚಿತ್ರೀಕರಣದಲ್ಲಿ ಭಾಗಿಯಾದ ಸಲ್ಮಾನ್​

ಸದ್ಯ ಪೊಗರು ಸಿನಿಮಾ ಕೆಲಸಗಳಲ್ಲಿ ತೊಡಗಿಸಿಕೊಂಡಿರುವ ಧ್ರುವ, ಜನ್ಮದಿನದಂದೂ ಆ ಸಿನಿಮಾದ ಶೂಟಿಂಗ್​ನಲ್ಲಿ ಪಾಲ್ಗೊಳ್ಳಲಿದ್ದಾರೆ. ಈ ಸಲದ ಅವರ ಹುಟ್ಟುಹ್ಹಬದ ನಿಮಿತ್ತ ಯಾವುದೇ ಪೋಸ್ಟರ್ ಆಗಲಿ, ಟೀಸರ್​ ಆಗಲಿ ಬಿಡುಗಡೆ ಆಗುವುದಿಲ್ಲ ಎಂದೂ ನಿರ್ದೇಶಕ ನಂದಕಿಶೋರ್​ ವಿಜಯವಾಣಿಗೆ ತಿಳಿಸಿದ್ದಾರೆ.

https://www.vijayavani.net/shahid-kapoor-slashes-down-his-remuneration/