ಮುಂಬೈ: ಸಲ್ಮಾನ್ ಖಾನ್ ಲಾಕ್ಡೌನ್ನಲ್ಲಿ ಏನೆಲ್ಲಾ ಮಾಡಿದ್ರು ಎಂದು ಎಲ್ಲರಿಗೂ ಗೊತ್ತೇ ಇದೆ. ಪನ್ವೇಲ್ನ ತಮ್ಮ ಫಾರ್ಮ್ ಹೌಸ್ನಲ್ಲಿ ಗೆಳತಿಯರ ಜತೆಗೆ ಲಾಕ್ಡೌನ್ ಸಮಯವನ್ನು ಕಳೆಯುವುದರ ಜತೆಗೆ, ವಿಡಿಯೋ ಆಲ್ಬಮ್ ಕೂಡಾ ಅವರು ಮಾಡಿದ್ದರು. ಈಗ ಲಾಕ್ಡೌನ್ ತೆರವಾಗಿ, ಚಿತ್ರೀಕರಣ ಶುರುವಾಗುತ್ತಿದ್ದಂತೆಯೇ, ಸಲ್ಮಾನ್ ಖಾನ್ ಸಹ ತಮ್ಮ ‘ರಾಧೆ’ ಚಿತ್ರದ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದಾರೆ.
ಇದನ್ನೂ ಓದಿ: ನಿವೃತ್ತ ಆರ್ವಿು ಆಫೀಸರ್ ಅವತಾರದಲ್ಲಿ ರಾಘಣ್ಣ ಆಗಮನ
ಲಾಕ್ಡೌನ್ ಶುರುವಾಗುವ ಮುನ್ನ ಸಲ್ಮಾನ್ ಖಾನ್, ‘ರಾಧೆ’ ಚಿತ್ರದ ಚಿತ್ರೀಕರಣದಲ್ಲಿ ಭಾಗವಹಿಸದ್ದರು. ಒಂದು ಹಾಡು ಮತ್ತು ಪ್ಯಾಚ್ವರ್ಕ್ ಶುರು ಮುಗಿಸಿದ್ದರೆ, ಚಿತ್ರೀಕರಣ ಸಹ ಮುಗಿದು ಹೋಗಿರುತಿತ್ತು. ಅಷ್ಟೇ ಅಲ್ಲ, ಈದ್ ಸಂದರ್ಭದಲ್ಲಿ ಚಿತ್ರ ಬಿಡುಗಡೆಯಾಗಬೇಕಿತ್ತು. ಆದರೆ, ಲಾಕ್ಡೌನ್ ಇದ್ದುದರಿಂದ ಎಲ್ಲವೂ ತಡವಾಯಿತು.
ಇದೀಗ ಆರೂವರೆ ತಿಂಗಳ ನಂತರ ಸಲ್ಮಾನ್ ಖಾನ್ ಮತ್ತೆ ‘ರಾಧೆ’ ಚಿತ್ರದ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದಾರೆ. ಇದೀಗ ಹಾಡಿನ ಚಿತ್ರೀಕರಣ ನಡೆಯುತ್ತಿದ್ದು, ಈ ಹಾಡಿನ ಚಿತ್ರೀಕರಣದಲ್ಲಿ ಸಲ್ಮಾನ್ ಭಾಗವಹಿಸಿರುವ ಒಂದು ಫೋಟೋವನ್ನು ಅವರು ಸೋಷಿಯಲ್ ಮೀಡಿಯಾ ಮೂಲಕ ಹಂಚಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಆರೂವರೆ ತಿಂಗಳುಗಳ ನಂತರ ಚಿತ್ರೀಕರಣದಲ್ಲಿ ಭಾಗವಹಿಸುತ್ತಿರುವುದು ಬಹಳ ಖುಷಿ ತಂದಿದೆ ಎಂದು ಸಹ ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: 14 ದಿನದಲ್ಲಿ 10 ಸಾವಿರ ಟಿಕೆಟ್ ಮಾರಾಟ!; ಇದು ಭ್ರಮೆ ತಂಡದ ಸಾಹಸ
‘ರಾಧೆ’ ಚಿತ್ರದ ಚಿತ್ರೀಕರಣ ಕಳೆದ ನವೆಂಬರ್ನಲ್ಲಿ ಪ್ರಾರಂಭವಾಗಿತ್ತು. ಈ ಚಿತ್ರದಲ್ಲಿ ಸಲ್ಮಾನ್ಗೆ ನಾಯಕಿಯಾಗಿ ದಿಶಾ ಪಠಾಣಿ ಅಭಿನಯಿಸುತ್ತಿದ್ದು, ಮಿಕ್ಕಂತೆ ಜಾಕಿ ಶ್ರಾಫ್, ರಣದೀಪ್ ಹೂಡಾ ಮುಂತಾದವರು ನಟಿಸುತ್ತಿದ್ದಾರೆ. ಈ ಚಿತ್ರವನ್ನು ಅತುಲ್ ಅಗ್ನಿಹೋತ್ರಿ ಮತ್ತು ಸೋಹೈಲ್ ಖಾನ್ ಜಂಟಿಯಾಗಿ ನಿರ್ಮಿಸುತ್ತಿದ್ದು, ಪ್ರಭುದೇವ ನಿರ್ದೇಶನ ಮಾಡುತ್ತಿದ್ದಾರೆ.